濕疹、類固醇反彈/上癮、紅皮症、戒斷類固醇/免疫抑制劑（二）

咁好似係講緊同一支

成身出晒水，好臭
最後都係要搽返藥膏

我喺診所睇醫生，醫生開比我，類似d外用抗生素。

我知道好辛苦。你過去幾個月既好轉原因係咩？戒前類固醇？

其實我自2月新年開始都差左，原因係飲食，夜訓，情緒同轉天氣。而家會紅會有甩皮，痕時會抓得好厲害。
但因為我戒甩左類固醇，所以而家都係好表皮既紅同脫皮。同以前用緊或戒緊類固醇時係完全不同情況。
我近排差左都仲可以正常生活，出街做運動。
只要夠休息，皮膚會好得好快。真係夠訓8個鐘，第二日d皮膚生一返哂出黎。（所以我又開始調查生活...做運動同早訓）

所以我唔夠膽比咩建議你....但唯一既係，我如果你同我或相類似既患者一樣，根本唔係普通濕疹，係類固醇上癮，一日唔戒甩佢，一日都會喺到輪迴....

調整生活*

濕疹飲（話飲過都會斷尾）

一條藥方, 是一位在英國十分有名的中醫師, 開比濕疹病人飲, 話飲過都會斷尾, 只是普遍中藥, 又便宜, 所以可一試。

條方好簡單, 去藥店執, 只是十幾蚊。
1. 昆布、海草、大生地、夏枯草各一兩
2. 野菊花五錢 (分開包)

昆布海草好多沙, 用水浸幾分鐘, 再用筲箕沖洗, 沖走d沙, 跟住用一個大煲, 煲滾水, 放(1)煲1小時30分鐘後, 加野菊花煲多半小時, 加片糖調味。

煲好隔走渣, 放涼, 等d沙沈底, 容易d隔清d沙, 用黎當水飲, 飲一兩天, 濕疹明顯收水, 飲了4天左右, suffer了幾個月的濕疹, 開始結痂痊癒。

不過飲藥當日必須介口, 所有煎炸炒焗都唔食得 (麵包都不能食, 因為是焗), 只能食蒸和水煮。我而家好番後, 間中都有煲這種涼茶, 幫身體清一清濕毒。

仲有切記, 生濕疹是永遠介食西蘭花, 士多啤梨, 蕃茄和芒果等濕熱野都要少食, 這點要留意。 西蘭花, 蕃茄, 芒果, 士多啤梨之類在中醫黎講叫濕熱, 西醫黎講, 有某種植物蛋白質, 係致敏源。

大約一日飲一個大湯碗, 煲成3粒鐘, 涼都變咗唔涼, 怕涼唔好一朝早飲/病完/m黎唔好飲住。飲得多只是頭幾日, 幾日後d濕疹結晒痂, 一星期飲一次, 好番晒就唔洗飲, 之後一兩個月覺濕熱才飲一次清一清, 不過好番要好好護理皮膚呀, 唔好亂用/亂搽野刺激到皮膚。

有無人知呢個方法work唔work

Eczema巴打SORRY或者應該同埋自己SORRY..
我最後去左睇西醫, 因為我覺得差既情況比之前更嚴重
西醫斷症係紅皮症,但未嚴重到需要入院, 但我都出現左唔夠水份既情況,同埋個人愈黎愈瘦咁 (我係飲好多水但一日可能得2-3次小便)
感覺到, 又將之前既功夫白費了, 又吸取番好多唔應該吸取既野

我都唔清楚咩事真係, 12月-1月既時候同你呢家既情況好似, 唔會爛皮膚, 差都只係紅/痕 甩皮都唔係好多TIM...
但慢慢又差番, 頸同大脾後面有爛, 會出水, 漸漸去到早兩三星期連身都開始差
我自己估計係情緒, 同埋天氣好大影響

你最後果句真係..好SAD , 亦都係我最擔心既一樣野, 就係走唔出呢個困境

想問下樓主而家情況點?

樓主情況如何?

我今年二月到五月情況又差返，會紅，痕同脱皮（當然同以前嚴重既時候無得比）。原因我覺得係上年年尾開始見皮膚好返好多，飲食同睡眠習慣都差左，生活壓力果排又大。覺得應該係lee d原因令皮膚差。

不過6月開始生活習慣好返d，又睇下廣華中醫診所既中醫師調理身體（但我無長期食藥，因為之前肝酵素原因），而且我過去三星期參考日本丹羽療法，戒哂所有豬牛羊雞同剌激性食物，肉類只食魚。

近一個月皮膚又好返

近排情況上面講左。

過去一年皮膚係戒甩類固醇同免疫抑制藥之後生活逐漸重回正軌，可以去落雪嘅地方旅行可以工作，可以做運動。就算過去幾個月皮膚差咗，都冇之前咁嚴重，皮膚康復癒合得好快。



https://topick.hket.com/article/2368812/嚴重濕疹脫皮出血如數百道刀傷%E3%80%8090後男教師皮膚好轉：最work就是戒掉西藥?r=cpsdfb

大家加油。

唔好意思巴打 介唔介意留個聯絡方法 我有問題想問下你

Disharmonious@hotmail.com.hk

Feel free to contact me.

長時間用類固醇(藥膏)會唔會影響腎臟?
Google過冇乜相關資料

全身不停出水 真係能夠頂到嗎

..

會好架！
但你要好好留意身體，搵一個可信任既醫生定期睇住自己既情況。要留意有無發燒或細菌感染。解釋比醫生聽你戒緊類固醇，如果有需要要消毒或消炎問佢開其他非類固醇既藥。（如殺菌藥膏）

有無人試過膝頭一伸直就會巢皮,有小小痛, 會唔會好得番?

好返晒啦，好健康，做咩都可以

原來喺另一個post問果個都係你
回咗兩次添