濕疹、類固醇反彈/上癮、紅皮症、戒斷類固醇/免疫抑制劑（二）

由細到大都有濕疹
未試過做正常人

做正常人嘅時間 就係搽類固醇/protopic嘅日子
到底點解要戒

可唔可以成世都搽protopic
用量已經少架喇
戒左兩個月
中間有次搽返兩日/兩次protopic
即刻好返三日 之後又繼續又紅又乾又痛
日日都瞓唔到
瞓瞓下又會冇意識咁r隻腳
隻手反而冇r 但一樣勁紅勁乾

琴日睇完西醫
雖然唔係好嚴重
醫生開一堆藥
諗住試一星期唔消即停
好驚好似巴打你咁
食完藥返唔到轉頭
仲有一埋食物要戒

樓主好返了？

可以介紹ma

戎類出街好大壓力

想問下大家用咩潤膚
啲摺位同頸搽完潤膚有汗噏住仲痕
結果我就R到出晒血

由細搽類固醇大 最近的起心汗戒
但隻手同腳都爛哂出水
同埋好似起雞皮咁一粒粒
大家係用冰袋敷定點令自己好過啲?

有傷口同爛肉嘅話唔好用潤膚 痷住哂仲難好
可以試下用死海鹽幫助收水

請問有冇死海鹽推薦?

其實隻隻都差唔多 成份天然/以色列產就得

類戒咗差唔多一年半 今次隔咗半年又爆一次
不過好咗啲唔係全身爆 係爆咗半身再到另半身
每次發作都會返黎睇吓個post 好似會多啲動力捱落去
好似我依家就大髀大範圍燙傷咁痛咁打緊字
如果有同我一樣既人希望睇到依到都俾到安慰你

再分享一啲依排穩定期嘅心得
有三樣最重要: 睡眠 飲食 運動

睡眠
第一要每日定時瞓覺起身
第二日頭曬太陽
第三夜晚開少啲燈

睡眠簡直係發作個陣冇辦法控制同擁有嘅野 所以我覺得我短命咗好多
穩定啲個排都好似太耐冇正常瞓 變到唔識瞓覺咁
最近睇咗本書《為什麼要睡覺？》講瞓足覺係比想像中有更長遠嘅影響 所以好似潛意識說服到身體瞓啦

本書值得睇 但如果你剩係想知點瞓好啲就直接睇網上心得就夠

飲食
第一要戒過敏源
第二要醫腸漏
第三要正確攝取不同種類豐富嘅營養

我係跟AIP diet -Paleo Autoimmune Protocol 「原始飲食自體免疫疾病方案」
國外係有幾多人用同成功 但好少中文資源

強烈推薦睇《恐怖的自體免疫疾病療癒聖經》
如果只係睇一本書就一定係依本
中醫個套介口只會令到你冇營養冇力打仗同修復
雖然我真係係好多地方推薦過 但真係普及唔到 中醫真心影響太深

運動
最緊要係keep住做
做五分鐘都係做
完成唔到唔緊要

幾推薦做瑜珈
因為好耐冇做運動 一做就熱會唔舒服扯到皮膚又痕
做瑜珈都幾易入手 同埋分唔同程度同類型
個人鍾意三十分鐘以上嘅流動瑜珈
練習呼吸個人會平穩啲 對住陽光做幾舒服
推薦 youtube 凱蒂瑜珈 款式多 講得清楚 節奏適中

不過多數發作就咩都做唔到剩係攤係張床到(好似我依家咁
但打完字好似分到吓心冇咁痛
加油大家 無論戒咗幾耐你地都好叻好勇敢

係度分享下
自己本身由細到大濕疹底，細個亦都因為用太多類固醇有啲皮膚比較薄，然後驚左類固醇，一路都比較嚴重，搽lotion完全冇用反而更加痕，但慢慢到大個自己就好返好多

到近年有啲位開始翻發雖然唔太嚴重，有段時間眼皮都有，睇咗有個醫生同佢傾完之後信咗佢搽類固醇，係我個case搽完之後真係發得無咁勁，但好咗一陣又會出返嚟， 之後轉左protopic 呢隻真係好堅!!! 佢都好快壓制到啲濕疹, 但都係查好返之後一兩個月會再返發，但翻發都越嚟越輕微,經歷幾次之後而家so far成年幾都冇事,真心推介

類固醇我覺得初期去壓制發炎係真係有用嘅, 但真係唔可以太依賴囉, 好憎坊間啲人成日話唔好查呢樣唔好搽嗰樣,但又唔俾suggestion…淨係話查lotion, 但我自己就覺得搽lotion只係等佢自己慢慢好,而個時間可能係講緊好長好長

只係想分享少少自己心路歷程但對我來講protopic 真係好work

好似上邊話齋有幾個phrase正常嘅


同埋奉勸各位有濕疹嘅人真係要自己fact check多啲,我自己搵多啲資料,唔好人哋話咩就咩啊

同埋環境同心理嘅狀況真係好大好大影響，心理真係會好影響生理,好多study 都話stress會trigger eczema , 雖然呢樣野好on9成面都係濕疹仲點樣冇壓力，但真係搵多啲方法舒緩下自己個情緒，另外嚟緊夏天真係要保持皮膚乾爽

我今個月有明顯改善
但係原因不明
諗到既可能性有 3 個

1）中醫幫我排曬啲毒
睇咗半年中醫，上個月痾得好勁

2）疫苗開始失效
半年前打針後，發到四肢 + 臉部都有
但聽聞枝針既效力半年後開始減弱

3）補充營養，改善咗 gut-brain axis 失調
呢排有食 6 種 supplements + 狂飲水
之後咁啱睇到本《皮膚營養學全書》
入面有講到改善 gut-brain axis 失調
可以醫濕疹 而改善既方法係
補充益生菌、魚油、維他命C & D
同埋多飲水，同我做緊既野不謀而合

如果無類固醇上癮，但用mw有冇效呢?

我就黎甩皮甩到死

無用過類固醇 可能求其睇個中醫都得