毒L 藥劑師，你問我答

返工時間，annual leave?福利？

食某隻藥唔可以飲到 grapefruit juice. 想問如果唔小心飲咗 身體會出現啲咩明顯嘅反應？

講到明保健產品，一般就係啲Scientific Evidence 唔係好多嘅野
因為如果個樣野真係好有效的話，一早變左做藥物啦，洗乜周街賣廣告Sell人買

所以乖啦，多做運動，一星期最好做到150分鐘中等強度嘅帶氧運動
帶氧運動 = 要用到心肺功能嘅，Feel 到心跳加快同出到汗 (姐係齋操肌肉個啲唔計)
中等強度 = 跑步，緩步跑，游水，踩單車，太極，泰拳，籃球，足球，行山 ......
知道如果冇做開會有難度，慢慢由1星期 1 - 2 次 30分鐘，慢慢提升到1星期 3 - 4 次 啦

補眼同關節又係同樣道理，好難好general 咁去補，有啲咁嘅野我一早叫我媽食啦
所以伯母嘅情況其實係點？眼係有黃班病變定點？有冇驗過眼？
關節又係咩情況？一邊痛兩邊痛？行痛？有冇紅有冇腫？伯母咩年紀體重有冇長期病食緊長期藥？
藥劑師要問症先可以比到建議架

唇炎分好多種 我要問多啲病症先可以幫到巴打你呀

係咩位置？嘴角定成個嘴？ (想分係唇炎定嘴角炎)
紅？腫？痛？
有冇話做左咩會厲害啲 (例如曬太陽) or 食左咩會厲害啲？ (睇下係咪敏感)
甩皮？乾？
長期係講緊幾耐？斷斷續續定真係無時無刻？
有冇試過用啲咩？ (避免又比返相同藥物你試)

同埋最好有相，因為皮膚問題一張圖真係勝過千言萬語

老實講痘印好難消，尤其個啲已經形成左好多年個啲
方法唯有係預防勝於治療 有暗瘡要正確處理等個印小啲
同埋唔好曬太多太陽，會令啲色素加深

btw 巴打你用緊咩洗面？

應該都真係冇乜用
矇要驗眼睇下係咩問題先

請問有股癬（大脾內側）買邊隻藥膏好？係咪好難斷尾？

有時會好唔開心 一般人間唔時都會有既我諗

好老實講
我地讀大學，其實主要唔單單係學啲藥物知識，而係
- 一個藥劑師嘅思維方式
- 解決問題嘅方法 + Softskills
- 點樣去interpret 有關藥既資料，邊啲Source 係信得過，邊啲唔得 (Google唔係樣樣都係正確資訊)

講真，藥嘅野，幾時都有新藥面世
我當有隻新藥你想知關於佢嘅資料
普通市民應該會係google 到搜尋 (或者上連登)
我地就會睇返相對應update嘅 medical guideline同埋有關佢嘅journal
or 一啲信得過嘅 Tertiary database (Which 大部分呢啲野要比錢先有得access)

我當你普通市民識搵呢啲info
識得filter 無用同唔岩嘅info 啦
比篇臨床研究嘅報告佢地，普通市民都應該唔識睇啦
莫講佢英文水平如何，佢冇睇開呢啲Professional medical information，就算你比篇medical study 一個律師睇，相信個律師都應該睇唔明
調轉咁講，我都識睇啲law 嘅每一個字，但你叫我去準確解讀法例我真係唔識

簡單啲來講，呢個就係點解一個「專業」咁值錢，唔係單單因為佢嘅knowledge，而係因為佢係個個專業領域入面嘅能力係普通人唔會有

西藥冇乜邊隻有evidence 可以做到呢樣野

可能要搵搵中醫調理

taobao 買藥好危險
我就唔敢啦

如果我整暗瘡膏，個Base我由Benzoly 5％轉做Salicylic 5-10％影響大唔大

利申：響美帝做緊製藥Lab, 成日將D野自己溝黎溝去俾frd試用

飯前服同進食前服係咪一樣？係食前幾個空肚食？兩個鐘？

香港法例 Cap. 138 Pharmacy and Poisons Ordinance 就咁寫：
Authorized sellers of poisons = 藥房
(1)Subject to section 16, a registered pharmacist, body corporate or unincorporated body of persons (seller) is authorized to carry on a business of retail sale of poisons if the actual sale of poisons is conducted on premises registered in respect of the seller under this Ordinance by a registered pharmacist or in his presence and under his supervision.

姐係藥房可以唔係藥劑師開，但一定要有個藥劑師掛牌

其實鼻塞除左用噴鼻同洗鼻
中間幾日停噴鼻個陣可以考慮用口服痛鼻塞藥過渡，要搵藥劑師配，個藥劑師會睇下你岩唔岩食
同埋可以考慮聞啲鬼佬油，例如 Olbas Oil ，可以加落熱水聞個蒸氣，外國好興

理論上安鼻靈會藥效會快啲，但唔可以長期用
類固醇會慢啲，要 5 - 7 日先可能會見到效果
但如果係瘜肉好有可能要做手術切左去

巴打有冇多啲details? 有冇鼻水? 有冇試過用咩有效？有冇試過用咩冇效？
要介紹到work嘅比你就要問得詳細啲先得呀

樓主覺得有生之年有冇機會見到醫藥分家

花清素補眼 你要影個成分比我睇
因為市面好多呢啲護眼產品會加左好多野
就咁花清素應該冇問題，但佢有啲fd 會撞

不過咁講，所有同華法林會撞嘅藥物/ 保健品，只要你日日同一時間食同一個劑量，其實係冇問題的 (因為華法林劑量係會調較到岩，你日日撞相同份量就OK)
唔好食下又停下咁就得

不過當然啦，保健品呢家野，有用先食啦

平時靜係塞到仆街... 之後伸手指摸入去。feel到 鼻隔右邊 腫。左邊又無野。 我又唔知係腫啊 定係生瘜肉。靜係塞 無鼻水。 之後訓教 就有時 輪流塞 呢排感冒。有埋鼻水 再加埋塞。真係差啲窒息
因為排到12月 先有得睇專科。 長期用安鼻0 有無副作用？。

B2 同 B12 都有啲研究仔話幫到減低生痱滋嘅機會
不過就真係研究仔.... 啲study 好細.... 唔知apply to general population 得唔得
啲病人feedback 就一半半啦，有啲得有啲唔得
不過vitamin B試下又無妨，你可以買啲B2 or B雜 (都可以) 試食 2 - 3 個月，如果有用就繼續食，冇用就算架啦

不過痱滋呢家野我都信中醫理論，唔好食咁多熱氣野同埋早睡早起好重要

樓主你個名個會有無咩實際野做到去解決呢個問題

40 mg 應該唔算係高劑量 (以我有限嘅醫院經驗來講 )
最高唔敢講，有啲專科醫生會開啲 out of normal range 嘅 Dose
但你絕對可以同醫生傾傾個療程