毒L 藥劑師，你問我答

最怕都係EPS (錐體外症候群)， Olanzapine比較少，但metabolic syndromr (代謝症候群)較多，即係平時d人講既三高，體重增加左要減番可能有d難度

不過唔食既問題更嚴重，詳情再問下醫生啦

所以佢地咪要做埋收銀同sales囉
基本上冇左條law話要有藥劑師先開得舖邊有老闆會請

咁講其實你上網睇完taobao 藥咪得

想頭髮濃啲黑啲順啲
應該依啲咩維他命丸有幫助啊

無用

最後 自從食咗可以無時無刻訓

安鼻靈唔好連續用多過5日 會有rebound congestion. 就算要再用可能都要用返普通鹽水洗著鼻先再swift返安鼻靈

一停用就塞到水都入唔到 唉

想問下未來十年有冇機搞到醫藥分家？
冇

巴打正解

這是一個不能說的秘密哦

靚女就多嘅 (我覺得啦)
不過就...................



















從來沒我份

其實好多人都唔知屈x寺 同萬仔啲藥劑師係會提供免費藥物諮詢的
你可以拎住包藥 or 藥名問佢G6PD 食唔食得
(就算佢唔記得佢都可以用啲medical reference 幫你check 下 )

一般就冇啦, 冇錢賺 (不過我聽過有藥房都會配 )
通常都係醫生直接比架啦
不過A酸都唔好立亂食, 因為真係好多野要注意同較可能有副作用
尤其係女仔, 其實食之前要做pregnancy test, 因為A酸有可能引致會畸胎 (不過我知HK common practice一般係唔會做呢樣野的 )

美白丸就..... 分兩種啦
一種係啲奇怪草本成分 or 中成藥, 呢啲我就真係唔識啦
另一種就係啲維他命 (例如 思X維) + 骨膠原蛋白個啲
維他命個啲就「理論上」好幫到，實際上就唔知啦，因為美白好難做臨床研究；不過如果你啲黑斑已經形成左，食藥就應該幫唔到的，可能要激光先得啦
(歡迎美容專業人士補充 )
而骨膠原蛋白呢..... 食就應該消化曬，當多啲原料，希望皮膚會用到?

跟通脹都有少少嘅 幾百一千
不過如果普通街房，就純粹係 demand & supply 啦，可以浮動好大

首先如果係利他能呢一類藥物，要調較劑量的
唔work 要同醫生講慢慢調，如果劑量已經用到好大，有啲二線藥物係可以用 or 試的
而且同時接受行為治療都可能有幫助嘅

不過如果再講點轉點調，我就真係唔識啦，要搵專科醫生先得

樓主 我想問下。如果個鼻中隔 腫左 /唔知瘜肉。用安鼻靈 定有類固醇 個啲會好。我長期鼻塞。輪流塞... 已經排緊專科。 有咩藥 會work. 謝謝

感冒配邊款成藥好
傷風感冒係病毒感染，冇得醫，成藥只係舒緩症狀，所以冇得介紹因為每次症狀都唔同
(唔好比必X痛，幸X傷風素啲廣告呃, 食左佢地傷風感冒係唔會快啲好架!!! )
傷風感冒係要靠自己休息，飲多啲水
係外國傷風感冒睇醫生係會叫你返屋企訓教，唔好煩9佢的

傷風配邊款成藥好
傷風感冒係病毒感染，冇得醫，成藥只係舒緩症狀，所以冇得介紹因為每次症狀都唔同
(唔好比必X痛，幸X傷風素啲廣告呃, 食左佢地傷風感冒係唔會快啲好架!!! )
傷風感冒係要靠自己休息，飲多啲水
係外國傷風感冒睇醫生係會叫你返屋企訓教，唔好煩9佢的

重要的事要講2次
不過其實傷風感冒係有少少分別的，不過我覺得唔太重要
但出現呼吸困難、持續高燒、啲痰勁黃勁綠等情況就需要睇醫生。


便秘配邊款成藥好
1. 首先試生活習慣改變，例如每日3份生果2份蔬菜，多喝水，多運動
如果唔得我地藥劑師要問症先可以比到好嘅建議你，就咁介紹成藥我會覺得對唔住個病人
so...
點便祕法? 平時幾日一次? 會唔會同時有痔瘡?
係硬難去 定 痛所以難去? 有冇長期病食緊長期藥? (有啲藥會引致便秘)
有冇試過用咩藥? 便秘左幾耐?

失眠配邊款成藥好
可以參考上面提到嘅睡眠衛生
如果唔得我地藥劑師要問症先可以比到好嘅建議你，就咁介紹成藥我會覺得對唔住個病人
so...
點失眠法? 好多野唸? 難入睡定好易醒?
失眠左幾耐? 訓幾多個中一日? 日頭有冇覺得累?
有冇長期病食緊長期藥?


鼻敏感配邊款成藥好
我地藥劑師要問症先可以比到好嘅建議你，就咁介紹成藥我會覺得對唔住個病人
so...
比多啲details 唔該

世上無 「聰明藥」的，有我自己都會食
比個藥名來我幫你check check?

如果係「利他能」，姐係 Methylphenidate
我岩Check 左幾個唔同嘅 Drug references，就唔覺有提及脫髮呢個副作用哦

市民成日會講「補肝」，但其實係醫護人員眼中係冇呢個concept的
因為有病醫病，如果係肝病就接受治療，真係差到冇得救就換肝 (如果有得換 )

而且以我淺薄嘅knowledge，暫時都冇邊隻藥/ 保健品可以有效地逆轉肝臟功能，所以大家要保護好你唯一嘅肝臟呀
(有錯請指正)

所以我個人建議由生活入手啦，早啲訓，生活規律啲 AND !!!
儘量少煙酒啦 (如果有)

太易醒有冇原因?
關唔關個睡眠環境事? 定因為工作關係好多jet lag?
因為褪黑素其實講得顯淺啲，係你閉上眼之後身體會製造的一種荷爾蒙，主要係幫助入睡
所以如果突然日夜顛倒 (例如搭飛機產生時差)，你身體就唔識突然提早or遲 整好多褪黑素，所以我地就可以食啲人造褪黑素去調較返個生理時鐘 (Circadian rhythm)

如果你易醒冇乜特別原因，而又訓得返 而又不影響日間生活質素，係唔洗食藥的
如果真係日間會好攰，就要食啲幫到sleep maintenance嘅藥啦
當然啦，又係個句，呢啲藥要醫生處方所以要睇醫生啦

如果真係時差就先再講Melatonin 係Jet Lag嘅食法 (因為好長唔想打 )

呢啲就係我地所謂嘅 Social Stigma 啦
我只可以咁講：
「唔係你的錯，係呢個社會的錯。」

呢個真係幫唔到你

食b2 係咪可以減低生痱滋嘅機會
定真接b雜咁食

巴打我要問多啲details 先可以比你建議你 因為藥劑師都係要問症先比到建議的
係點脫法? 一個area (鬼剃頭) 定 M字慢慢發線後移?
有家族病史? 有冇長期藥食緊? (有啲藥可能會引致脫髮， 例如薄血藥物、荷爾蒙療程(包括甲狀腺素及雄激素等)、精神科藥物(如抗抑鬱藥、抗精神病藥及鋰劑等)，以及癌症化療藥物)

定係突然脫髮?見到頭髮係稀疏左?
一日有冇脫多過100條? (唔係講笑，啲醫書話要每日多於一百條先算病態脫髮) 你可以數下

因為唔同情況用嘅藥係好唔同的
如果係鬼剃頭，要再問清楚啲，通常可以用外用類固醇
如果係普通雄性荷爾蒙引起個啲，有好多選擇
例如有藥性的外用噴髮水，口服藥 (不過兩者都要長期用先有效)
如果係突然脫髮好有可能同情緒壓力有關

例外順便講埋非藥物療法
要均衡飲食呀，避免梳啲過緊嘅型棍子髮型 (例如辮子、髮髻或馬尾辮)，避免強行扭擰、摩擦或拉扯頭髮，溫和地咁洗頭同梳頭啦