你問我點解咁對你 你有冇諗過自己做咗啲咩

鐘意一個人唔係用樣黎衡量
你做啲野都好幼稚下

睇唔出對方有幾鍾意你
兜口兜面見到都扮唔識 仲慘過人蛇唔怪得光

你巴定絲
到底有咩要隱瞞 性取向唔正常？

分手就所有野都完
唔好咁痴線啦

純文字討論？

十分認同

係你ex心目中你仲樣衰過大肥婆

幼撚稚

就係因為佢一啲都唔愛你🙂

新女肥到cat girl咁？

識得理性去諗已經係move on第一步
加油 同行

好想睇下新女

咁大篇野都無圖？

知樓主係邊個 。

已經過左8個月啦，應該一早好好放低。

首先新女朋友無做過任何野害過你，或者對你唔好，唔應該因為係你ex新女朋友就攻擊埋佢，成件事都唔關個新女朋友事。你地分左手一段時間，你ex先認識新女朋友，你地之間唔存在咩競爭，唔需要諗到自己比新女朋友差或者好，每個人係獨一無二，唔愛你唔代表你差過佢新女朋友，只係唔適合先分手。

其次感情野無分對或錯，大家，或者你ex當時年紀仲細，真係唔識點樣處理同面對感情，先唔敢向家人公開你地當時拍拖，已經過左去無謂執著。

至於佢同新女朋友一齊咁短時間就放閃，我諗你都唔想以前嘅舊愛毫無成長成熟過，仍然收埋戀情唔比人知，然而又多一個女仔受害掛 。
對新女朋友好啲都算係一種成長。

放手對大家都係一件好事，無謂做到關係咁疆成陌路人，特別係將呢堆感情事公開喺咁多人follow 嘅ig到會變成公審，唔識你地嘅人只會當係花生嚟食，唔會真正比到意見同關心你。

我深信你地一齊四年之間嘅愛係真嘅，唔需要諗哂差嘅一面，點都有對你好過。

九月就開學啦 ，生活會充實啲，祝樓主繼續過美好嘅生活，放下過去啦 。

我估你係佢女友個阿哥
我係對佢女友唔公平，亦做得好幼稚
但唔厚道先嘅係佢，佢對我做咁多事一句道歉都唔肯
佢亦故意及張揚地做盡一切我會受傷嘅行為
而且，無論係上次ig我公開佢
定今次連登開post ，佢都睇到，以及知我嘅訴求
但佢仍然選擇逃避，揾你去回應我、勸我
搵我身邊嘅朋友旁敲側擊問我
我真係覺得佢好過分

你話佢對新女友好，係成長
咁佢呢個成長未免太不完整
佢逃避過去，亦向你同你個妹隱瞞部分事實
唔知佢又有冇同你講，我知佢哋拍拖嗰一日
打比佢喊住話冇辦法同其他人一齊，我淨係要佢
之後佢同我講佢都係？
然後我去咗佢樓下見佢
我喊住叫佢唔好走
個時佢衝口而出嗰句 我如果早幾日同佢講就好
又有冇同你同你個妹講？
係佢咁不明不白，優柔寡斷咁樣先搞到我咁

你上次對話同依家都喺度講佢年紀細
所以唔敢同屋企人講拍拖
我想同你講 佢屋企人知道我哋拍拖之後
佢都唔肯post我任何合照
我尊重佢先冇迫佢
咁你覺得佢屋企人知我哋又一齊左四年
佢都冇放佢有冇問題？
我講咗，大家都覺得係佢想留一線溝女，雖然我信佢唔會
我唔知係你個妹逼佢定係點所以先post
我亦唔係想單憑呢件事就chur住話佢對我唔好
佢對我咁mean 我都同佢四年因為太鍾意佢
每次佢對我唔好 我都同自己講佢係第一次 同佢性格係咁
嚟原諒佢
但其實我都係得10幾歲
我都係初戀 我所有第一次都義無反顧咁畀晒佢
咁樣嘅差別待遇、逃避我、逃避過去嘅處理手法
真係令我冇辦法釋懷
我係登出左帳戶先睇唔到你嘅回覆所以咁遲回
但係我依家睇到 都之後知道佢睇到
都知道佢搵你回覆我 都唔願意同我講句對唔住
咁你叫佢
或者佢而家睇緊
叫佢拭目以待 睇吓我會做啲咩

係啦 成個post都話想睇下你個妹/你新女朋友個樣
反正我真係冇咩好輸 反正我就係咁幼稚
不如就真係放上黎大家品鑒下

我唔識你，但係我就咁睇完你講既野
只係純粹睇得出佢唔夠愛你，因為你付出多過佢，
所以你就唔忿氣？
拍拖最失敗就係你呢種，都已經完結左，做乜野仲要做到咁肉酸？

同埋我硬係覺得你打出嚟既野有加鹽加醋成份，
係到宣洩完咪算，自己口講就move on, 係move on既話，好心你唔好再咁怨婦啦。
呢個唔得，咪等下個出現囉。老土講句，係你就係你，唔係你就唔係你。四年，話長唔長，話短唔短，大家一齊既經歷自己記住咪算。

要記住唔係樣樣野都係等價交換，尤其是感情呢樣咁複雜既野，尋晚明明仲好地地，突然第日朝早就可以話無feel，你吹得佢漲咩？你根本控制唔到。假若你想咩都控制到，我建議你搵個機械人拍拖。

Move on啦，留係到盞你自己唔開心

樓主呢種經歷我雖然未試過
但係我都有類似嘅感覺
事源可以睇我上個post

我唔知道係唔係自己怪
見其他巴唔係咁
我好鐘意女朋友會痴身啲
我寧願陪女朋友都唔想打機
幾乎佢揾我都會秒覆佢

其實原來一直都係我自己一相情願
佢生日我親手整生日蛋糕俾佢
但係我地唔可以俾其他人知
包括佢 朋友 家人

凌晨我買好外賣揸車去接佢收part time
因為有其他同事喺到
佢叫我翻屋企唔好做多左
都唔肯俾人知識我

當然唔只得咁多不過唔講我相信樓主大概都會明
我成日喺到諗
點解我做得咁好你都唔重視下我
我唔係要你做翻同樣嘅野
我只係想你知道其實我有好好對待你 珍惜你
我唔明白點解你可以咁唔care我

最後我先發現
原來佢唔係怕俾人知
只不過係唔夠愛你
你唔係佢嘅目標

我喺佢口中聽到呢一句
個心好似裂咗咁

留一個好鐘意自己嘅喺身邊 有咩唔好
當佢揾到喺佢心目中嘅better 自然會對佢better
我到頭來發現自己當咗起碼3年兵

樓主唔好為一個咁嘅人傷心太耐
我明白要忘記一個自己鐘意嘅人好難
我自己都未做到
不過傷心完恨完就要move on

sorry for 1999

樓主幾多歲？

講咁耐 相呢

關我撚事咩

如果我有講任何加鹽加醋嘅嘢我天打雷劈
定係你都覺得上高講啲嘢太誇張
我端估唔會處心積慮未分手就已經開post話佢掛
其實我一年前已經開過po 講同樣嘅嘢
我當時都仲喺度諗自己有咩不足 點解收埋我
接佢放工就無視我 係街kiss同拖手永遠尷尷尬尬
其實我仲有好多野冇講
我只不過講咗幾樣佢嘅差別待遇
但係我真係冇講任何不實嘅嘢

另外 我唔想做到咁肉酸
但係我真係好痛 我唔知我可以做啲乜嘢去釋懷
我接受唔到前一日佢同我講佢自己其實未move on曬
第二日明知我有睇佢ig 佢特登開po放閃
仲要中學同學問佢唔驚我睇到
佢可以輕描淡寫帶過去覺得完全冇問題
明明琴日睇到我喊到咁樣
我只不過係想用行動話俾佢聽我究竟有幾傷心
傷心到我已經痴咗線

最後多謝你指出話俾我聽
亦多謝佢教識我呢個世界上冇野係等價交換
特別係感情就係咁撚唔公平
So that’s why what I’m done
話我怨婦 話我幼稚 話我肉酸點都好啦
係佢對我咁mean先
係佢不斷搵側邊嘅人回應我
自己都唔敢同我道歉先
同分手一樣 係佢逼我
半個月唔理我唔想做衰人迫我自己講
我打電話一講完分手 佢乜嘢都冇挽回就收線
仲要第二日除夕 見到我即刻扮唔識
佢咁鍾意做受害者我依家俾佢做到夠

19歲 大家係對方初戀
當時我鍾意佢 佢自己都知
留喺佢身邊一直做朋友
甚至幫佢追過兩條女
一個係轉校過嚟嘅學姐
我為咗攞人個電話比佢
搞到我比放學比學姐班女校朋友圍
一個係轉校入嚟嘅學妹
同我地住得近所以日日三人行返屋企
老實講我真係鍾意到佢冇晒尊嚴
由追佢到分手都係
所以佢對我所有過分嘅嘢我都可以忍受
因為我無辦法忍受冇咗佢
只不過當佢咁耐都唔出聲 我就知道佢想分手
佢唔想做衰人 所以我來做
但係佢真係太過分 佢明知我咁痛
仲特登做啲傷害我嘅野 然後扮受害者
所以我依家比佢做撚晒好人
我衰比佢睇

大家都有一段狼狽嘅經歷
千其唔好有報復同怨恨嘅心
因為恨 由心字作部首 由心出發
放過自己啦絲打

我承認我依家係怨恨同抱住報復嘅心 先做出呢啲行為
但係我已經冇嘢可以輸
我都想俾佢體驗下究竟我有幾狼狽

淨係post 賤男張相咪算囉, 唔洗搞到個女仔, 雖然你而家好痛, 但將來你睇返會覺得對個女仔唔住