好似係上一日既事 我去完日枝神社咪比個便利店員笑既
我番到去將比人笑呢件事講左比hostel個auntie聽
結果佢仲笑得勁過個店員
番到hostel我就沖涼洗衫執行李
點知一搞就搞到兩點
原本打算勁早起身坐頭班車
係度考慮緊押唔押後自己個行程表好
不過諗起古語云:「sleep is for the weak.」
我就校左五點鬧鐘了
估唔到我又真係起到身
刷埋牙就起行去高山站了
順利咁搭上往豬谷既頭班車了
車上面有司機一人
鬼佬二人 同一個日本白領
當然仲有我
班車因為大雪而delay
我仲諗緊咁delay法趕唔趕得切轉下班車架
等左半個鐘佢終於開車
行左大概五秒又停低左 我就知呢鋪molamola
見到車外有工人清走車上既雪
又等左大概半個鐘 架車竟然倒車番月台
個日本人又無反應 我就乖乖地靜候啦
期間一直都見到車上既司機同路軌上既工人聯絡
無耐就真係開車了
個日本人走黎問我落車係咪要比車票比司機睇
我照舊答番我唔係日本人
不過我大概明佢意思就同佢講比司機個窗口等佢就得
再多口問句佢係咪城市人未搭過呢種鄉下列車
佢話佢係飛驒人不過第一次搭JR
我見佢三張幾既樣 心諗係真唔係呀
日本人係飛驒國府就落左車
而我見個兩個鬼佬又打橫訓著左
個司機行過見到又唔出聲
心諗頭班車應該無乜人搭掛 所以我就跟隊打橫訓補眠
訓左陣訓番發現架車停左係飛驒古川
著一著moon估唔到成八點幾
無耐飛驒古川既站長上車話飛驒古川至豬谷停駛
要我地番高山再轉巴士上富山
仲同我地講巴士錢要自己比
又係飛驒古川個等候室等 等到九點半就話有車番高山
我就係係呢架車浪費左四小時
呢個時候駅長過黎擇左我地三個既名
話可以退番呢程既車錢 屌你雞碎咁少有撚用咩
點知係架車上面又要等 話要讓架特急行先
咁手持JR PASS既我當然轉搭特急啦
心諗花咁多錢買張PASS仲要我比錢坐巴士
你就想啦哪有錢
睇見架特急開往美濃太田
我就決定搭到去美濃太田再轉上長野
因為本身BOOK左長野既HOSTEL
頂佢個肺架特急連高山都未到就停實部車
又係條路軌大雪得制要落車剷雪
呢日做司機真係辛苦到喊
到左高山架車又要加長
仲見到琴日一齊織組紐既日本人
不過大家唔同車卡就道別了
有湖有山有民居 呢度仲唔係糸守聖地
上到車就諗有無得搞保險呢
whatsapp個agent話額外既車費可以claim
屌咁我咁有恆心坐咁多個鐘JR咪白費左
如果係高山乖乖地轉巴士咪好
坐到差唔多一點就到美濃太田
發現幾靚既私鐵列車
我又要轉普通車過多治見
好彩班車特登等埋我班特急既轉車客
車上見到好識打扮既mk高中生
不過我唔夠膽輕舉妄動