一人一個柒到唔敢睇嘅經歷

之前補習(好似係遵理定現代)借廁所鎖匙要比張學生卡佢 還匙再比返張卡你咁 到果晚返到屋企一摷裙袋發現勁大個女廁牌連住條鎖匙 原來手快快還錯左屋企條匙比人 跟住第二日仲要返去交換返 一拎轉身已經聽到個職員恥笑

撘巴士企住玩電話，點知巴士dup咗野，成部電話飛去對面靚女，仲要跌到個mon碎晒

銘賢

搭巴士企唔穩，坐左落呀叔個大脾上面
我：
呀叔：

人生最柒事件

追緊個女仔,送佢返屋企搭的士, 落車發現唔夠錢
要個女仔借錢畀車費

凌晨搭紅van返屋企 岩岩打完比老母
跟著大叫左 媽咪 前面有落啊 唔該

有一次我去海洋公園 畀人叫聲我爸爸
但明明我單身

初中嗰陣
係啲十字路口既馬路邊諗住打斜過對面
點知一行就俾坑渠蓋kick到仆左係到
我好似隻狗仔咁既post 仆係坑渠蓋上面
因為柒到個腦空白左 維持左幾秒先識企返起身
個下Feel到極之多人望住我

小學試過係禮堂排緊隊 有個肥仔同學挨住牆企整爆左個警鐘 跟住全校走火警 我企佢後面笑到仆街

屌 有日約人元朗定屯門行街
我遲到趕時間 去到紅磡轉車
聽住歌落扶梯急腳衝閘入車
我一急 我後面條仆街又急
混亂中俾佢踩中一腳搞到我成個人失重心咁跌入車廂 入面d 人仲問我有冇事 屌佢老母回神睇返 連條耳筒粒膠都唔撚見埋 入到去先知架車仲有段時間先開 好撚嬲 局住肚氣又唔敢大大聲屌柒佢

屌 我個同學都試過
果陣仲係着冬季校服天氣開始熱但係又未轉得返夏季
上DT堂唔可以着冷衫
我同學一除左件冷衫就見件短袖校服但打Tie

lunch淥完個杯麵諗上返自己班房食,點知一個唔留神上樓梯仆左街, 成個杯麵飛咗上個頭度變咗雷鬼 隔離有個師姐望到呆左

係街屙屎唔記得鎖門仲要掛住睇電話 點知俾人一下推門入黎 對望左幾秒佢同我講sorry

呢個真係超級大傻仔啊

有次坐旺角亡命小巴 個司機開得勁快 個日落好大雨 架車個地下濕曬 有個好肥嘅黑框毒撚坐喺司機位後面第二排出面個位 掛住睇動畫 一去到迴旋處 司機大手軚拎右 個肥仔一個不留神 對波鞋踩唔實個地 好大聲「絕」一聲 連人帶背囊跌咗落個小巴樓梯個窿度

讀書果時搭地鐵
有三個位
有個好靚既女仔（廿幾歲）坐左A
我心諗正呀就坐左B
點知佢男朋友企係度望住我
我唯有坐右一格去C
個男友露出勝利者既眼神 講聲唔該跟住坐低
沿途覺得勁無面
以後都唔敢坐靚女旁邊

偷影人但開咗閃光燈

大學有次喺lecture hall上堂 坐中前既行數
放break嗰陣 同一行有其他唔識既女同學要出去買野食/去廁所
咁因爲我係坐嗰一行既最右邊
咁我好自然就企起身 行出去俾佢地出
但當我行出去一“tun”後俾佢地出嗰陣
我隻左腳咁啱俾lecture hall地下啲梯級卡到
之後成個人失平衡 轟一聲坐左喺地下
當我以爲已經夠柒既時候
我發現我左腳成隻鞋甩撚左出黎
而成大半個lecture hall既人喺我後面目擊曬（大家無咩事真係唔好坐咁前）
之後嗰2位女同學忍住笑咁問我有無事
然後我只好默默著返隻鞋 坐返喺原位
繼續上埋淨底嗰一個鐘lecture

成班同學慶祝生日有個習慣
會開一個除咗生日嗰個其他人都會起度既whtsapp gp
用嚟傾準備幫佢慶生既野
有年暑假其間個個都唔翻學
所以積咗幾個人都無幫佢慶祝
有兩個7月 一個9月
事後我惗住一次過慶祝曬三個
然後開咗個無佢地三個既gp
標題係乜水乜水同乜水無蛋糕食定無得慶生之類
然後gp裡面其中一個fd就問係邊個開既gp
我就衝出嚟舉手
然後佢問：咁我呢？
我先醒起佢8月生日
然後我無覆佢直接起gp移除咗佢
起標題加翻佢個名
到最後我地四個人都無慶祝到

咁份卷點算？

之前大學interview要著suit
臨時無suit問咗我表姐借
雖然有少少大件但都著得落
嗰日in完行去地鐵站嗰陣先發覺
件恤衫後面飛曬出嚟
應該係件衫太短身搞到一坐底就會走出嚟
換句話講即係interview完起身走嗰陣interviewer已經見到
但重點係佢地唔單只見到件飛出嚟既恤衫
佢地仲見到我條前後調轉咗既西裝裙
原來條裙腰圍太鬆搞到行行下成條裙前面轉咗去後面
Interview完先見到條裙個衩起前面
要起地鐵站當住咁多人即刻轉翻正條裙

中二嗰時，打鐘好自然行落去岀學校門口返屋企食飯(住得勁近學校)
點知行到一半唔對路，成條街一個著校服嘅人都無
我睇一睇錶完來十點四，係放小息唔係放飯
我仲要自己行返入學校比班校工同prefect恥笑問我岀面有乜睇

中學有個呀sir黃x國，但因為成身都係毛，學生私下都叫佢「毛國」，有次朝早未瞓醒見到佢，大大聲同佢講：「早晨毛sir！」佢笑笑口同返我講早晨

朝早係地鐵站見到個隔離學校但同佢好熟既女仔背面，我一下打落佢背脊度 大叫左聲：「柒頭皮」之後佢令過黎我先知認錯人，果個女仔重要知我係邊個 柒到即刻扮趕時間跑走