一人一個柒到唔敢睇嘅經歷

有啲好撚好笑

細個好鍾意拎起屋企電話扮講
有次一拎起係咁講屌你老母大籮友
電話入面我老豆:你講乜野話
原來咁啱佢打黎 電話未響我已經拎起咗

試過喺宿舍叮pizza
焗爐30分鐘睇咗做微波爐30分鐘
最後叮到個pizza燶到變碳，仲要響晒火警鐘
全宿舍人凌晨三點著住睡衣衝晒落街 喺雪地等消防

小學個時係上堂勁靜嘅時候
口快快叫左個阿sir「媽咪」
比班同學笑左成個學期
之後我都叫個阿sir做阿爸
佢又叫我做阿女

勿相認

柒出香港 勿屌
之前同老母同埋男朋友去日本，搭地鐵果陣落到月台見到有車就上左
企企下發現啲人好似係咁望過黎 跟住發現原來我地係女性專用車箱 我男朋友同老母見到即刻衝返出月台，我都反應唔切
然後我拿拿聲跟住佢地，點知我埋到門伸隻腳出去度門刪左，夾住我隻腳同個身
我超能先生上身咁用兩隻手推開度門 跟住個人出返去
點撚知到個袋比度門夾撚住 勁大力扯返出黎
柒到唔敢回頭，然後老母同男朋友係月台笑到癲左完全無諗過幫我
跟住返到香港成日都比佢地笑

搭地鐵跑入閘點知搭錯方向

我男朋友行行下街，諗住拖我，點知拖左個男仔手
我喺隔離咁啱目擊果下笑到我仆街

小學果陣 轉堂時間冇老師係度 班房個個係度玩

我見到有條友拉高件jacket 過左個頭 跟住拉埋拉鏈

我見到咁好玩就學佢拉高件jacket啦

點知一拉上去 涉住左塊眼皮 上下扯都唔得

跟住好驚 驚自己會窒息死 狂嗌救命狂喊

隔離班個老師都聽到 走過黎幫手

跟住向上一拉 就解開左 落到醫療室 見到塊眼皮有三摺

最柒係我仲涉住左既時候 我w低個頭向上望（jacket個頭窿）

睇下有冇人黎救到我 點知見到有條友仲笑鳩我 就係正話

同我嘈交比我鬧獲金果個

同埋成級都知 聽到我嗌救命 都認得我隻眼做咩事

搭火車比人逼左出去
夾左副眼鏡
諗住等開門執返
點個開對面度門
等左兩個站先執得返個框
對鏡彈左唔知去邊

件事柒得嚟仲要帶幾分哀傷
有啲長

話說差唔多八年前五六個fd去日本玩
包括女神 (當時大家對大家有意思爭在未開口 )
咁有一日係去嚴島神社
去到鳥居附近成班人就分開各自揾唔同位置影相

初初我同女神都係去同一個地方影
到我影夠諗住去另一度影嗰陣發現佢應該行開咗去第二個位置，唔見咗人(嗰時嗰個位置都幾大群遊客)
人群當中揾揾吓發現一個女仔背影相似衣著顏色都同佢一樣
就喺佢背後問佢影完未仲伸手拉佢走
點知條女好驚咁擰轉頭，原來我拉錯咗件唔識嘅日本妹
嚇到即刻縮手同佢鞠躬道歉話認錯人再用啲爛到爆嘅日文加少少英文同佢解釋話佢同我朋友好似所以認錯
佢隔籬個fd笑到仆街
當時真係柒到想即刻跳落水再游出大海

好在條日本妹同佢個fd都友善(同埋好在唔係喺香港如果唔係啲港女實嗌非禮 )
仲問我邊度嚟話我哋好犀利識嚟到咁遠(當年未有咁多香港人興去廣島玩佢哋以為啲人淨係會去東京大阪京都嗰啲大城市)又話佢哋都去過香港同澳門
跟住傾咗兩咀佢話佢哋係喺德島過嚟話下次去嗰度玩可以揾佢哋帶路
然後大家互相睇大家呢幾日去咗其他景點影嘅相
我又禮貌上話返如果佢哋再嚟香港可以帶佢哋去飲茶食海鮮之類唔駛去遊客區啲食肆俾人厄
最後傾傾吓仲交換埋LINE

咁大家bye bye咗之後諗住再揾返女神同睇吓班fd去咗邊 (都差唔多兩三個字之後 )
點知發覺原來女神一直喺附近
仲目睹晒成個事發經過
佢以為我周圍flirt啲架妹跟住嬲咗我
之後仲黑咗面幾日唔信我解釋仲同我分開行 (當時頭幾日基本上都同佢一齊行動，仲諗住旅程當中揾位表白 )
係臨返香港嗰兩日先冇嘢但表白嘅機會已經錯過咗
之後都係曖昧咗一排最後冇一齊到

返到香港之後都有同個日本妹喺LINE傾過吓
但都係啲無聊同客氣內容跟住就靜咗
幾個月之後有次佢揾我話plan緊嚟香港玩幾日
咁我又介紹咗啲地方俾佢
不過然後冇幾耐佢又話啲fd就唔到時間最後冇嚟到
然後，就沒有然後了

利申:
個架妹唔靚唔駛問有冇圖亦冇save低有佢樣佢啲相
女神靚過佢好多不過都係冇圖 sorry

讀小學個陣有次同老豆食老麥
跟住自己去廁所 係廁所重諗緊點解無尿兜跟住一去完望住個門口先知入咗女廁

唔小心開左關家姐拎錯獎段片

中學日日好早起身番學好眼訓，等等下地鐵個陣企係個玻璃門前面訓著咗，一頭轟左落前面個玻璃度勁大聲，啲人仲以為我暈咗過黎扶我...唯有伸個懶腰話好眼訓，但喺玻璃反射睇到啲人恥笑緊

留名

想問人老師返咗嚟未，老師有花名叫肥黎，我問咗句：「肥黎返咗嚟未？」

一抬頭，見到肥黎佢望住我

太肥巴士掟彎係樓梯碌落嚟，之後冇人扶起身.仲要拖鞋都甩埋

中學食lunch 過緊馬路嗰陣 行行下喺馬路中心仆街 我個fd仲要完全唔知咁自己繼續行 嗰陣仲要都幾多人 好彩有個路人扶起我

我明

小學有次參加d遊學團
咁去餐廳食野果陣就要去廁所洗手
去到洗手盆有個女仔又想洗咁我就話 "你先啦"
之後個女仔話 "呢度女廁黎架wo"
之後我先發現去錯廁所 出黎果陣仲比女神見到
返埋位果陣比成枱恥笑

( Show Blocked User - 帽險一留 )