【求救】開心去台北玩，入閘後發現Ex坐我隔離

樓主作個結局都好，比個機會我相信返愛情

咁耐都冇上過黎，唔通

11開始冇追post 諗住一次過睇埋個ending

點知樓主影都冇

樓主呢

上水啦樓主

人呢

【此Post已完】
各位巴絲，唔好意思，自從食完飯果日開始，小弟就Down足咁耐，到呢幾日先振作返。原來現實真係咁殘酷

話說果晚食飯，特登係西門町接佢，
係附近求奇揾左間餐廳食嘢⋯

（入到間餐廳，行入轉角位都幾隱蔽嘅枱）
我：係呢？琴日畢業禮如何啊？
佢：冇啊都係咁，與其話㑖畢業禮，不如話似Photos Day仲好
我：預咗㗎啦，你去都係為咗影張相姐，哈哈（乾笑）
佢：係嘅，哈哈哈⋯ 不如嗌嘢食先？
我：好

（嗌完嘢，等緊嘢食其間）

佢：其實我真係冇諗到會咁岩一齊嚟咗台灣玩㗎，仲要坐正隔離添
我：（講笑tone）係囉，唔講仲以為你特登stalk我fb / ig
佢：咪玩，我冇咁多時間stalk你～
我：又係嘅，冇見咁耐都係大忙人一個
佢：哈哈哈哈⋯

（嘢食嚟到）
佢：（突然開口問）高雄好唔好玩？
我：都唔差，但係日日都落雨囉，啲嘢平過台北。
佢：正常嘅，台北啲嘢係特別貴，上次我去花蓮洗左嘅錢都唔知有冇去台北嘅一半。
我：喔，你去過花蓮？有咩玩㗎？
佢：今年年頭去㗎啦，主要去食囉，但啲嘢就唔係特別啱食，可能食唔慣。
我：唔係喎，我朋友話啲魚生好新鮮㗎喎。（鳩吹出黎 ）
佢：唔知啊，我冇食到，不過果邊環境真係幾靚，我都諗緊結婚相好唔好係果邊影

（當堂呆撚左⋯）
我：結婚相？哇恭喜曬喎⋯ （當時除咗呢啲都唔知講乜嘢好）
佢：多謝多謝，唔好周圍同人講啊，尤其是XXX同YYY（中同兩個），因為未firm㗎⋯
我：未firm？唔明
佢：我男朋友同我求左婚啦，但係就乜都未計劃好過囉⋯

（其實去到呢度，我已經唔係聽緊佢講野⋯依稀記得，佢最後問我嘅問題係：「我行禮嗰日你會黎㗎可？」）

雖然一開始都有定心理準備一切只係我諗多咗，但係冇諗過個落差係咁大⋯

分開左咁多年，以為已經放低左，到頭來發現原來咩都冇放低過，今日嘅我依然係當日嘅我，冇變過。

食完飯之後，送佢去搭機場捷運，一直發着呆咁行返酒店。

結局正正反映現實嘅殘酷⋯

bad end

記得種種感覺 但欠你的廝守到老

想過搶新娘 我差點講真

I know that feel

好想幫你寫個故
你介唔介意？

呢個故事好有潛力

樓主
唔好做傻事就得

我地支持你

隔左咁多日無入黎
一睇sad撚到