【求救】開心去台北玩，入閘後發現Ex坐我隔離

早晨咁多位巴絲，
小弟真係有點受寵若驚啊一起身見到咁多cm
用左十五分鐘睇哂啦都回應下先。

1. 本貼絕無FF成份，所有都係真實事件冇改編
有人話點可能咁啱啊同地點同班機乜乜乜咁。

首先我要講下呢個去旅行早一日晚機去，
比多晚酒店錢第日可以玩足一日
（即係好似星期四放工飛，星期五請日假，星期一早上返然後返工）嘅旅行習慣係佢用開，
當年同佢一齊，做PT賺左啲錢，同佢去旅行，
通常啲時間都好緊迫，佢就教我話咁樣就會慳好多時間，而晚機都少人啲同平啲。

呢樣嘢我記到依家，而都繼續會咁樣飛法，
所以今時今日係一班去台北呢的熱門地方嘅晚機上見到都唔出奇。

至於咁啱隔離位，其實我果行係Econ最前果行，
又係當年一齊去旅行習慣左咁訂，
可能係佢嘅飛行習慣教左我，而造就今次巧遇事件？

2. 其實我心入面真係唔係唔想去馬，
自問到呢一刻，其實個心或多或少都有啲想去，
但諗到當年就有啲保留⋯

話說點解我一直話當年分得好肉酸呢⋯
果陣我好記得係一齊去完旅行，原本都幾開心，
但係越南新山一機場，等緊返香港嘅時候對方聊起左一個極敏感，一講就肯定會嘈交嘅問題⋯
好啦嘈左個幾鐘，結果嘈多兩嘈佢就嗌分手，
雖然依家知道「可能」係鬥氣說話，但當時就答左句「好啊」⋯
自此呢句就係我地六年黎最後一句。

後期比我知道原來同我散左之後，第七日就同某某係埋左一齊（係堅一齊果隻，都last左2年有多⋯），我果刻覺得好似有帽之外，更覺得不被尊重 ，所以果陣有一晚貓左打左比佢鬧佢，講左幾句就同我講：「請你以後唔好再打黎。」，就完左。

所以就係話分得好肉酸囉⋯

3. 試問有邊個可以唔尷尬得來又自然面對自己嘅ex？係愛過，但又係咪代表今日大家都接受到大家呢？

同埋留意返一樣野就係，今次係中同嘅大學畢業禮，兩個一齊出現一定會成為話題⋯ 除咗要係自己嗰邊諗，都要諗埋對方嘅處境㗎嘛

between 佢當年好憎高登仔，成日叫我上少啲

點知個現任響隔離位