3年背痛 睇過不少醫生 求救

做緊又唔係果d 位痛我就會做

巴打你有冇好啲？有冇再睇陳國維？


呢幾日做番啲背肌訓練，做個陣會痛，做做下就少左痛，但做完過多陣，再郁下會更痛，然後就再做下，希望啲背肌會有力啲，感覺背脊有力左，但啲痛冇減退過⋯

大家都話長期坐係度對住電腦先會咁，當初諗住破斧沉舟，唔讀education，專心醫好背脊，就可以考到最想做嘅救護，而家讀完書啦，教師冇得做，體能又冇，乜都冇⋯

5年都黎喇，好累好唔舒服啊，身邊啲人聽慣左開始唔當係一回事，大家都開始忘記，得番我自己覺得痛，夜晚偷偷地係廁所，床上喊下會舒服啲，唔敢比人知，其實我好累、好辛苦、好冇方向、好唔知想點⋯

喊完就再黎過，一日未死，一日都仲有希望。

唔睇了，好hea, 睇一陣，做10 分鍾機就1000 蚊
我不如去睇脊醫或者做物理治療

脊醫幫你做衝擊波，都唔錯
中醫就係咁啪啪啪
物理治療就似係肌肉放鬆果面多d


我捻可能要多拉筋，做yoga 先得
加油，我都痛緊，但唔係好痛

咁我都唔睇喇，反正睇咁多都係冇用。

衝擊波係做個下好痛，但痛完都冇咩點好，個效果同自己出力做下運動差唔多。

物理治療啲啪啪啪同熱敷都係爽個一下。

發現伸多啲懶腰好似幾唔錯，要伸得誇張啲，會舒服啲。

係，我會係床上面慢慢 冼個人落地（頭，背脊向地）
同埋屋企整左支單杠，得閒吊自己

呢兩個都有做，仲有就係成日都要故意坐直啲企直啲好累

巴打而家點啊?
我一路都有肩頸痛問題,
不過尋晚整完張床單就開始upperback+頸+肩咁痛,,,諗住訓醒好啲點知訓醒仲衰, 痛到連衫都換唔到...請左半日假...睇埋醫生食左止痛先好DD返到工
睇到你攪左咁耐都未掂我都好擔心原來咁長手尾...好痛...

我發現唔整痛佢反而舒服啲，即係拉筋、肌肉訓練都係以唔痛為首，唔知你明唔明我想講咩，大概就係成日出力整痛佢可能會消唔到炎，但又要郁下佢keep 番個肌肉彈性同mobility

心理壓力先最辛苦，咁耐以黎都想考救護，因為背痛，覺得考唔到做唔掂，好大壓力，到前排我終於考到啦，但train左半個月就頂唔順，有時係街見到救護車都有啲心噏噏咁 但真係辛苦工，所以都叫放得低嘅...... 雖然我都一早知結果係咁，但都好想試下。

我覺得會好得番架，就算好唔番都唔會自殺（當然諗過好多次），因為女朋友、媽咪、細佬、朋友...，如果佢地知道我死左，會好唔開心，一個人搞到身邊所有人都有心理壓力 因為我試過，所以我明，因為我明，所以唔想其他人都要經歷。

我又係有一邊肩胛骨 膊頭附近一帶痛咗3-4年 照過mri都無事 次次睇完物理治療好啲過一排又痛翻

巴打最後點樣搞？依家有無好翻啲？

未好番，發現thoracic spine緊，你上YouTube 搵下啲mobility 黎做下，做extension同rotation，我個人覺得轉個陣feel下邊一節緊，就主要轉下個度，感受下自己個身體。

冇好啲嘅再上黎講，有機會唔關spine事，可能係muscle問題。

你有無好轉到 而家都淨係自己做workout無睇醫生了？

都有嘅 了解多左 唔舒服個陣都識暫時舒緩到