覺得太長可以睇最底，有關現況，感謝各位。
2015年7-8月左右發現左背shoulder blade 位置痛，自己做動作郁到個位置先痛，唔郁唔痛，醫生按嘅時候都唔會痛。
有啲呼吸困難，大部分時間想深呼吸嘅時候，出盡力都好似吸唔哂咁，好似仲有位吸，但又冇力吸。
訓一覺好嘅會舒服啲，應該係話訓係床度會舒服啲。
痛位如右圖的左肩胛骨，紅色範圍。
以下係我求醫歷程
1. 6月個陣去左第一次嘅獨木舟，划左最少6小時，以為DSE個排冇做運動肌肉酸痛，所以冇咩點理。
2. 後來因為一直都想trans U，經常都溫書溫到好累，覺得遲啲訓番覺好嘅，就會好了，結果都係咁。
3. 2015-17年，屋企發生左好多事，初頭覺得冇咩事，而家諗番好大壓力，而已有啲事仲未解決，都唔知點解決。我諗唔多唔少同心理壓力有關。
4. 第一次睇醫生係睇中醫，一個係朗屏好出名嘅中醫師，初頭係飲藥，話可以調氣，食左1個月左右。後來就試針灸，不過因為地方有限，要出去等候診症度坐坐針...... 個醫師話針8-12次就好番，2次就見到好大成效，但我針左4次，一啲都冇好過，所以停了。
5. 之後去左睇西醫，普通診所轉介左去睇骨科，照胸椎磁力共振，結果話好正常，所以轉介左去風濕科，驗下會唔會係強直性脊椎炎，結果都唔係。
6. 後來轉介左去做物理治療，有呢個照聲波儀器同埋刮痧，兩次都係紅哂，話啲炎出來了，話會好好多，但其實冇誰展，刮第二次個陣，醫師好驚訝咁話冇理由，所以決定轉了...
7. 後來試另一個物理治療，呢個係熱敷15分鐘左右再啪骨，啪個下爽啊，諗住搵啱了，點知睇完出門口等𨋢又開始累番，痛番... 決定繼續睇，睇左8次左右都係咁樣，醫師都係覺得奇怪。
8. 冇睇一排後，去左睇跌打，元朗個師傅話要照x ray，睇完話頸歪左少少，睇左10次左右，有啪頸，拔罐，照燈，都係睇完個刻好啲，一上車番屋企就慢慢累，慢慢痛番。
9. 後來去左葵芳睇跌打，佢睇完之前啲x ray同磁力共振話有骨刺，我覺得有啲奇怪，之前啲醫生都冇講過。佢話要針灸，針左6次左右，愈來愈衰，竟然膊頭後都痛，（左圖upper TrP2)。之後仲話係正常，屋企人又話可能係啲痛慢慢出，出哂就冇事。結果係錯嘅，連大力啲吸氣都會好痛，加上貼左咁多次藥，背脊好敏感好紅好有啲痛，有日好累好痛係廚房唔小心喊左出黎。
10. 之後係屯門睇另一個跌打，多左拉頸，但成效都係一刻，一離開門口就番黎了。
11. 然後過左排，屋企人話試下脊醫，係佐敦，一開始又要照x ray同MRI， 照完話試下衝擊波治療同埋結構性治療（拉頸），衝擊波話可以加速治癒，拉頸係拉開脊椎每一節嘅距離，夾唔到神經就唔會痛。結果，衝擊波試左第二次就咳血，嚇死我，即刻入急症，又照肺，要住院，後來話冇事。
12. 後來因為已經唔知睇咩好，都同屋企人嘈話脊醫搞到我吐血，點解仲要信佢，但最後都被逼左去做拉頸。拉左10次，都係冇用...
13. 過左半年，咩都冇睇，亦都好累了，drop埋double degree，大部分時間都休養，反而呢排發現膊頭痛好似冇咩了！真係好開心。
14. 到而家Sem break了，但係shoulder blade 都係咁樣，而家就去左另一間針灸同拔罐，暫時睇左兩次，進展都係咁啦⋯⋯
好想好想係呢個暑假醫好，有好多野想做，但唔敢做。每次諗到都好唔開心，好想喊。
再講多啲而家情況，
位置：
左邊shoulder blade，自己出少少力敏動作郁到就會痛，肌肉會緊哂，好似有人大力搣住，搣到瘀左咁。
頭向下會感到脊椎中間兩邊痛，用手加壓會更痛，仰睡時做同樣動作會有啪啪聲，感覺舒服少少。
時間：
訓到好覺會感覺好啲，一到夜晚會愈來愈痛，尤其是番工番學後。
組織有點亂，可能有好多重要事漏左，隨便問，感謝各位。
我只係鍾意研究下呢啲