在聯合國環境署做緊 intern，你問我答

一定要Master畢業先intern得? 定咩人都去得當拎經驗體驗下??

(1) 隔離部門，有個打扮好型格，說話好有氣勢的黑人 intern，道聽途說收到風好似係尼日利亞的公主或貴族 。有次成班 intern 一齊打邊爐同佢傾過一兩句。

(2) 我部門當地肯亞人佔大多數。頭一兩日同當地 intern 午餐，傾開宗教，有個 intern 話佢個基督教支派不可食豬肉(好似因為係兩蹄)，跟住問我信咩宗教。我話我無宗教，佢好震驚，問：「咁你星期日係咪要返工，無得放假？」

(3) 班 intern 本來有個百幾人的 whatsapp group，用來互通消息。點知有日，有個人貼了篇基督教傳教文章，講女人應該點選擇老公，其中一段話女人要男人保護之類，激嬲咗班女權份子(做聯合國既女權份子,唔係講玩)。於是基督教徙對女權份子大戰，嘈到上 HR 話貼文者唔認同聯合國男女平等核心價值，要炒佢。最後唔知點，因為個 whatsapp group　因此事被勒令關閉了。

(4) 係外地，中國人好自然會成為一個圈子，所以聯合國班中國人成日放假約埋去食嘢，順便叫埋我。有次，駕車去食飯途中，無端端有個當地交通警擋住我們，示意停車。佢走過來，老屈個司機 (人稱"隊長"，正式聯合國職員) 駕車用電話(我親眼證明絕無此事)，要罰款。"隊長"知佢明屈非本地人，拎本 diplomatic pass (外交通行證?)出來，交通警邊鬧邊讓開，無事。

(5) 成日好多勁人來。例如有日無端端有個加拿大史上第一位女太空人(Roberta Bondar,七十幾歲)來午餐聚會，分享佢成立的環境教育基金。

(6) 我估不到在肯亞會見到 "營多" 同 "名創優品"。

(7) 聯合國總部是好有非洲大自然感覺，我 office 窗外成日有馬騮跳來跳去，好可愛。



放工一定要關窗，否則馬騮會進來偷食物

留明支持

劉明

Lm

其他人應該很難想像我當日下決定要去聯合國時，掙扎咗幾耐。

我用天秤，分別估算：
1）去，會獲得什麼；
2）去，會失去什麼；
3）不去，會獲得什麼；
4）不去，會失去什麼；

“去”會穫得：
眼界；
高層次的人脈，有機會接觸頂尖專家；
世界視野；
資訊。
少人有的經歷，老咗可以有故事講下；
所謂的“光環”；
有機會向夢想行近的機會。
CV 上一項特別的經驗。
在聯合國“安插”一個香港人的戰略意義 （我真心希望聯合國入面有多啲香港人）


在天秤另一邊，有一項決定性的重要因素，叫 “後悔”。
因為只能夠畢業內一年去，所以放棄咗就一生再無機會去。
經過精密計算，我知道這個後悔是大到我不能承受的，所以我就算麻煩到幾多人，都一定要去。

支那人叫你去你就去？

Interview難唔難？
讀緊master 打算遲下報

其實un 係咪又係啲精英階層嘅玩意？

利申：讀ir, 身邊啲鬼同學都唔少想做un/diplomat

好欣賞巴打對追尋夢想既熱誠
唔係靠咩背景關係，而係全憑個人能力走到呢步
好鼓舞 要繼續加油！

其實依個世界冇野唔係精英階層玩晒
就算慈善/扶貧/左膠，主導果班都係精英㴝

我明呀
問下啫都係
巴打係un加油，咁難入都俾你入到，俾心機
仲有想問吓佢地係咪當你chinese 咁apply? 因為個網好似無香港揀

好心你啦 你估個個中國人都係唔好嘅咩

都係un入面做正職 仲計較lee d 傻的嗎

我都想有機會係聯合國做 intern冇錢收我都肯制
對人權問題都幾有興趣 雖然明知自己唔會為世界改變到d咩 但都希望自己有親力親為關心過做過野出分力
但睇巴打hku畢業讀果科又幾專 睇黎我都係冇行
利申係英國雞u讀緊仲要係讀乞食科

巴打加油 就算最尾得唔到咩收穫都好 起碼都會係人生既重要經歷 好好把握每日個機會 老左先唔會後悔 反正一生只係得一次 支持你呀巴打

樓主好勁
我都算做過下空氣污染
但做到全球

btw 樓主覺唔覺政府份standard 已經過時?

支那人叫你去你就去？

好心你啦 你估個個中國人都係唔好嘅咩

都係un入面做正職 仲計較lee d 傻的嗎

老老實實，其實好多中國人，特別係出國留學生，論國際視野同野心都比香港人高好。

普遍香港精英嘅理想係讀神科、做專業人士、喺中環返工、月入十萬、享受中產生活，但係中國精英係講緊點樣start up一間公司/NGO，點樣做外交官，點樣做美國嘅智庫analyst。

不過雖然咁講，我都留意到大多數中國/日本/韓國intern都係英文唔夠流利，埋唔到其他 intern堆，通常自成一國。

多謝師兄分享，小弟17年畢業，剛好踏上尾班車可以申請。

師兄可唔可以分享下你點樣 interview ？

intp

我都係UN做過啊
老實講我身邊都有唔少人想行呢條路
不過可能連登無咩人留意

巴打full time係consultant？
加油啊
轉正咗調去其他station/position易好多