在聯合國環境署做緊 intern，你問我答

我剛剛冇幾耐前都做左個phone interview. 其實我覺得個cover letter真係好重要。
師兄你profile咁強,繼續申請la, 我係網上見到有d外國人話佢地都要等三、四個月先有reply.
同埋你有冇試下申請其他intergovernmental organisations 嘅full-time positions, junior 嗰d你應試meet到佢地個work experience

多謝師兄你鼓勵同提議

介晤介意透露下你等左幾耐先有得in 同申請邊到部門？

裸辭呀 Fg 第一份工黎
靜+冇乜自信嘅人做sales真係好大壓力
quit完更覺得自己好冇韌力
希望之後搵到份啱嘅做耐啲啦

樓主你好：
小弟有追你嘅post
好鐘意睇你個d正能量話句分享！
特別係天與地金句，估唔到你都有睇！

其實我自己係搞緊自己生意，都幾大壓力，又唔比屋企人睇好，佢地成日叫我不如穩穩定定打一返高薪嘅工咪搞咁多野好過，又成日用邊個邊個嘅仔依家搵緊5萬一個月呢d說話比我聽...
其實我自己行緊一條好孤單嘅路，身邊好似冇人支持自己，睇死自己咁，我好驚我會抑鬱。

但我一路都會堅持自己嘅夢想，因為我深信有一日我會成功，會令佢地跌眼鏡！

巴打要努力，
香港地堅持自己既夢想真係好難

送條片你睇，加油!!
Prince Ea - Everybody dies, but not Everybody lives
https://youtu.be/ja-n5qUNRi8

巴打好堅 今年社科畢業，好想做d 國際關係既事務，希望幾年後有機會好似你咁係UN做intern再搵consultant position

睇viutv前前線盧旺達嘅第一集 有個香港人喺果邊做聯合國經濟分析師

見到 DSE 通識科試卷出關於聯合國志願人員組織（UNV）的試題，順便推下post啦。

有一樣嘢係我做UN intern 之前唔知的：

UN intern : 完全無任何津貼。
UN Volunteer : 有生活和機票津貼。

我接觸到身邊 UNV ，有些是做完 intern 之後，轉為UNV 的。但亦有些是直接報名做 UNV。

關於 UNV ，樓主本人不太熟悉，
希望有過來人幫手分享下

--------------------------

通識考卷問做義工與公民身份理解　
國際義工：個人經驗兩者無關連

撰文: 記者戴晴曦 | 發佈日期: 12.04.18

今屆中學文憑試（DSE）通識科考試，卷一的必答題部分，其中一條問題問及：「香港人與其參與境外義工計畫，不如參與自己社會的義工計畫」一題，要求考生就考題資料及個人對公民身份的理解，提出一個支持及一個反對這項陳述的論據並作解釋。

眾新聞邀請曾擔任聯合國志願人員組織（UNV）的義工，以及國際義工機構「義遊」行政總監鄧緯榮嘗試答題。有義工認為，個人參加義工服務，與公民身份無關，會同時到海外和香港做義工，境內境外服務兩者並無矛頭，對題目感到不解。



曾擔任聯合國志願人員組織（UNV）義工的Jasmine，是曾考DSE的新制學生。

她對考評局使用UNV作為例子感到懷疑，形容UNV不是一般國際義工機構，背後的制度複雜，牽涉國與國之間的協議和安排，參加者亦須通過面試。
另外，比起其他國際義工服務計畫，參加者需投放更長參與時間，例如她曾離開香港半年，到聯合國其中一個部門服務。而參加者亦獲生活和機票津貼。

Jasmine又形容，比起其他國際義工服務計畫，UNV具有涉及職業增值的成分，有參加者會將相關經歷「寫上CV」。她解釋，UNV會分發參加者到聯合國不同部門工作，「所以有人寫CV會直接寫部門名，而唔係寫UNV」，她有相識的參加者亦透過UNV的經驗，因而獲得一份理想工作。

至於問題要求考生對「香港人與其參與境外義工計畫，不如參與他們自己社會的義工計畫」的說法，就資料和對公民身份的理解，提出並解釋一個支持和反對論據。自小開始做義工的Jasmine看畢題目後直言：「我唔會因為自己係咩公民而做義工。」她表示，參加國際義工的原因，除了對世界有好奇心，亦因感到香港的義工服務「流於表面」，「通常探下老人院、孤兒院。當時望住老人家，就會思考，究竟係咪大家都喺到做show？」為了尋求改變，她在大學開始踏出第一步，到世界不同地方做義工。

Jasmine認為，到境外參加義工計畫，與參與香港本地的義工服務，兩者沒有衝突，她也有同時參與境外和境內的義工計畫，「喺外國通常參與環境保育、教育範疇工作，香港嘅範圍就比較跳脫。」她在香港成立義工組織「閒地攤」，將閒置物資送贈深水埗有需要人士，將過剩的資源重新分配，同時支持市集地攤繼續保留。

巴打，send cv其實某程度上好靠運，佢一黎收好多application，有時你cv淹沒左係電郵海裡面真係唔出奇，所以唔好禁灰。

我建議係可以試下apply D偏門D既地方，曼谷同addis abbas始終係un既region headquarter，想去既人一定好多。你又有冇打算apply undg其他野呢？我唔清楚你對邊方面比較有興趣，但同social/ econ有關既有好多eg un compact 、ilo、undp etc（無謂班門弄斧，你讀dev一定熟過我lol），所以send多D啦，而且亦可以send去regional office既特定programme度，話比佢地聽你係幾有誠意

Btw考慮下GIZ/AFD啦，既然你有禁好既語言優勢⋯⋯有間聽講intern錢唔少架

巴打客氣啦。咁啱我自己都思考緊依個問題，所以都好開心幫到你（如果有既話）

國際機構有一大部分冇錢（包括好多un機構），官僚主義重，有D就算錢好多最後都只會外判報告/項目執行比consultancy做，所以入consultancy接觸唔同既野幾年，個人應該會成長得比較快。

sorry唔小心9up錯左，原來聯合國既非洲總部係nairobi
自膠一打

果然同一種米養百樣人 樓主我都好希望你夢想成真。
深受鼻敏感困擾的人上。

樓主表示：加油呀

我是經inspira 報的。其他部門唔清楚。

你報intern 個 approach 同我一樣，一開始只報啲真心有興趣的，過一兩個月就開始慢慢變成大包圍。咁可以確保有先後次序，唔會因為 accept 咗啲沒興趣但出offer 先的，而被迫放棄真心鍾意但遲出offer的。

另外，
關於內部點選擇人做intern 。

我發夢幻想聽到隔離部門某職員好似話：
為什麼由報名到出offer 要幾個月這麼久?
--> 是因為他們需要每一個收到的申請，都要照程序填一份計分表格，是每一份申請都一定要寫一份。如果收到二百個人申請同一個實習生位置，就要填二百份計分表格。（我發夢聽回來的，有很大可能是我幻想出來的）
學歷，語言能力，職位相關的技能等，每項都有個分數，最後加起來最高分，就選那人。如果有人很高分但沒選擇到，他們需要寫詳細合理原因解釋為何不選擇他而選了另一人，確保公平，不能私相授受。而很多時候因為篩選需時那麼長，最合適的人已經有了其他 offer 而放棄 offer。

個職位越多人爭，似乎處理需時越耐。當然都視乎內部夠唔夠人手睇啲申請。

所以係要好有耐性等......
你唔得，佢又唔會話你知你唔得。
所以...... 真心想做就大包圍吧

巴打 good luck

樓主表示：加油呀巴打

巴打搞實體定網上生意？（純八卦 ）
自己生意就當然上心，
不過唔好俾自己太大壓力喎

（等我工作安定之後，都想細細地試下啲自己興趣相關的小生意，不求賺錢，旨在趁後生輸得起，學下嘢拎下經驗。）

巴打加油呀
有好消息記得話我知喎，等我老懷安慰

多謝巴打推介 ，
我其實幾年無睇過任何電視
我睇咗一陣，發現個節目勁好睇

上面有巴打問起，
點樣增加自己國際視野，
我本人覺得 ViuTV 呢啲節目，
真心能夠擴闊港人視野，
真心有 heart ，值得推介同表揚


有興趣巴打自己search 來睇:
【前前線】盧旺達- 「走入東非新加坡」
最後果一part ，雖則有啲短，連佢喺嗰度做咩都好似無講。

(唔知點解我正當途徑睇唔到個節目重溫，不正當途徑我就唔貼啦自己揾 )

有興趣巴打自己search 來睇:
【前前線】盧旺達- 「走入東非新加坡」
最後果一part ，雖則有啲短，連佢喺嗰度做咩都好似無講。

(唔知點解我正當途徑睇唔到個節目重溫，不正當途徑我就唔貼啦自己揾 )

用VPN較喺香港就喺官網睇到架啦
盧旺達第三集仲有個喺果邊做咗年半野既香港女仔NGO worker
我個人覺得比普通旅遊節目有意義，但都唔係好夠全面
例如冇乜講當地政治議題好敏感之類

我申請左四日,個supervisor 就email問我availability 同仲有冇interest. 之後一日就phone call, 好causal, 好似傾計咁...我申請New York嘅post....大概等左1 week就有offer la

我係想拯救
可惜我得這雙手
有埋你，先夠。


我仍然想救
你估下來年香港
有沒有得救？

師兄仲做緊UN intern?

頭尾一個星期就搞掂 師兄你真係好勁 謝謝你的分享

我而家直情將cv cover letter reference letters 直接sd比UNIDO country office 申請左十二個internships，見冇咩post岩就直接send email...

Btw早兩日收到OHRHC email 只好問我再拎拎聯絡方法同confirm availability...搞到而家個心好囉囉巒。。。