在聯合國環境署做緊 intern，你問我答

你都可以試下搵唔搵到佢地做緊既project，然後揀自己有興趣既黎寫過去。始終有時有D野project based，有時country office雜事太多project太多未必理，或者有D新project未開始正式搵人etc

send信/等interview過程係的確好辛苦，大部分信都唔會有回音，我試過比project manager寫返信比我話我唔fit依一行添 不過我當時亦有個係send左信之後幾個禮拜先有回覆（果陣已經唔記得左apply過依個post ），然後前後三輪interview搞左兩個幾月先攞到offer，所以唔洗驚架，加油啊。

樓主
我都想試下sd過去apply
睇曬上面堆野
想問有咩要特別注意

師弟

多謝各位師兄意見！ 我今日岩岩收到offer, 仲要只係申請左兩日就有回音！係非洲嘅UNIDO country office

樓主發來賀電

巴打分享下呀，兩日就有，即係有無interview ?

我等你幾個月後上黎出 post 分享架
恭喜晒

多謝師兄！其實我係星期日洗樓式send cv同cover letter 去UNIDO 所有非洲office，尋日UNIDO總部個HR話馬里出左個offer比我，話等我係官網正式申請後會比acceptance letter我。

突尼西亞個office尋日都叫我上官網申請，申請完通知佢，不過晤知佢係咪會比offer...

呢兩個repliy都冇提及要interview

恭喜巴打

唔清楚UN流程，但我印象中見過人話冇interview都得，所以佢叫你點就點啦lol不過一日未收到official confirmation都唔好鬆懈，同埋多offer係手你可以揀嘛

Btw唔介意既話想問你攞tg，有少少關於development既野想請教下你

好啊你可以聯絡我，TG 係咪指TELEGRAM? 我冇TELEGRAM 有冇其他方法可以聯絡？

最好有其他offer, 因為馬里不太安全，北部有伊斯蘭恐怖分子

多謝巴打。我email係hielungal@gmail.com

世界冇邊度係安全既⋯

「我到為植種，我行花未開。
豈無佳色在？留待後人來！」
--- 弘一大師

見到有巴打收到 UN offer ，
樓主倍感安慰。

樓主開此 post，是希望種下「因」。
「果」是如何，就靠各位了。

有一口氣，點一盞燈。
有燈，就有人。

衷心希望十年八年後，
在聯合國以至各大國際組織之中，
香港人的影響力會開枝散葉，遍地開花，
為世界、為天下眾生貢獻，
為我城我國增光

遲下夠人可以搞番個UN alumni gathering 大家一齊分享下咁。

1. 你個post係做research?
2. 點解空氣污染要去非洲？
3. 空氣污染無得靠單一國家解決（污染物可能來自其他國家/地區）你個action plan 係點令到全世界妥協？有無把柄/權力令到國家跟聯合國既指引（唔清楚聯合國有無呢d野，9upper)
4. 現代人主要係室內逗留，如果係改善人類/世界，會否從IAQ 改善？例如開發成本低效率高既空氣清新機。平到非洲人都買得起。或開發簡單，可DIY既產品 etc

始終空氣污染係全國性問題，無相關既誘因（$）好難令咁多國家都合作。

（個人意見，不代表任何機構立場）

多謝你問題。

(1) 我個項目個目的，係推廣多啲國家試用低價空氣質素測試儀器，因為現今準確的儀器太貴好多國家買唔起，買唔起就成個國家咁大都無人知空氣究竟有幾差，唔知有幾差就無人知對人民健康有幾大影響。因為低價的儀器比較少真實案例，無案例就無人敢用，所以我係要幫手促成啲案例出來。當多咗案例，就希望會有連鎖反應，慢慢多人用，咁聯合國就只需著手做推廣協調之類，唔駛再落手落腳做研究。

（2）計劃的對象是全世界，是各國政府的環保部門，不是非洲。我去非洲是因為聯合國環境署的總部是在非洲，由總部推這計劃。

（3）我粗疏地舉個比喻：有間公司，想改善下業績，但老闆突然發現公司原來根本無會計，無人紀錄支出收入資產之類的數據，一粒數都無，咁從何入手？
佢第一步會否至少簡單地用數據量化一下現況，從數據中嘗試找出問題所在，針對問題嘗試定一些解決方案，一年後跟原本情況作對比睇睇有無改善？

空氣污染問題好大，有好多部分。我這項目是一個很小的項目，是希望令很多發展中國家由「無污染數據，所以無人覺得要做任何事去改善」變成「用啲平價儀器，得出一些準備度尚可接受的污染數據，令政府知道究竟污染嚴唔嚴重，從而考慮有無需要做啲嘢去改善污染情況。有需要的話，至少有個方向知道應該做咩最有效」。（要知道好多國家真係連一粒數據都無架。就算有都可能只是某一年度過一兩個月，我地希望有啲連續幾年全年無休的數據。）

我只是平凡人，不是天才科學家，不是魅力非凡的演說家，無能力一次過解決晒污染問題中每一部分，只能一小步一少步實實在在的做，聚沙成塔。

（4）我個人覺得空氣清新機是一個好「城市人」的概念，要知道好多地方根本連電都無。我認同室內空氣污染是大問題，因為人留在室內很長時間。在一些發展中國家，室內一大污染源是煮食，燒煤之類。我見有人做Clean cookstove，就是針對這問題嘗試提供解決方案。

（5）我認為誘因就是各國本身人民的健康。空氣污染其實是一個公共衛生的問題，對國家醫療成本造成好大負擔。

樓主intern會做幾耐？

好啊!!!

成班un傻佬圍威喂 以為自已好撚上流
實質只係香港撈唔掂on9仔 改變世界？出番連登先講啦柒頭

香港只係得投機炒賣，講真我覺得自己真係撈晤掂，所以咪出去睇下有咩機會囉。師兄你有咩建議啊？

大家咁話啦巴打

燕雀安知鴻鵠之志。

人各有志，
只要唔傷害人，對得住自己，
無話追求什麼更高尚。

衷心祝巴打你，
無論撈咩都越撈越掂，賺大錢

講完燕雀安知鴻鵠之志又講咩無話追求什麼更高尚
你呢條友真係好撚嘔心好撚虛偽
算9數啦你 想改變世界前請先改變自已呀 咪撚累人

屌 未又係當初搵8千之後又搞唔掂咪去搵第2路去 "尋找自我 改變世界囉 " lol

（隔咗咁耐，應該無人理呢個post 啦
咁我趁人少少，講完就潛水啦 ）

返咗香港兩個月（我返到香港第二日就開始返返工），
剛剛收到聯合國正式offer,
唔算正式架構內的職員，
contract consultant，簽住半年先。
都係做返我 intern 時個 project。
人工二字頭，
比我原本香港份工少，
但機會一生人得一次，
之後再見步行步。

就係咁喇。

我短期內唔會答問題啦
（除非我覺得好值得答），
一來驚自爆，二來無咩要補充。
有咩想問，自己追返post 先。
我上面無答過既，就自己揾方法問我啦。




中學時睇過本書叫《記得你是誰：哈佛的最後一堂課》，一直都好記得以下一段訓勉：
「不要因為擔心做錯決定而浪費大好時機，
也不要因為得過且過而錯失改造世界的機會。
別去理會身邊的噪音，
拒絕接受別人的煽動。
鼓起勇氣循序漸進，
忠於自己熱愛的事物，
遵守個人的是非標準，
思考自身和人類的處境，
然後，為世人做件轟轟烈烈的大事。」


加油呀各位，
記住，世界真係好大架

意識橋
公元2018年6月20日

啱啱收到interview invitation
有冇巴打可以分享下面試心得？