（青春／甜）《一個書生既Player故事》(6)

我覺得，讀者們一齊追故追成一年幾，好青春

希望post 6會完到故，我諗真係完到。。掛。。Wakaka

另外宣傳下Instagram: fuctoria

https://www.instagram.com/fuctoria/

而家未得閒理住Hea upload野，到完咗呢個故，會Upload散文／短篇上去～

如果喜歡我既文章，記得Follow我支持我

有題材想我寫可以PM，投稿，不過我返工會覆得比較慢～

____________________________________________


第一次入黎既朋友，呢個故係前傳，順序請先睇大學故 多謝合作

追ＰＯ請按：


（甜）一個普通女仔既大學故事
https://lihkg.com/thread/33005/page/1
https://www.shikoto.com/i/Ejg


（青春／甜）《一個書生既Player故事》
紙言：https://www.shikoto.com/i/Epa
https://lihkg.com/thread/123019/page/1

（青春／甜）《一個書生既Player故事》(2)
https://lihkg.com/thread/265336/page/1

（青春／甜）《一個書生既Player故事》(3)
https://lihkg.com/thread/372853/page/1

（青春／甜）《一個書生既Player故事》(4)
https://lihkg.com/thread/443661/page/1

（青春／甜）《一個書生既Player故事》(5)
https://lihkg.com/thread/526579/page/1

完咗商院O Camp，我約咗江柏琪喺譚仔食飯，佢一坐底就話：「死老野，都就Grad仲學人玩O camp。」

「收皮，唔好俾我見到你今年玩O Camp！」

「我過幾日就入Camp，但我細過你，所以你點都係死老野～」

江柏琪舉手落單：「三酸過橋米線、土匪雞翼、尖椒皮蛋、凍奶茶少冰多奶、凍檸蜜。」

「你都唔洗徵詢下我意見。」我話。

「你啲阿伯口味會變嫁咩。」

「可能變咗你唔知呢。」

「咁你想食咩？洗唔洗取消咗再落過？」

「三酸過橋米線、土匪雞翼、尖椒皮蛋、凍奶茶少冰多奶。」

「See？阿伯。」江柏琪自信地笑。我突然諗，喺大學識既人入面，到底有無人可以完整咁估到我鐘意食乜。好似真係無。

「最近點呀，分手未？」我問江柏琪。

「唉，你真係好嘴賤。分咗啦。」

「你啲Status轉得太快，每次見你都唔同，我追唔切。」我繼續：「可能聽日又post相話出Pool。」

「無啦，都係拍過兩次拖。係咪要鬥數先？點數都係你多D，小學一個林敏兒，中學一個溫梓柔，大學又一個Michelle。」

「但係我平均都有成年貨仔，林敏兒有兩年，溫梓柔一年幾，Michelle有半年，雖然都唔長，但時間耐過你。你Turnover rate高好多。第一個組爸好似先一齊一個月定三個月，第二個食煙既物理治療同學幾耐話？其實係幾時既事？」

「都一齊咗一年多少少，分手係最近既事。完咗Final，我先有時間認真處理呢段關係。」

「願聞其詳。」我話。

「你Ready未？我準備講經，個故仔好長。」

江柏琪話：「係我講分手既。理由係我同佢既性格太唔夾，經過一年既努力都係相處唔到。

最大既矛盾地方係，我嘗試接受佢食煙，佢嘗試食少啲，大家都好辛苦又無辦法完全滿足。

我覺得同異性單獨食飯只要交帶清楚無問題，佢約朋友食飯就得，到我約就發脾氣。

一齊去玩，我覺得唔識路，咪問下路人；佢卻覺得咁樣好無臉，又發好大脾氣。

我性格慳家唔鐘意曬錢買名牌，佢卻覺得名牌係代表一個人既身份象徵，我一身MK衫係寒酸。

我地既價值觀唔同，有好多無分對與錯既小事上面搵唔到共識。即係好多時候，左右兩條路都可以行去目的地，但我地都依然堅持自己既選擇係正確。

努力過一年都係調節唔到，由唔知幾時我開始諗，如果兩個人一齊，辛苦、委屈、傷心既回憶仲多過開心，明知道唔適合，不如早啲分手。」

「但你對佢係有感覺嫁嘛？」我問。

「係，一開始一定感覺行先。一齊既頭三個月都好似韓劇咁浪漫，每日淨係諗去邊度玩，點樣哄大家開心。但時間耐咗，日子終要回復平常，慢慢做返真正既自己，長期做唔返自己，就會變成忍受，覺得委屈。」

「到我講分手，佢既表情竟然係鬆一口氣，完全無諗過要挽留我。我估，分手既念頭早喺佢心入面萌生，只係佢唔想做醜人講出口。明白晒，好彩我主動講出口，早日分手，對大家都係解脫，唔好浪費時間。一直以來，我地只係以男女朋友既名義去綁住大家。我地之間只有當初一齊既激情，我地係吃喝玩樂既好拍檔，卻沒有真愛成份既存在。如果唔係，點解我地分手會覺得更開心？」

「兩次分手都分得乾脆，第一次我喊到痛徹心扉，而前男友狠心消失，留底我一個，我覺得世界好似末日一樣咁無希望。前幾日不是仲好地地既咩？點解突然間就可以話分手？從呢兩次經驗，我驗證到，原來關係可以好虛偽；關係亦都唔係你想像中既穩固。」

「同佢兩個一齊既時候，我甚至好衰，暗暗拎男朋友黎同你比較。我有過咁既諗法：佢地都唔夠你對我好，唔夠你瞭解我。如果你係我男朋友就好，你同我就好似天造地切一樣咁合拍，所有事情都唔需要刻意去夾。可惜中學既我傻傻以為真愛就係果頭三個月既熱情，仲以為可以維持呢種熱情去到老。我以為對你唔係戀愛既感覺，以為入到大學會搵到令我陷入瘋狂戀愛既人。到我搵到，先明白一直以黎我忽略咗戀愛既真諦，我後悔過去唔識得珍惜你。」

「高中我同你一齊住埋三年幾，仲耐過對方任何一任既男女朋友，即使唔係拍拖，果種精神上既親密感實在好難有人可以取代到。不過，而家先去表達心入面既諗法，太遲啦，哈哈，你唔好誤會，我咁講唔係想要做D咩。回憶總是美好的，我地都各自有自己既生活。」

當你幾日之內，兩個曾經深深喜歡過既女仔，都話後悔當初無揀自己，有種難以言喻錯過既感覺。但江柏琪既肺腑之言比起林敏兒既虛偽令人信服得多。

「好多謝你會講俾我知道，有你呢一句就已經足夠。」我話。

好感動，好想喊。

我曾經付出過既愛並無白費，你唔係當佢應份，而係有認真感受，而且珍惜。

江柏琪承認我同佢之間既回憶，原來一切唔係我既幻想，我唔係玩緊單機遊戲。

「原來你一個人經歷過咁多野。點解當時唔搵我？你知嫁，無論你發生咗咩事，我一定會盡我所能去幫你。」我問。

「你喺荷蘭Exchange，又同Michelle女神一齊咁開心，我都無謂打擾你啦。況且，我一個人Handle到喎，唔好唔記得，我細個係日日都自己一個人既毒女黎。」

江柏琪話：「你夠搞咗單大獲野，你唔好以為我唔知喎。」

佢指既，應該係我同Michelle既片流出。

「你。。睇過條片？」突然，我感到臉頰發熱，向來厚臉皮既我竟然臉紅了。

「我諗全港既年輕人有7成都睇過。仲有，一聽把聲，就認到啦。唔搵你，廢時你尷尬姐。」

「咁既野唔同你講，好正常阿。」

「哎呀，愈講愈尷尬。我地都係講返其他。」江柏琪話。

「食完個譚仔再去食哈根大師，我請。」我話。

「乜食哈根大師咁好？」

「唔鐘意？咁食思覺老師。」

「好無聊呀你。」江柏琪話：「我要食哈根大師。快D埋單啦。」

lm

kpk
btw 新post留名

唉

Btw皮已正

冇拿？

留個名先

宜加臭雞林敏兒同江柏琪都出現左，終極大佬會唔會係溫梓柔

新po留名

留名先
KPK都無忘記書生
但硬係好似會無疾而終咁

kpk比人玩殘就返黎搵書生埋單

留名

KPK真係好有魅力

臭雞一隻！

Sweet

皮已正

More

佢喺書生心目中, 應該除咗肉便器外就甚麼也不是

睇怕書生都係返去搵KPK埋單

留名

Kpk

臭雞配臭鴨，天造地設

有生之年睇唔睇到ending