（青春／甜）《一個書生既Player故事》(6)

唉 無論睇幾多次都好 對kpk真係一啲好感都無

同意
無論點寫到書生好愛好愛kpk
都無果種同step好sweet 既感覺

agger
記得有段講step同書生喺hall攬住一齊訓
step就嚟訓著前細細聲問書生鍾唔鍾意佢
之後書生喺step訓著咗之後答佢鍾意呀嗰到真係有勁sweet嘅感覺
但而家呢到就算書生講咩好愛好愛係完全冇嗰種feel

呢樣真 書生答step我鍾意呀呢一句直情係成個畫面出左黎
相反 由書生同kpk一齊 就算講到書生有幾愛 有幾想同kpk過人世 結婚 我都feel唔到個種好sweet既感覺

估唔到咁多人同意 我以為大家已經接受左kpk
我都好記得訓覺個part係最有畫面 我睇到自己都會笑得好甜會心微笑出黎 但下一秒又諗佢地最終無一齊又會好唔開心
雖然有讀者覺得書生係player係仆街 佢地兩個只係為大家埋單都好呀 但一見到kpk出黎我真係心諗 屌又係你啊臭雞 又無乜心機去睇佢地有幾開心 因為我真係好無共鳴啊
直到每日追post我都好希望會見到step個名 好想佢同書生有接觸...

唉 無論睇幾多次都好 對kpk真係一啲好感都無

同意
無論點寫到書生好愛好愛kpk
都無果種同step好sweet 既感覺

見到step個part會停低，見到kpk忍唔住會飛住黎睇 唔知點解到宜家都係覺得佢好假

同意，一直覺得佢假
kpk突然返出嚟講書生當初對佢幾咁好，又話後尾先發現原來係愛情
我心諗搏乜

係啊 kpk真係好識玩...
現實有條女咁同條仔講都知咩事啦 無啦啦係到撩返起人地 佢覺得係愛情 過左去咪算囉 係都要講返起

第一次飛左呢個故嘅甜故部分
完全冇feel

Step同kpk我都冇feel
Michelle最正

diu 仲要講完自己當年唔識珍惜之後話自己咁講唔係想要做啲咩嘢，都過咗去，而家各自有大家嘅生活，書生條傻仔聽到即刻沉晒船

寫到呢度唔知點解期待緊Bad Ending

等睇kpk有咗
之後step約書生食飯情不自禁

就嚟完啦 作者唔好比人影響到結局阿！加油

煲意粉......

個意粉煮左就快兩日了

由一開始就話kpk係臭雞真係冇錯

Can't agree more
正式宣佈 step係最受歡迎女主角

我屌 kpk由舊校果陣已經注定係書生最愛 比臭雞step早好多年
kpk

完全唔想睇隻kpk 唔知點解好唔討好

Player都有幸福 又一證明壞人無報應

Kpk先係玩家呀

書生同kpk埋單
其實同樣kpk都幫書生埋單姐
step其實都應該無當書生係認真過
btw我係黎追文的

agger

「哎呀！煲意粉！」攬住我瞓著咗陣既江柏琪，如夢初醒。成個人彈起身衝去廚房。

「係啵，掛住瞓都唔記得咗。」本來我應該起身同江柏琪一齊好甜蜜咁煮野食，然而，現實既我庸懶地繼續攤屍，一面回味剛才做愛既情景，一面等待江柏琪為我煮既燭光晚餐。

「起身啦。。林書生。。」我著返條底褲，赤裸上身出去同江柏琪食飯。

「整得好靚。」我讚嘆，江柏琪煮既西餐就好似喺餐廳食既一千蚊大餐一樣咁美觀。

「不過D意粉煮得太耐，林Pet pet咁。美中不足。」江柏琪將意粉分開碗盛載。

「女朋友煮既野，屎味咖哩定係咖哩味屎都要食嫁啦！」

「咁你要感恩，女朋友識煮野食。」

江柏琪對住張枱自拍：「個背景人物唔著衫好不雅。」

「請問你頭先同個不雅人士做緊D咩？」我奸笑。

「鬼掩眼。」

「同男朋友做愛都鬼掩眼。」

江柏琪一個Face palm，遲來的感嘆：「好癲，竟然會識咗咁多年既林書生。。阿。。個感覺真係好奇怪！！！！」

「哈哈。係咁嫁啦～～」
 
我喺房摷返喺我房間擺咗多年都無機會用到既香薰蠟燭，點火。

「估唔到，封咗塵咁多年，終於可以用到佢。」我笑說，懷緬著過去。

六年前（？）既我應該無諗過香薰蠟燭會喺咁平淡既日子去點燃。

「我記得阿，喺廢校倒數聖誕，結果我地一齊食KFC倒數。跟住就擺喺舊屋度封塵。」

「你當時有咩感想？」

「好Sweet，傻更更俾你帶咗去音樂室，佈置到咁靚仲練埋我最愛既星晴，真係估唔到。」江柏琪露齒笑：「就好似韓劇入面既女主角一樣，萬千寵愛在一身。」

「我以為咁耐既事，你已經唔記得。」

「記得，點會唔記得。由細到大都未試過有男仔為我準備咁多野，即使後來同唔同男仔拍拖都無試過。」

「你果陣對我無Feel咩？」

「有，只係我太貪心，覺得入大學可以搵到更好，但原來搵唔到。」江柏琪真係誠實過誠實豆沙包。

「我慶幸當時無一齊到。」我話：「大學太多誘惑，如果中學果陣一齊，多數都分咗手。」

「Timing既野，同緣份一樣咁巧妙。」

「嗯。」

「話說，我下個月一號開始返三個月Shift。」江柏琪話。

「下，咁我咪成日都見你唔到。」我扁嘴。

「陰功，要等我放假先煮到野俾你食。」

「好啦，咁我食自己。」

「我啲同事組團淘寶，你有無野要買阿？」我攤喺梳化問江柏琪。

「無阿。」

「訂個公仔先。」我話。

「咩公仔？」

「江柏琪既人型公仔。你知啦，佢黎緊返Shift夜晚無人陪我瞓覺。」

「咁你訂啦。」頂佢，睇死我唔會訂埋D劣質枕頭。

偶爾放工煮下飯仔，煲下劇，返娘家食飯，分享下日常返工既小事。

同居既生活平凡卻又甜蜜，容易滿足。

到咗江柏琪返Shift既日子。

唉，放工返到屋企仲要對住四面牆，人影都無個。

當時喺荷蘭Exchange都仲有D Flatmate出入打下招呼，習慣咗一個人。

如今被江柏琪填滿我生活既時間表，返工有佢既Message，放工同佢食飯，攬住佢，獨守空房呢種感覺格外辛苦。

唔搵D野做下，時間好難捱。


Michelle就快生日。睇佢既Instagram，佢呢期飛咗去美國同當地既畫家拜師。

我條鏈再唔送就變過氣品。

所以我好無聊由屋企揸車去到Michelle屋企門口，將條鏈連埋手寫既生日紙條放入佢既信箱，當作小小既禮物。

然後我打電話俾Stephanie：「Step，你喺唔喺Hall？」

「我Quit咗Hall啦，而家喺屋企。」

「哦，你而家得唔得閒？」

「做緊FYP。。不過，都得閒既。」

「你Whatsapp地址俾我，我而家過黎搵你。」

「哦。」

「十五分鐘後到。」

唔舒服食完藥好眼訓.. po住咁多先..

仲有幾篇就完，我都煩惱緊點樣完，有啲一下子又飛去結婚既感覺，好驚爛尾。。

Kpk

我唔要佢哋結婚啊

辛苦了