【多圖】‎【天文】‎宇宙的結構、二

232 回覆
246 Like 2 Dislike
2018-02-28 11:07:28
好，多謝你回覆。唔係到叉開太多又世界大戰，如果有日「神秘學」做到呢兩樣野，或者我會信。

其實科學圈都係一樣，証實唔到錯，就會當啱咁行住先）

科學家玩嘅野係人人都可以試／挑戰（有資源），冇選擇論，唔會因為你唔靚仔／前世唔係ＸＸＸ就影響結果。
但神秘學玩選擇論，又要「信天命」、又要「靈力」又要乜乜柒柒。如果有日全球人都體驗到我地再討論下。

「高等生命體」無教我地既另一個可能係，佢地真係識晒地球人嗰套，但佢選擇唔教、或幾時先教。

１）咁係佢地未教之前，我就當佢地吹水。
２）神秘學解釋唔到「普通人」嘅感觀。與其信仰一種同自己「觀感世界」唔同嘅「知識」，我就先簡「科學」去了解自己感受嘅「真實」先。
2018-02-28 11:10:18
樓主不如講下你對弦理論睇法

淨係想講好難
2018-02-28 12:33:56
鍊金時代
物質由水火風土四元素組成

古典物理
粒子是物質構成最少單位

現代物理
粒子由更基本的夸克子構成，不同夸克組合成不同粒子

弦理論
物質和能量其實是一條振動的弦的三維表現，不同的振動頻率、形狀等等會表現成不同的物質和能量

大概係咁
2018-02-28 14:48:36

之前嘅電腦模擬，基本上建基於三條好重要嘅基礎算式。


第一個最簡單嘅就係 Equation of state。用w，去描述流體壓力同密度嘅比例。
唔同類型嘅流體，w數值都有唔同。


認住呢位痴線佬 亞歷山大·弗里德曼 Alexander Friedmann。如果話愛因斯坦寫咗相對論嘅框架，而佢就係其中一個落手落腳填補內容嘅人。


四個人係相對論框架下，提出咗Friedmann–Lemaître–Robertson–Walker (FLRW) metric。
可以理解為一個「所有位置、任何方向都一樣嘅宇宙」，時間同空間嘅關係。


特別一提嘅係Ｋ 空間曲率，呢個參數只有三個數字，１、０、－１。分別代球形、平坦同馬鞍形空間。


藉住呢個度規，加以相對論算式同Equation of state計算，得出咗另外兩條基礎算式 Friedmann equations。
但其實即使用返牛頓嘅算式，都可以計到類似嘅算式，當然數值上唔準確。


呢條式嘅a，叫做Scale Factor，係膨脹前後距離單位嘅比例。a上面有一點，就係佢嘅改變率。a上面有兩點，就係佢改變率嘅改變率。
^常數，係Cosmology Constant，由宇宙中物質、暗物質、暗能量比例而得。而愛因斯坦就認為提出呢個常數係佢「一生中最大錯誤」，但而家嘅科學家普遍認為佢係正確嘅。


仲記唔記得Hubble Law，距離愈遠嘅星系離開嘅速度愈快。


但Friedmann equations計算出 ，Hubble Constant唔係一個常數，而係一個參數黎嘅，應該等如Scale Factor嘅改變(速度)除以Scale Factor(距離)。


Density is Destiny。宇宙嘅命運，密度(重力)佔左最大嘅影響力。


透過觀測大尺度嘅宇宙、研究暗物質、暗能量，我地會慢慢得到最準確嘅常數。


宇宙之後會點，雖然我地未必會經歷到，但好多科學家都想早一步預知得到。
我地可以運用我地嘅數據，計算出Scale Factor嘅改變，去得知宇宙係膨脹／細縮成點。
張圖嘅解釋可以參考返上面巴打，唔重覆了。
而根據WMAP數據(唔知過時未)，宇宙「大致」上係平坦嘅。但係，因為我地可觀測嘅宇宙有限，呢個唔可以當做結論住。
2018-02-28 17:30:18
費曼
2018-02-28 17:54:32
Friedmann 係咪費曼，search左好耐都搵唔到，得弗里德曼呢個水蛇春咁長嘅名
2018-02-28 18:11:16
放心唔會世界大戰，呢度無Jung 無 Freud。
只係晌餐牌之外提出多D 選擇，通常D客都係會叫番食閞嗰幾樣既我明。

但要講聲sorry先因為我誤解左你神祕學既定義，你講緊既可能係要你上淘日寶買堆書睇完就通天地嗰D。
顯然我既神祕學定義比你開闊，我以為出體經驗呀冥想呀嗰D都算係神祕學，呢D都係人人玩到挑戰到既起碼我係、同唔少做嚴肅科學既都可以試到，而且門檻遠比前沿科學低。

至於係咪人人都可以體驗到？
只要唔將非科學睇成反科學，我既答案係正面既。
2018-02-28 22:58:16
對唔住我7左
費曼原來係Feynman專用譯名
2018-02-28 23:34:01
樓主你終於翻黎啦
2018-03-01 10:08:39
顯然我既神祕學定義比你開闊，我以為出體經驗呀冥想呀嗰D都算係神祕學，呢D都係人人玩到挑戰到既起碼我係、同唔少做嚴肅科學既都可以試到，而且門檻遠比前沿科學低

未試過出體，但有做過佛家嘅冥想。
我覺得會有特別感受係真嘅，我會接受放鬆左神經之類科學性嘅講法。
但對於虛幻嘅解釋(驗證唔到嘅靈魂)，就唔太接受，因為我認為真相一定可以被客觀描述。
例如，暗物質我地「睇」唔到，但客觀係見到重力效應。所以如果出體係真，咁人應該會輕左／有其他客觀變化。我唔抗拒「有靈魂」，但抗拒「神秘學」解釋唔到，就唔嘗試理性作解釋。
2018-03-01 10:13:49
2018-03-01 10:40:11
顯然我既神祕學定義比你開闊，我以為出體經驗呀冥想呀嗰D都算係神祕學，呢D都係人人玩到挑戰到既起碼我係、同唔少做嚴肅科學既都可以試到，而且門檻遠比前沿科學低

未試過出體，但有做過佛家嘅冥想。
我覺得會有特別感受係真嘅，我會接受放鬆左神經之類科學性嘅講法。
但對於虛幻嘅解釋(驗證唔到嘅靈魂)，就唔太接受，因為我認為真相一定可以被客觀描述。
例如，暗物質我地「睇」唔到，但客觀係見到重力效應。所以如果出體係真，咁人應該會輕左／有其他客觀變化。我唔抗拒「有靈魂」，但抗拒「神秘學」解釋唔到，就唔嘗試理性作解釋。


神秘學好講求主觀體驗，但係主觀體驗好難成為一個證據

假設真理係一份無答案嘅試卷嘅話，科學家嘅做法就係試做一份答案，然後每個人都去check嗰份卷，check嘅人越多，次數越多，嗰份有consensus嘅答案就越可信。

神秘學，如果係例如內觀嗰啲，或者氣功，就似係有人做咗份答案，然後宣稱佢係啱嘅，其他人同佢份答案相同嘅話，佢哋就係啱，唔同嘅地方就係錯，最大獲就係啲essay type，每個人都有唔同嘅解讀
2018-03-01 10:56:58
搭單講一句，科學精神就係冇人係絕對正確，亦唔會有成班人一齊作d假野出黎
因為你推翻到現有理論，你就一野成名
讀U果時好多prof會係咁推噓自己當年點樣推翻舊理論，因為呢個可能係佢人生最大的成就啦

就算神到好似愛因斯坦咁，都一樣有錯
佢一生都唔信量子力學果種講法 (呢道唔詳細解釋啦), 但現代的chem同engine有唔少都係用到量子力學
古典力學的神 牛頓，咪一樣信煉金術
2018-03-01 11:25:57
例子：我隻龜唔食野

科學
醫生A：腸胃炎，食呢隻藥
醫生B：腸胃炎，食呢隻輕手d既藥
醫生C：腸胃好似有事，留院觀察
醫生D：無胃口好正常，食呢隻藥

偽科學
傳心師A：佢掛住以前主人，幫你開解佢
傳心師B：佢唔開心，你陪佢多D得啦
傳心師C：佢話佢肚痛，叫你帶佢睇醫生
傳心師D：佢想減肥！
2018-03-01 11:35:24
離哂題

講返你宇宙大結構

如果有人心水清，記得我地之前講過重力透鏡呢樣野。因為宇宙超級大，理論上每個方向都應該存在一個超大質量黑洞。亦即是我們所能觀測到的極遠天體，理應都受到重力透鏡影響而有位置偏差、多重鏡像等等。

既然如此，我們又如何能確認觀測到的宇宙纖維狀結構不是一個光學錯覺呢？
2018-03-01 11:35:46
例子：我隻龜唔食野

科學
醫生A：腸胃炎，食呢隻藥
醫生B：腸胃炎，食呢隻輕手d既藥
醫生C：腸胃好似有事，留院觀察
醫生D：無胃口好正常，食呢隻藥

偽科學
傳心師A：佢掛住以前主人，幫你開解佢
傳心師B：佢唔開心，你陪佢多D得啦
傳心師C：佢話佢肚痛，叫你帶佢睇醫生
傳心師D：佢想減肥！

心在曹營心在漢
2018-03-01 11:42:03
良心
2018-03-01 15:49:35



http://www.astronomy.com/news/2018/02/star-is-confirmed-single-and-ready-to-test-einsteins-theory
Star is confirmed single and ready to test Einstein’s theory
來了來了，又可以測試愛因斯坦嘅相對論啦！


距離我地2萬6千光年嘅銀河系嘅中心，Sagittarius A*處相信有粒超大黑洞。


根據研究，週期為16年嘅Source 2 於未來幾個月將會最接近黑洞(170-180億公里)。
Source 2被認為係單星系統，所以所有重力效應都可以歸咎於黑洞。


相對論指，有質量嘅物體都會扭曲時空，而愈大愈明顯。


所以Source 2 估計會被超大黑洞嘅引力影響，加速至光速嘅2.5%，好似係平時嘅30倍左右。


同樣今次會係首次觀測到重力紅移 Gravitational Redshift，預期會見到粒星會變「紅」左。


而之後會被重力影響而「踢出」，加速離開。


今次會係Gravity嘅處女觀測，希望會得到好結果。

https://www.youtube.com/watch?time_continue=6&v=AZhUQl-wmq0
支持相對論。
2018-03-01 17:09:17
既然如此，我們又如何能確認觀測到的宇宙纖維狀結構不是一個光學錯覺呢？

more?
2018-03-01 18:22:32
wa 正

等睇結果
2018-03-01 20:45:42
如果fail左既
2018-03-01 22:09:50
唔會大錯嘅 應該
2018-03-01 22:20:37
In愛恩斯坦we trust

相對論好似從未輸過
2018-03-01 23:18:01
靚推
2018-03-02 04:27:46
New age宇宙佬留個靚名
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞