【多圖】‎【天文】‎宇宙的結構、二

lm

隨心就得，只係唔係講宗教／外星人，其實都可以講。
或者邊到唔清晰唔明都可以講下，好多人仲快過我會答你。

之前明珠台都有節目講呢樣野

佢用一間房內平均分佈的磁球作比喻

如果完全平均的話，球與球之間有足夠的力保持平衡。但「唔知點解」有一兩個球唔存在，或者一個位有兩個球，平衡就會被打破，有一堆磁球會互相吸引撞埋一齊，有一堆會被扯散然後撞來撞去。

將呢間房發生既事放大N倍就係上面講既量子漲落，宇宙初期應該是平坦的，但因為有量子漲落令粒子分佈不均，拉扯之下就在宏觀形成絲狀結構。

而在絲狀結構中，一堆堆足夠重的粒子會各自形成星系，在星系中又有各自埋堆粒子形成恆星，恆星形成時的吸積盤又會誕生行星，行星形成殘留物質又會形成衛星或星環。

講得清楚過我

Strong post

再留名

我只係覆述節目講既野

雖然我相信量子力學，但真正的隨機，可以影響到咁大，有點難相信

好鐘意你個名

如果冇量子力學嘅隨機性，太陽係唔夠熱去引發核聚變，即係連我哋都唔會存在。影響真係好大。

只可遠觀而不可褻"論"焉

我都明呢part, 但因為果少少隨機，隨住時間放大，可以去到咁大規模的絲狀結構，有少少難相信

138億年，你睇文字唔覺得係咩回事，但的確係一個好長嘅時間黎架。

幫你講下呢幅圖啦

之前個post我都有講過類次topic，夠竟宇宙最後會點呢？

眾所周知，宇宙膨脹中，無容置疑，顯示為圖左方四線匯聚之處。

而當暗物質暗能量比例有不同的時候（注意我地而家唔知道有幾多暗物質暗能量），宇宙會有四個唔同結局。

第一個黃色，有大量暗物質。因引力過大，膨脹到一個點後會開始收縮回奇點。（有理論認為此膨脹-收縮循環乃宇宙常態，大霹靂乃上一個宇宙收縮反彈出來）

第二條綠色，有暗物質。宇宙是平坦的，膨脹到某個位，將永遠存在。

第三條藍色，暗物質不足，宇宙膨脹會加速，最後令宇宙中的能量達到熱力平衡，是為熱寂。

最後一條紅色，大量暗能量，宇宙超級膨脹，令星系之間距離愈來愈遠，最後甚至令粒子間的距離都遠到基本作用力都不存在，宇宙從此被撕裂成虛無。

Cccc

大到理解唔到

大爆炸奇點，係邊個位置

地球人，對宇宙知識

係咪可信。。。

大爆炸是否真有奇事

大爆炸奇點，係邊個位置

大爆炸是否真有奇事

先答是否真有其事
我們已經可以由宇宙溫度變化、遠距離星系觀測等方法，倒推回去，計算到百幾億年前宇宙好細、溫度好高，能夠無限接近大爆炸之後一段非常短時間即宇宙誕生瞬間的事。但是在這之前，即大爆炸奇點是甚麼，或奇點之前是甚麼，現有訊息無從得知。

再講位置
因為大爆炸奇點就是宇宙本身，因此討論奇點在何處不成立。
即使假設宇宙是球體，也無法證明宇宙就是由該中心點開始膨脹。
更不用說宇宙根本不是球體了，甚至也不知道有沒有邊界。

延伸討論
既然沒有邊界，為何又知道宇宙大小？
要知道一個空間是否有邊界，和其是否有有限體積是沒關係的。
例如畫一個圓形的線，其長度有限但沒有盡頭。
又如一個球體，其表面積有限但也沒有盡頭。
宇宙又為何不可以有有限體積而沒有盡頭呢？

反問一句，如果好似「神秘學」Ｄ人咁講，宇宙有「高等生命體」同佢地接觸。
點解「高等生命體」冇「高等科學家」教返佢地可證明嘅學識，淨係成日鳩吹？

我試下比另外一個角度樓主唸下，只係試下，因為我自己都証實唔到「神秘學Ｄ人」係啱，只係，我同樣証實唔到全部呢D人佢地都一定係錯。
（其實科學圈都係一樣，証實唔到錯，就會當啱咁行住先）

「高等生命體」或「高等科學家」 無教我地解決科學問題，有兩個可能，一就係如你所唸，從來無高等生命體接觸過我地、二就係有接觸但無教過我地科學方面既野。

至於你問點解唔教？好多原因都可以成立。
例如，佢地係高等過我地，但唔一定佢地既知識（包括科學）係包含到地球人嗰套。

從一個絕對客觀既角度，地球人只係一廂情願地，慣性用左人類既角度去審視一切。例如，無水或高過100度就無生物、數學係宇宙共通語言，「高等生命體」叫得高等就一定識晒我地嗰套，etc。。。
高級過我地，其實唔一定包含、識晒我地嗰套。

有無可能係，佢地根本就完全不能理解地球人嗰套 “獨有“ 思維模式下發展出黎既知識呢？
就算生存晌同一個物理規律，係咪就一定會用近似角度、進程，去理解同演繹物理呢？
會唔會佢地唔識1+1係幾多，但就識將石頭變金？

要教人其實仲有其他條件，例如，溝通。
舉個好膚淺既個比喻：我地高級過蟻，而且同蟻生存晌同一個物理規律下，我地係咪就一定可以理解蟻既知識世界、從而教導到蟻？

有人可能會話，只要有足夠時間同資源比我地去學習蟻語言（例如肢體語言什至音頻），終有一日我地會完全了解蟻並解決到溝通問題。

其實呢個又係另一例子說明，人類真係好慣性用自己既角度去審視所有野。
因為有可能，唔只語言不通，蟻既 “思維模式“ 都完全唔同人。
更什既係，蟻根本就無思維可言，只有本能？ 你點教？


「高等生命體」無教我地既另一個可能係，佢地真係識晒地球人嗰套，但佢選擇唔教、或幾時先教。
我知係好難入耳其實自己都反感呢套，但始終都係一個可能性，所以我又舉另一個好差既比喻：你唔會比個打火機隻人猿教佢用火，因為有可能會燒死佢自己、同埋成個森林、同埋你。

當然，佢地唔教、或選擇性教，仲有好多其他可能性，例如根本佢地就唔係善意既。。。
只要唔好下下用 “人類“ 既角度去理所當然咁唸，要搵個自己認可既答案唔難。

麼牙