司馬懿子孫後代到底有多淒慘？司馬懿死後60年，子孫從皇帝變奴隸

朝鮮之前

石田巴打幾時再出POST講日本史

上面提到明末小冰河期,其實我個人覺得小冰河期只係明覆亡一個好次要原因,明朝腐敗到無可救藥先係主因

首先,最廣義嘅小冰河期係指歷史上某啲時期會特別凍,同埋特別乾旱,依家主要出現咗4次同明清小冰河期一樣嘅冷期
如果用中國歷史嘅時間線黎分,分別係
1.自周穆王二年（西元前 1000 年）至東周平王東遷時（西元
前 770 年），是中國歷史上第一個小冰河期。
2.自西漢成帝建使四年（西元前 29 年）起，經東漢、三國、晉、南
北朝至隨文帝開皇二十年（西元 1000 年），是第二個小冰河期。
3.自北宋初葉之太宗雍熙二年（西元 1192 年），是中國歷史上 的
第三個小冰河期。
(中國第三個小冰河期比較特別,同期歐洲反而係中世紀溫暖期,氣候異常地暖)
4.第四個冷期自明太組洪武元年（西元 1458 年）至清德宗光緒六年（西元 1880
年）
(《氣候創造歷史》,許靖華)
一般我地依家提到小冰河期就係專指明清時候個次世界性嘅明清冷期
四次冷期有長有短,我地睇到每次小冰期當中,中國都會出現災難性戰亂同改朝換代發生,比如周室被入侵東遷,依個POST講嘅五胡亂華,石田巴打講到室町嘅末年日本戰國同埋將會講到嘅明末戰亂,所以小冰期帶黎寒冷乾旱對於古代農業社會帶黎衝擊,令到戰亂發生,明末民變發生原因有一部分係當時西北連年大旱,加上加征三餉迫反農民
但係依個最多只係引爆晚明個炸彈嘅藥引,而唔係晚明滅亡嘅原因
因為如果用小冰河期黎解釋晚明衰落同滅亡,實在有太多野解釋唔到
首先,明清冷期有3個最冷期(From WIKI)
1450年——1570年：斯波勒最小期(明景泰元年至隆慶四年)
1645年——1715年：蒙德最小期清順治二年至康熙五十四年
1770年——1830年：道爾頓最小期 題外話所以唔查了
我地見到係冷期入面最冷嘅反而係清朝時期,當中有一大半時間仲係要係康熙年間發生,如果小冰何期真係令到農業社會出現糧食危機,照道理滿清特別係康熙先係受到最影響嘅時期,但係康熙反而開始康雍乾盛世,人口仲要已經超越明朝晚年人口數量,當中無發生好似晚明咁大規模民變,唔通滿清識氣候武器,只係凍明朝唔凍自己 ,所以單係用冰河期搞到明亡時間點上就好難解釋得通
其次就係明清冷期係一次世界性全球氣侯變冷變乾,石田巴打都同意就係歐洲同西亞都受到氣候變冷衝擊,英國,法國,瑞士都因為歐洲變冷而出現饑荒(其實嚴格上黎講英法出現餓死幾十萬人饑荒中國已經係清朝時期),但係就只有中國(明)滅亡,其他成熟國家都堅持落黎(不過三十年戰爭(1618年－1648年)我唔太同意係關氣侯事,就算係氣侯溫暖,歐洲一樣會爆發一場針對哈布斯堡霸權嘅戰爭,因為無任何歐洲國家會接受一個擁有西班牙,低地,意大利,匈牙利大片領地嘅國家,同時擁有中央集權嘅神聖羅馬帝國皇位,所以先出現英法荷瑞加上新教諸侯一齊圍攻哈堡)
就講中國而言,唔單只係明朝會受到極端天氣影響,女真都會受到極端天氣影響,"上年水災，胡地尤甚，飢寒已極，老弱填壑，奴酋令去覓食。“ - ”李朝實錄·光海君日記“,上面講努爾哈赤時候都會被饑荒影響,都會令到女真諸部受到更多內亂戰爭,唔係只係得明先會被天氣凍到,其他民族都會被影響,明朝虛弱,後金滿清,甚至係農民流寇一樣會受到糧食危機影響,皇太極多次入關搶掠好多次原因就係因為遼東發生饑荒入關搶糧,咁點解就只係明政府中伏,反而流寇女真又無虛弱,仲要愈打愈大?小冰河期又係解釋唔到
另外仲有一點就係,雖然陝西係連年天災,但係明朝並唔係全國都係咁,明朝東南地區經濟繁榮,正值所謂資本主義萌牙(不過其實係打飛機多,一個完全睇唔起商業嘅專制社會點可能自行發展資本主義),明南方一片繁華景象,點解明朝就調動唔到依啲地區資源去抗敵,去救災,要知道康熙年間陝西一樣有千萬人口級嘅旱災,佢地就可以唔發生動搖國本嘅民變,明就滅亡呢?所以歸根究底就係明政府低效無能,貪污腐敗,係人禍令到天災成為皇朝喪鐘

仲有最後一個小冰河期解釋唔到嘅地方,就係同期農業帝國表現
如果小冰河期係明亡一個核心原因,按理應該會影響埋世界上其他農業帝國,但係由1619年薩爾滸之戰至1644年崇禎殉國,世界其他農業帝國一樣無事無干,好多仲要係進入其鼎盛期,就用石田巴打講嘅日本,日本係17世紀德川幕府已經建立,國家正值平穩安定發展,經濟繁榮,甚至令到永曆帝想求江戶出兵對抗滿清,同明末一比簡直係2個世界,印度莫卧兒帝國正值盛世,集合全國工匹修建泰姬陵,波斯17世紀初阿拔斯一世帶領薩非王朝步入顛峰,利用先進火器建立西至底格里斯河，東至印度河龐大帝國,建新都伊斯法罕,號稱世界財富半集於此,鄂圖曼帝國擴張到成為橫掃三洲嘅巨大帝國直到1683維也納城下折戟先等下擴張,同西班牙帝國地中海打到天昏地暗一樣無令佢地政府崩潰,西班牙人擴張成為日不落帝國,俄羅斯正值大擴張期,1648年已經到達太平洋,利用火器征服大量遊牧民族,係西伯利亞草原寒冷饑荒都無阻止佢地,同期係只有明先一片混亂,仲要比本身遠比自己落後嘅蠻族打到變成智障,可見明政府橫向比較都係腐敗無能同義詞
最後一點想討論就係會敗於「草原公路」既野蠻勢力亦唔係中原特色,依點我都同意,被草原民族/蠻族征服嘅農業帝國當然唔少,單係之前講過嘅蒙古已經征服數都數唔曬嘅國家,但係問題係去明末仲會比自己落後嘅民族打到毫無還手之力就真係太廢,因為明末個時已經出現熱兵器,打破咗遊牧/蠻族軍事優勢,俄羅斯就係靠火器不斷向東征服唔同汗國,其他農業帝國(上面講個幾個)都係靠集中使用火器建立強大有力嘅中央政府,因為火器算係當時高科技同昂貴嘅技術,大砲同火槍唔係話學話整就輕易學到整到,火力優勢令到訓練良好步兵可以輕易對抗重騎兵,而且火熗手訓練低廉都大大促進農業帝國組織新式軍隊,所以十分有利於農業帝國對抗以前以騎兵為主嘅不同蠻族,所以你見到其他歐洲/西亞國家/日本軍隊唔會好似明咁比落後於自己民族打到仆街,最糟糕係明政府腐敗到武器換代極下,當三十年戰爭瑞典騎兵用緊手槍板甲依啲先進武器,主力遼東騎兵竟然仲用緊朱元璋已經出現古董-三眼統,射程火力準繩差仲要係火門槍,同歐洲甚至係日本差咗整整一個武器代(當然日本大砲技術 ),威繼光好早就叫明軍換曬烏銃結果因為無錢都不了了之,最後係遼東戰場上明軍垃圾火器竟然可以比後金軍牛皮盾車(係呀,你無睇錯,火熗可以比牛皮造嘅盾擋住,唔係鐵盾黎),又或者連後金重騎步兵重甲都打唔穿,更加搞笑後來滿清見識到火砲之利,有孔有德,尚可喜幫助,火砲技術急起直追,無得耐就可以自己造出合格紅夷砲,而明自己造啲紅夷砲最出名就係炸膛,一係就係威力同外國人造啲差天共地,結果死死地去澳門一係同葡萄牙人直接買艦砲,一係搵傳教士幫手造,可見明皇朝真係腐敗到無可救藥

樓上果位

鬼唔知三眼統唔好用咩，但北方風沙大，不利於用鳥統，先用三眼銃，而且三眼銃亦適合騎兵使用。

火炮好唔好用我就唔知，反正當時用於守城居多。

中國第一隊以西式炮兵團為模式軍隊要係徐光啟用重金請洋人買洋炮，在山東練的新軍。不過支軍隊未上戰場就因為袁崇禎的舊帳送左比後金。

幾百年之後，以滿洲禁軍和蒙古八旗為主力的僧格林沁軍團，無法突破法軍炮兵團的火力圈，可笑。

楊鎬出曬名昏招百出架喎,佢朝鮮一役之前未試過自己做主帥組織軍事行動,最多跟下董一元去撿下雞,咁睇未柒出國際係正常,因為無機會表演
一到朝鮮就醜態百出,蔚山大敗,仲要謊報軍功、隱瞞戰情,依個係戰場作為三軍總帥係會害死三軍,唔係李如松同佢手下好打,依個傻仔早就比人拉咗去斬首
到薩爾滸就更加唔講,真係多得佢唔少
首先,必須講一點就係晚明軍隊戰鬥力有幾低下
首先征後金之前明軍火器嚴重不足,係山海關趕製,結果搞到幾千火器兵連用都未用過就上戰場,搵未開過槍砲嘅士兵打仗有創意,都係大明先做得出
上面有講,明軍到後期已經係大量欠餉,只有將領自養啲家丁(兵)會足食足餉,而有戰鬥力精銳家兵其實就係將領由明朝周圍啲蒙古/女真招返黎,萬曆二十二年遼東巡撫李化龍的奏摺：「萬曆十八年閱視之後……共裁去（家丁）一千四百餘名，止留六百餘名，又多支單糧，少支雙糧，一時亦覺省餉，然自此以後，遼兵遂不能戰……」
「各邊納真夷人之降,以沖家丁沖陣之用,行之已久。」——《皇明經世文編》卷317
「各鎮將官多招募降夷以充家丁」——《明神宗實錄》
「今之號稱名將者……不過持其弓馬技藝，蓄養降夷為家丁，勇敢直前耳。」——（《籌遼碩畫》卷十四）
晚明期邊軍已經完全依賴招募胡人做精銳私兵去打仗,一無就打唔到好戰果,咁樣明軍以有戰鬥力幾千家丁又點可能打得嬴真正以純胡人組成幾萬後金軍隊
無餉無錢造成軍隊無裝備無訓練,一打起上黎就步兵大片潰退,無餉無裝備搵鬼幫你打,反而渾河之戰只係遼東戰場一個異例,更加多係明軍點樣不停被後金野戰打到慘敗大敗打到最後被人叫做女真不滿萬,滿萬不可敵,如果明軍都好似渾河決戰啲兵咁有血性,洗鬼重新練關寧軍咩,以明軍人數早就趕咗努爾哈赤返去長白山挖人參啦
仲有 薩爾滸明軍基本上係成個中國咁集齊黎,水土不服,友軍言語不通,士氣低落,要打後金三十年久戰同文同種之兵,仲要話勝硬,相信依個推論2個字叫FF,3個字叫打飛機

笑咗,火門槍適合騎兵,請問點方便點火,點射擊,馬上又瞄準唔到,又無射程又無火力不如用馬刀好過,做咩勁
http://sillok.history.go.kr/popup/print.do?id=kna_13806007_002&gubun=chn
上面LINK係朝鮮宣祖實錄,「唐人亦用於馬上。 方其兩陣相對之時, 雖不必箇箇皆中, 可助聲勢, 敵必畏矣。」原來只係用黎嚇人,射程又比唔上弓,其實多銃機大把國家有用過,日本都有,歐洲都有,只係好快淘汰,係得明用幾百年,原因好簡單,廢羅,無用羅,上彈慢又唔係真係有用
而且2者射程一個30米一個90米 ....好羅 用三眼銃羅 三十米有效殺傷咁遠
北方風沙大結果日本征朝用到鳥銃打到明軍餘悸猶存,到清又可以普及到,睇黎天氣真係針對大明
後面僧格林沁軍團對手都步入工業時代都唔知有咩可比性

再講杜松,杜松係自己強渡河,唔係後金用水攻,代善只係一支人數少嘅偏師,到努爾哈赤帶主力一黎杜松馬上跪低
成個戰役後金死傷幾千人打傷打死明軍四萬餘睇唔出後金有幾苦戰
仲有三眼銃連後金重裝部隊裝甲都打唔穿就係出自薩爾滸戰役

三眼鈗仲要去萬暦中期先開始又用番,李成粱自己本部都唔用三眼,係天啟崇禎先一直用,原因就係無錢

萬曆三十四年（1606年）的“兵錄”「鳥嘴宜南而不宜北，三眼銃宜北而不宜南。何也？北方地寒風冷，鳥嘴必用手擊，常易為勞一開火門，其風甚猛，藥信已先吹去;。用輾信則火門易壞一放之後，虜騎如風而至，又不便執此為拒敵之具近有制竹鳥嘴銃及自閉火門鳥銃，亦一時之奇，然終是費事。惟三眼銃一桿三銃，每銃可著鉛子二，三個，伺敵三，四十步內，對真方放;一炮三放，其聲不絕，未有不中者虜馬闖至則執此銃以代悶棍，虜縱有鐵盔，鐵甲，雖利刃所不能入者，惟此銃能擊之。故在北方鳥銃不如三眼銃也。
你講風沙就係講出自依度,但一睇就知係北兵因為鳥銃練上黎幾麻煩同埋明朝無錢之借口

“兵機要訣”明徐光啟撰：方今制敵利器，火器第一器有小有大，小者如三眼，快槍，夾靶之類，膛短無力，又難取準，俱不許習學。惟鳥銃最利，上自將領，下至火兵，人人俱要打放精熟。" 徐光啟就插你地班北兵唔比用
「北兵不耐煩劇,執稱快槍三眼銃便利過於鳥銃,教場中打靶,鳥銃命中十倍快槍,五倍弓矢,猶自不服,此戚少保语也」出自《神器譜》趙士楨
睇下班北兵,明明睇到威力差咁遠一樣有偏見
搞笑係滿清全國幾十萬支鳥銃從來無北方唔好用問題

睇呢個 POST 自己都好感慨
自己存活在地球都係好多代人留種，自己先出現
前幾世都經過好多戰爭同逃亡
宜家就因為香港高樓價，就要做毒 L
唔生小朋友，唔留下一代，即係同自己滅族

lm學野

代善的兵數不可能少，吉林崖失，努爾哈赤既合圍難以短期內消滅杜松部。到時馬林同李如柏部支援就麻煩。

三眼銃無咩戰鬥力，冇咩好講。比支洋槍佢，佢射唔穿就好講。

努爾哈赤有放水之事，自己睇歷史

滿清版係改左良。

人地話騎兵用，點樣點，人地有方法嫁啦，用唔到既人地就唔會比騎兵用。

朝鮮戰役既主戰場係朝鮮半島中部至南部，點會有風沙大。

英法果時，除左英法除左炮兵團，仲有騎兵團，步兵團，清軍一樣係輸。火槍既差距亦無後世吹咁大。

主力係努爾哈赤六旗打緊薩爾滸明軍大營,代善得兩旗1萬5千人,最多只係杜松一半咋

首先係風大唔係風沙大唔關沙事,第一次援朝係有打到鴨綠江,第二次係先集中係中南部,其次朝鮮半島同中國東北風力相若點解日本用到鳥銃明朝就唔得
步兵用都比人笑射唔準無威力,仲要比騎兵係馬背上用雙手火門槍,明政府果然創意無限
你自己都講清入關鳥銃改良普及,反而明就為咗啲趙士禎,徐光啟都唔信嘅借口,寧願用古董嘅落後火器火器都唔用改進自己,難怪輸到一敗塗地
英法聯軍入侵係另一個無類性嘅話題之後另再講

Sor 原來係有我睇漏咗
但努爾哈赤放洪係建基杜松留下輜重,孤軍過河依個錯誤決定上

仲有代善最後死傷2千 杜松部戰死過半

去到後來完全唔關司馬家嘅事
我指個po

因為司馬家既歷史除左仲達父子，真係不算精彩
好多都係衰自己，衍生永嘉之亂並釀成東方核心（黃河文明）第一次崩潰

以及造成亞東史上第一次大規模人口遷徙
漢迫走百越，越又南下東南亞迫走馬來、南島人，南島人出奔太平洋諸島

做乜睇睇下變咗明末混戰

好似我地愈拉愈遠

杜松分左兵留薩爾滸大營，不過帶走左家丁團，再有一部分軍隊沒有渡河，相信係守住無法帶走的重兵器。

杜松部應該只有一萬人左右，可能根本無。。。