其實唱歌係咪天生?

我以前就係嗰種講野都有時會走音嘅人，唱親歌都係唱一兩首就要休息，否則就會走音，唱高音又唔穩定，唱得好辛苦，一直好羨慕d 人聲底點解咁好，自己唱左咁多年歌都完全冇進步，所以我完全唔相信唱歌係可以學同練返黎，直到一年前左右發現YouTube 有d 片係教人唱歌，咪睇下，跟住黎練下，成日練，發覺原來我以前係發聲方法係錯晒（真係要啱方法練到啱上下先知）
日子有功覺突然覺得自己比以前進步左好多

http://share.tlkg.com.cn/8Pv1RHLbeo
仲有好多地方唱得唔好，但應該唔會太難聽掛
用啱方法練先知道自己原來係會有得進步，嗰種感覺好神奇，如果你問我唱歌係唔係天生，我話係，有d 人聲底靚，又天生識得用聲，但你問我唱歌有冇得學，有冇得練，我而家會答肯定有，如果用啱方法，夠勤力，
想鼓勵各位鐘意唱歌嘅巴絲唔好放棄，一齊加油

（而家有YouTube 可以上網學習真係好正，如果我遲20年出世就好 ）

聲底差真係自己聽番都覺得難聽

訓練方法正確
肯練
基本上 人人都可以唱到中上水準

其實唱歌 尤其自學 最難係搵出自己咩問題
同自律地練習

我明呀，因為我都係咁，但係一定要自己聽返，頂唔順都要頂，你唔自己聽返係唔會知真實情況係點，亦都唔會有進步，我唱到高音破音又走音，自己聽返都覺得好難頂，打晒冷震

鐘意唱歌唔係要同人比較，我只係覺得我唱歌係可以減壓同舒發情感，所以巴打係要同自己比，有進步就ok，那怕是路漫長

聲帶條件點會影響唔大，學唱歌的確好似學樂器咁，聲帶就可以比喻成係結他，你用枝淘寶買結他同一枝靚結他用同樣技巧表演同一隻歌，咁樣比較都會有好大分別啦。你講到咁科學就應該更加明白聲帶係幾咁重要。
真係唔知你咩年代來

天生因素佔九成 把聲唔好聽點練都無用

好聽，聽得出你用岩左方法唱，而且你天生靚聲，但技巧唔夠