其實唱歌係咪天生?

個人覺得
如果真係想學唱歌
第一步要先學識用丹田運氣說話（唱歌），每個字都要由肚臍下方位置運氣拉上嚟發音
而唔係只係源自用喉嚨位發音
初初係會好唔慣，不過呢樣係唱歌唱得好嘅基本功，尤其係非天才
每日都要練，稍為斷練，功力就會下降
當練返至少一年半載，條丹田氣就開始會變厚，變純，變充盈
而當你條丹田氣有返咁上之後
先練慢歌，如果係廣東歌，仲要係練九十年代或以前有質素嘅歌
因為以前寫曲詞嘅人基本上都係有才學地度身為唱功好嘅歌手而設
音韻既能配合得宜，手詞亦有意思，有文采，有意境
唱時會相對容易投入感情，從而可以跳入首歌
當學識用丹田運氣唱返以前唱過嘅歌
你自然就會明白，以前唱歌
咬字時會唔夠實淨同深入
字與字，句與句之間好似分開咗（即係唱歌時好似逐個字櫈出嚟）
而用咗丹田氣唱歌之後
你會有能力唱歌時
咬一個字時可以持續控制呢個字音變化高低同出氣量
當你持續訓練，思考，學習如何丹田運氣嘅出氣變化分佈，精準度同竅門
你自自然然就會學懂相對一氣呵成渾圓連繫成首歌
一路唱，一路練，你自自然然亦會不斷搵到唔同嘅唱歌竅門
老實講，就算有個好識唱歌同好識教人唱歌嘅人教你
用貼切嘅說話話俾你聽，你都好可能都意會唔到個精髓
呢啲技藝，係要自己親身一步一步自己領悟出嚟

其實我又覺得好多人講咩聲底好唔好咩野好唔好聽
會唔會太過以香港 D 歌或者係 pop 野做準則？
但其實把聲低沉係有低沉好聽，小小沙甚至係拆係某D 樂種係好有市場
我覺得練技巧先重要，聲底唔算係件太緊要既事

不嬲聲底厚係賣點
甚至就算全用喉嚨聲band仔咁都好聽
反而聲薄就算技巧好好可以揀既歌種都有限...

但係如果只係dadadada 咁哼歌
又好好聽好smooth架喎

咩年代
仲覺得唱歌係天生
天生係指d咩? 音色?聲帶機能?學習能力?

聲帶條件影響唔大，你又唔係要唱到好似迪瑪希、河炫雨個level
依家咁多教唱歌既機構(sls,cvt等)，有哂科學實驗既支持，唱歌已經係一件好科學既事，好似學樂器咁。

應該係咬字影響

睇你唱歌會唔會覺得個肚用緊力？ 如果有即係用啱聲唱

肚係做support同控制氣流
仲要配合好聲帶閉合

禁慾真係有用 把聲會有力啲扎實啲

技巧比天生聲音重要，如果有學唱歌就會明我講咩。香港係一個對識唱歌既人極唔公平既地方，所以希望你只為興趣唔好求事業。

詳細睇林憶連

想進步一定要錄音自己聽返， 唔好加reverb echo
錄音既效果=人地聽到既效果
跟住黎tune 自己唱法應該係最直接有效既

我聽緊天籟之音

把聲唔好聽係無得救
技術一樣可以練 亦唔會難聽
但點都唔夠聲好靚既人殺食
同埋睇你唱咩genre掛...

出到名果啲都係唔識唱比識唱既多

只要有心， 人人都可以係歌神

more

係呀，有啲都識唱既，但絕對唔係勁囉
所以係香港唱歌，功力同地位係唔成正比

你想知多啲邊方面先

其實要練嘅話
首先睇你Lv啦 如果普通中音都唱唔掂
咁就.. 基本功囉
但我一般練偏高音嘅歌
高音真係好考基本功
因為大家都以為一定要做啲乜
先會整到高音啲
基本功札實咗先好諗技巧啦

究竟真音點練高d

首先唱對音咗先
然後慢慢混真音唱

天生決定potential, 後天練習決定你發揮到幾多