其實唱歌係咪天生?

嗱，純分享意見，見咁多巴打講丹田呢個topic我先加把口，但由於學唱歌同學武功一樣好多門派，所以我講嘅只作參考，問返有專業資格嘅老師比較好。

丹田係中醫穴位名稱，意指肚臍對落兩隻手指位，係唱歌嚟講其實指下腹肌肉。巴打可以發個"痴"音，好短促咁"痴 痴 痴"，你應該會feel到下腹縮下縮下，呢個就係係所謂丹田用力。但事實上只要聲帶閉合得好，丹田用力係自然發生嘅。曾經跟過一個老師認為所有都可以用"丹田發力"嚟解決，唱高會緊係因為丹田未夠力or未識用力唧啲氣出嚟。理論上丹田越用力，氣流就越快，就會越高音，情況就好似牧童笛，明明㩒法一樣，但吹嘅力度唔同，音調就會唔同。呢個丹田其實係work嘅，我初初練嗰陣都可以將我一兩個高音唱上去，成功感好大，而且下腹肌肉用力嘅感覺好實在，初學者嚟講好有用。但學落去就好怪，啲高音死唧爛唧都唱唔到，所以就搵第二個老師。

呢個係教共鳴同結合嘅，認同下腹用力嘅重要性，但唔會一味叫你唧唧唧，仲要識得用唔同嘅共鳴，情況就好似揸車咁，要識轉高中低波，如果唔係你死踩爛踩都唔會快。我覺得呢個方法更加能夠令自己放鬆，上高音更容易，而且可以做到唔同嘅質感，但係學起嚟感覺好抽象，要花多啲時間先可以摸到感覺。

我覺得學邊個門派係自己嘅決定，但自己一定要用腦，丹田唔會發聲嘅，只有聲帶可以發聲，嗰啲咩聲音係丹田出嘅概念一定要執，因為唱歌係靠想像力嘅，諗錯就會做錯，跟住就點練都好難進步。希望巴打搵到適合自己嘅方法。

都唔一定既
行pop song路線把聲唔得 可能唱jazz/band sound好正呢

好認同！
共鳴同結合好重要
如果可以做到靈活轉換共鳴位
可以省好多氣 變相會更有氣
更易轉上高音 層次多左 變相技巧多左

唱歌係需要自己摸索的 多d練習 感受下身體的變化 平時講野都盡量氣於丹田(要有力度 唔好連講野都走音 因為我見唔少人講野走音) 另外 要留意下d實力派歌手唱歌時的臉部表情 有時見到臉部表情扭曲好醜甘 其實有助轉換共鳴位

好多人話啊某某某唱歌無感情
我覺得 正確的唱歌方法必然會帶出到情緒 感情 因為聲音經過咬字 唇齒音 最後由共鳴腔位出黎

天生靚聲當然會有優勢 但係後天的努力
在技巧上也是可以搭救的
我唔建議出去學(除非好有錢 真係搵到d勁GE老師教)
可以上YouTube睇d教唱歌的片
各位熱愛唱歌的手足共勉之！

利申：唔係好識教人 自學 15～16歲已經覺得自己聲線比較特別(可能天生靚聲)
被稱作歌神歌王 用歌聲感化左好多人

其實要知自己有冇用到丹田 只需要留意下自己個鼻洞係運氣個陣有無自然擴張

臉部表情扭曲竟然有助轉換共鳴位!?
因為我唱歌自己唱到有FEEL 比感情既時候 我就會有好多肢體動作
眉頭都會皺得好勁 有比人話過我好似唱得好辛苦 表情太誇張
依家努力改緊

有定冇就係用到丹田呀

係

但係難聽都可以唱

一個人既成長環境，性格都好關事

可以呀 但自己聽返都打冷震

開心咪得，又唔係搵食

呢樣真

有 同埋用氣會更有效率

有就係有用丹田 鼻孔擴張係迫你吸多d氣

52:45左右開始
https://youtu.be/wtOehCF7GMA

聲底靚真好

我無學過都唱得好

其實有手術做

陳豪

7成都係天分
聲底最重要

陳豪做過呢個手術