其實唱歌係咪天生?

李克勤本身聲底都算差咩

分開既point 黎
氣聲係慣性，用咪唱未必聽到，但錄音就好顯，搞到我把聲好薄

聲底係天生條件
我諗佢講天份既意思係音樂感 音樂既鑑賞能力
呢種天份會影響你點演繹一首歌
其他發聲 氣息 技巧全部都有得練
但比你練到一身武功 但音樂感上限已經到左就好似送禮勤咁

本身聲底薄 又虛，唔知點練好，次次錄完歌聽返都好似唔夠中氣咁款

其實唔識用丹田已經唔係叫有天份
音準好可能只係代表你對pitch比較敏感
對你學樂器或泛指音樂可能有優勢
但唱歌既所謂天份就係你識點用聲
每次唱都知道自己出左咩問題 再去調整返
假音唔搵姐係代表你用氣唔穩 而且聲帶閉合度唔夠
呢樣如果你有天份既話 可以慢慢練出黎
至於高音音域雖然係可以練 但天生都係一個因素
你天生低音既話 真音就算點練都有個極限

係

你睇juno就知

幾多錢學幾多年

唱謝安奇首羅生門 feat juno

唱幾句仔 都要走哂音😂😂😂

把聲薄既話 試下沉低你既發聲位置

咁如果把聲真係唔好聽嘅, 係咪可以唔洗諗

其實把聲唔好聽係一個結果 唔係原因
係唔識點樣用把聲 點樣用氣既結果

係 有d人天生就用岩位唱歌 唔會辛苦好輕鬆就唱到想要嘅音
冇天份嘅用錯位用喉嚨唱就唱到好似摙住春袋咁
唱幾個高音就沙晒
一用慣左就好難改

有得後天阿 gil 就唔會出道十幾年都咁屎啦

認真聽過樓主之前唱嗰首，比啲意見：
音準係一般問題，有啲震有啲飄，好多人都係咁
聲底無咩問題，我意思係你唔係天生老牛聲
你最大問題係咬字同共鳴錯，啲音好扁。
你唱歌無做好共鳴咪同講嘢無分別囉，咪比人話無感情囉。

唔好再問咩唱歌係咪天生，所有都可以練，好似上面啲巴打講嘅咁，有天份實快啲，無天份咪勤力練習囉。

巴打我真心勸你一句，你嘅情況上網自學幫唔到你，係認真嘅，就搵個老師教你，做任何嘢都要付出，唔好話咩無錢無時間，係嘅話你不如收皮。

Ps：唱呢首未駛用混聲，真聲放鬆已經做到，仲會有更好質感。

脷伸：學緊唱歌，共勉之

其實自己聽自己把聲咁好聽，係你欠缺自信啫，日日出西洋菜南唱多d就會好，如果可以設計埋舞步就更perfect

點唔好聽先?古時夠覺得清聲係好聽，沙聲係難聽啦。而家沙聲咪又話係有味道，夠搖滾。我覺得無聲底係絕對難聽嘅，爭在點運用同唱咩風格嘅啫。

不如你好似樓主咁整一段歌嚟聽下，我再答你啦

你唔撚係覺得努力有用呀嘛，，，
twins 鄧走音上哂堂咁多年都可以冇進步，人地仲要專業老師教

把聲好唔好聽更加冇得練

bb 一出世，嘈到拆天啦，喉嚨都冇傷啦,使撚搞咁多野咩

如果聽唔出自己走音呢

等於問跑步係咪天生。
有人天生跑得快，有天生跑得慢。
冇可能靠後天努力變到保特。
但勤力練，用啱方法，一定會有進步。

過來人經驗，唱歌真係唔係天生
要靠後天學習同訓練
有好多嘢其實人不學不知道

無論係低負荷及消耗嘅發聲，點樣用思想去揣摩表達一首歌，所謂嘅技巧等等，其實真係好多需要學

即使係天生唱得好，亦只係對身體機能動作嘅感覺比較熟悉，以及模仿聲音嘅能力比較高，都係需要學習

lm

係

要正常唱音準係基本
但有音準又唔等於好聽
會唔會係唔識用聲咋?

汪明荃走埋音一樣咁正