龜頭小嘴
2016-12-24 14:24:01
「離注~我有d頭暈呀~可唔可以送我去醫療室?」我順勢挨過去。
「芝芝!做咩呀?」vian好緊張咁問。
我扮曬無力講野咁,「啊..好暈...」
「我黎抱你!」
屌,邊位呀?我抬頭一望,原來係林棗薛。呢條仆街仔成日扮撚曬野咁,依家仲想觸碰我高貴既body?
「唔..唔洗啦,你咁廢。」我嬌弱咁推開佢。
「芝芝!你比佢抱啦!快d睇下係咩事啦!我好驚啊!」vian好心急咁講。
屌!八婆!阻住曬!
就係咁,林棗薛條仆街公主抱我。
「芝...余佩芝。」林棗薛突然望住我。「呢度無人,我想同你表白。」
「收皮啦,過街老鼠。」
「我真係好鍾意你。」佢吃力咁抱起我,穩如泰山咁一步一步前進。
「我唔鍾意,放低我。」我推開佢,「我依家鍾意既係年離注。」
「點解?點解你地個個都鍾意年離注?我唔好咩?我有d咩比唔上佢?」
「你咩都比唔上佢,仲有,你it科都可以全部0分,好心你比d心機啦,我真係唔會同你一齊囉。」
我借力跳返落地下,放左督屁就走左。
「芝芝!我真係好鍾意你!」
仆街,再大聲叫我個名就用m巾塞落你個口度!哼!
都話紅顏禍水,唉,咁多同學因為我而反目成仇!好煩呀!