開始
我叫呀芝，余佩芝，今年16歲，體重70kg。
我依家讀緊中四，真係好青春既年紀啊～介紹返自己先，我讀緊4B班，有30個以上既追求者。
我套校服係純白色既連身裙，藍色腰帶，勒到我好辛苦囉。
我個好朋友叫vian，雖然話係好朋友，但其實我好撚憎佢囉，佢真係勁bitch囉！成日以為自己好多仔溝，佢都係瘦我少少姐，扮撚曬野！有時d仔對住我吹口哨，佢就會去溝人囉！d男仔又肯同佢表白囉！屌！
「芝芝～」
我望一望，原來係條八婆vian，不過我費事得罪佢，佢都唔算對我好差既...
「今日有插班生呀！好期待呀！」vian嗲聲嗲氣咁講。
屌，都唔知有乜好期待。
朱sir入左黎，後面跟住兩個男仔。話說呢個朱sir成撚日望住我囉，乜事呀係咪鍾意我呀？
原來兩個插班生係雙胞胎！
「大家好，我叫年離注。」
「大家好，我叫年望遠。」
哇，咩名黎架，好似古代d少俠咁既？
不過..好似幾靚仔喎（admin求你放過我）..有d似金城武，搞到我有少少春心動添....
屌，頭先食完早餐，條腰帶勒得好實，偷偷地鬆返少少出黎先。坐我後面果個梁陸究唔知做咩係到偷笑囉。
「你地兩個點解轉校既？」女班長小馬問。
「關你咩事姐？」男班長張六常搭嘴。
「你咁串做咩姐！問你咩？！」
呢個時候，年離注望住我。「為左追逐我既夢想。」
年望遠深深咁望我一眼，「我都係。」
哇！你兩個咁快就迷戀我？不過都估到啦，唉，真係紅顏禍水。
坐我隔離既vian好似尷尷尬尬咁，唔知咩事？
講講下又有d肚餓，拎包薯片出黎食先！問vian食唔食，佢話佢減肥唔食囉，痴線，明明我地呢個年紀最應該食野補充能量，咁先可以健康咁發育架嗎！
巴打快出
希望肥芝有得同望遠連尼住3p