見工達人，你問我答（只限文職）

我可否以我第一份工為例？
1、因為你係一張白紙，冇嘢可sell俾人，所以你自我介紹要做好啲。成績好sell成績，做義工就sell義工，仲有teamwork、個性.....
2、如果暑期工有做過相關行業，可以分享。亦順理成章咁俾老細知你真心well prepared for呢份工。
3、起公司底，show到俾老細睇你對該公司極有興趣（例如有邊啲大clients）
4、誠懇、禮貌、守時（非常重要）表現到自己係聽教聽話，對接待員都要有禮貌，由搭入電梯後，請熄電話。
5、千萬帶父母去見工！佢哋堅持要參加，就老點佢哋一個錯嘅時間地點。仲有，盡量唔好提家人（唔夠成熟）
6、盡量唔好太自我，唔好用太多「鍾意、唔鍾意、覺得」呢類字眼。
7、男嘅唔該除耳環，女嘅唔好暴露。寧願著得formal少少，冇咁型。
8、我係audit界，我加咗一句，要自己一年內考晒試，之後可專心工作。唔知其他行業有冇試要考。

IFC 好似有

第5 點真係有既咩，成日覺得只係晴報鳩up😂😂😂

留名

比較想知樓主見開啲咩工, expected salary有幾多

樓主可能係老手講慣大話
但係教人用呢啲藉口講大話又second in又喪禮咁
真係好咩
稍為有少少經驗嘅interviewer/hr會有技巧地chok你講多啲
同事關係好嘅又會問多啲
個大話編得好編得完整還好
但穿左嘅話救唔番 integrity問題仲可以永不超生
俾你interview表現好好 最後都可能waiting list都冇你份

一般candidate遲到其實比約定時間早啲打俾我
有禮貌有歉意嘅 講清楚幾點會到
如果手上唔係好多cand可以揀
講正常原因所以遲到我都會pass佢
唔洗作咁大串野其實我冇興趣知

自我介紹不能太長。
最好係重點，簡而精便可。
例如，我畢業於XXX大學嘅XX系，做咗xx行業幾多年（或由幾時開始做此行業），專注於xxxx（工作內容或公司嘅行業），做過乜嘢regions（冇就唔講）。
我一直對你公司一直好有興趣，我知你而加請緊xxx position，我覺得自己完全meet到requirements（之前所講嘅專注於就正正係job requirements），所以申請呢份工，服務呢間公司。
或者講一個呢間公司俾到你想要嘅嘢，所以加入。
咁就好完。

Interviewers見n個candidates，次次都係揸住你份cv一頁一頁再問，所以唔駛太長。

lm

有野想請教...
FG 返緊第一份工, 見工果時IN得好垃圾, 英文廢, 講野一舊舊
詞不達義, 自我感覺係坐U望F
但24個鐘後請左我, 工作壓力唔算大唔算忙
IN我個LINE MANAGER 仲對我好好.. 咁代表咩??

另外, 想請教下, 將來唔想裸辭但又要去見工有咩方法?
用SL既話唔可以太密, 而且去睇醫生應該講咩?
FG咩都唔識 ,多謝指教

畢業撈big 4，之後做commercial，已退休幾年。
所以，最後幾年只有見人，冇見工了。

但後生果陣真係好鍾意去見工，又鍾意同agents傾計。喺佢哋身上搵到好多好料。

禮貌地話而家個老闆好有誠意留你，升職又加薪，對方會覺你stable。（事實上我真係唔多轉工，因為見工多咗，發現處處都係地獄）

我big 4嘅舊同事（現為principal）話真係有。
Campus interview 果陣睇唔到，一上到公司見partner或principal呢啲就有。

好撚癲原來有人同我一樣鐘意見工，不過我係有埋番新工癮
好撚鐘意番新工頭個一兩個月好多unknown 果下好正

我都想分享小小，利申小弟未grad 但番左6 7 份intern ，interview 就我諗有廿次，但全部intern 位

1. 初階：好好地咁design 自己個cv
小弟識小小design 野所以自己design 左個cv layout, 但強烈建議大家唔自己整都上網用d 有顏色 or 真係有design 過既template
因為so far 唔理我in 成點，好多時d interviewer 第一句都係話嘩你個cv 幾靚幾好睇
你諗下你個cv 係仲早過佢見你個樣果刻，呢個先係最早既first impression
唔洗話咩工種驚個感覺唔正經，我各類型既大公司都報過big4 ibank 都好鐘意呢類cv
(唔知關唔關事，但聽親interviewer 話我cv design 令既都好似拎到offer )

2. 進階：諗定一兩特別既project zip係對話入邊
work experience/assignment/自己ff 既project 都ok
但你最好唔好主動爆出黎，而係佢咁岩問你既時候你可以好流暢同吸引咁講一樣令佢深刻既野
因為你自介無啦啦講，你自介已經好長佢無乜心機聽同埋你會似背犒
但9成工特別係tech 工佢會問你有無咩做過既project想分享
最好present 到係你好多idea 除左tech 既skills 仲好有想法
成件事ff 出黎無做過扮做過都ok,但你最好事前諗detail d 啦
如果成功既話佢會追問你detail 你見到佢對你呢件事有興趣的話
你已經拎左半個offer 了

老實說，係個老細on 9，呢間公司不做也罷。

不過，你也可以玩嘢老實地答，自己只求生活stable，work life balanced，所以會繼續做文員落去。

lm

首先你要有失去呢份工嘅覺悟，因為人哋可能真係睇咗budget先叫你嚟。

1、如果你覺得薪金好緊要，否則offer你都冇用，咁就喺填application form時再填過expected salary。如果冇form，咁就見完後，q & a時，同對方覺想調整自己expected salary，因你剛收到一個offer俾到個價你（基本上你有8成失去呢份工）。

2、如果你覺得攞咗offer先算，咁就唔好提錢，直至你有offer先至話（1）舊老細加人工留你或（2）有新offers俾到高啲嘅價。

留名

如果真係轉行或者轉department 咁人工係咪真係當fg計起？

我係而家呢行做左兩年，來緊會想轉工
轉工理由係因為而家公司已經上哂軌道，做既野全部都好routine好單一
目標做果幾間公司都係keep住會有新project，我覺得發揮會多d，所以想轉。 如果我咁樣直接講其實ok嗎？

另外，我想問如果而家間公司唔方便聽私人電話（手提無network，檯頭電話我怕佢打來果時我唔係到，會比其他人聽左） 我係apply果封email寫話想用email約interview 其實會唔會好怪？

細公司狗都唔屌啦
人事仲西過大公司n 倍

lm

1、我真心勸你第一份工留2年（如果各樣嘢不算太差）。呢幾年好多小朋友嘅CV完全唔見得人（畢業後年半未搵到嘢做，查實係不停轉工），基本上，我哋已經唔敢諗會搵到stable嘅年輕人。但若你做到1.5-2年，以後就會被視為stable，可以跳得更高。
2、樣樣嘢廢但有offer嘅原因有好多，可能佢公司好等人用，或者你人工係佢哋見嘅人中最低嘅，又可能係你太謙虛。好難講。
我老婆鍾意請埋啲已婚嘅師奶做入數，貪佢哋唔會轉工。所以我答你唔到。
3、in你個 line manager對你好好 - 我見人都對啲candidate好好，even有個遲咗粒半鐘嘅嚟。因為我要顧及公司形象。亦有可能係人夾人緣。
答你唔到。
4、喪假for一啲已去世嘅長輩（即係死多次，盡量係曾祖父母），但不能常用。有啲公司會送花圈，所以你要上去殯儀館嘅網頁搵定啲「先人」。或者扮收到醫院電話有長輩即將離世。
但此二招不能用多過一次。可先用第二招再用第一招。

見份工拎埋先人出黎