認真推介小弟幾中意嘅作品--不論動畫定漫畫

到底你有幾得閒

你應該調轉講
到底我幾唔得閒

一百萬題目。
你到底係好得閒，
定係好唔得閒？

得閒在「可以睇曬」
唔得閒在「要睇曬」
你明唔明

第七十八套 - 幼女戰記 (戰爭片)(又係轉生系列)(動畫已完十三集)(小說暫時8卷)


當初一直都唔開
係因為我覺得而套係專比D軍事宅睇
而且睇封面有少少借「幼女」去hard sell
所以有少少反感
但基於咩都要嘗試下嘅前提，我就開左黎睇
意料之外嘅好睇
幼女嘅表面唔係得個「靚」字，係軍事作用上竟然起到作用
可能有D誇張，但當中劇情講到
因條約關係，帝國軍需要通報敵人「帝國軍將會來襲」時，主角巧妙利用自己「幼女」嘅聲線通報，令敵方誤解係小朋友嘅惡作劇，而疏於防守
而點我係幾中意
事不宜辭，講番故事大綱先
「故事大約係講男主佢本身係一個高級社畜，對於「規則」有一定嘅堅持同遵守。但亦因如此，被人憎恨，及後將主角推到電車路軌。
係主角死前，有一堆神嘅物體跟主角傾談。由於主角否認該存在為「神」，所以「神」決定將主角轉生到一個絕望嘅時代，大約為西厝1914年。並告之如果死多一次，就唔會有轉生嘅機會。
主角就只好以「幼女」嘅外表繼續生存，基於主角想一帆風順嘅關係，佢決定加入帝國軍。
憑主角出色嘅判斷，敏銳嘅身手，再加堅守軍隊規則，令佢軍階節節上升。
正當主角以為自己可以退居幕後享受人生時，卻受到一大堆人提拔到前線作戰。為求生存嘅主角，愈戰愈勇。造成點都番唔到去做後援。為左享福，主角就只有以「結束戰爭」為前提繼續戰鬥.......」

個人認為而套好睇在於主角對於「規則」嘅堅持，因憎恨「神明」而拒絕祈禱。但因「祈禱」主角先可以得到壓倒性嘅力量，導致主角自我造成矛盾。
當中有唔少場景，係表達帝國軍有機會殺死平民，但主角依然堅持殲滅佢地。佢指出因為只要有人帶住仇恨成功逃走，他朝有日佢就會番黎殺你。係變成咁前，就係提早結束仇恨嘅鎖鏈。對於而點，我係好認同。

題外話而套ed D畫真係好鬼靚，個人黎講就幾中意




歌好唔好聽，就好個人，我黎講就幾中意
https://www.youtube.com/watch?v=OgXZn_H_QAI


動畫link: (做義工，幫下ebb賣廣告)
https://ebb.io/anime/38x54

其實主角唔發癲果陣都幾正，但主要都係睇佢發癲

每次見到 蘿利 + 軍事，
第一時間就係想起神槍蘿利…

你係唔係指果套咩神槍少女
利申:未睇過 大約講乜

無錯，正式名叫【神槍少女】
我都未睇完，不過總係提唔起勁埋尾。

故事講話意大利而家有一家類似孤兒院既地方，
專搵 d 妹妹仔去改做成殺人機器，
而政府就委派呢 d 殺手去同恐怖份子周旋。

因為呢類改造人會有若干問題，
例如大腦經會有功能障礙，
需要受到嚴格管理，
故事就關於呢類殺手少女與輔助官(即係管制人員)的戰鬥和日常生活。

不過結尾係乜我都唔知。

ed d畫係小說插畫，漫畫版畫風好似就係跟佢小說插畫，人設會靚過動畫版好多

樓主被新番活埋後睇黎仲未比人挖返出黎 …

Cat Shit One / 越戰狂想曲
集數 : 3+1 (已完)

講乜 :
故事講述三位美國軍人波塔斯基、
帕奇與萊茲於越戰時期的故事。
這三位隸屬於偵查隊，
隊伍名稱為「貓屎一號」，
故事情節則是環繞於隊伍執行任務時的所見所聞。

特色 :
唔好睇少呢本動物+作戰漫畫，
以為單純用動物賣萌既就絕對係大錯特錯。
入面既作戰行動，軍事考證係做得非常充份，
不過因為作者之前 d 真實畫風賣唔去，
轉左做動物之後就出乎意料地大賣。
喜歡真實系軍事漫畫，呢本絕對係必看之一！

有少少題外話啦
岩岩我用左三個鐘時間去睇又做了，相同的夢
要開頭代入小女孩嘅角色，個感覺係幾新鮮
隨住每日去搵唔同嘅「人」推進故事
我個人黎講係比較中意「南姐姐」果part多D
當初都沒頭沒腦，點解「南姐姐」消失得咁快
去到「馬蚤貨」姐姐都消失果陣，我諗我開始明白
雖然本書中心好似係圍繞住「幸福」
但其實探唔探究咩係「幸福」都唔重要
能夠與不同年代嘅「人」交流，先係好睇之處
最終，我認為而本書算係一本好書
但個結尾有少少轉折得快
尤其係「馬蚤貨」姐姐突然消失，果下都係摸不著頭腦
但思考不足30秒左右，我就理解了
(未理解者，則參透書名

都唔知佢做乜鳩
BTW，希望樓主會介紹埋鑽石王牌
(不過等你煲哂先)

幼女戰記好鍾意203魔導大隊去諾登戰線救場嗰幕

係有 d 轉折，可能有 d 野太直白就唔好睇，亦都講唔通。
所以比起佢第一本書，我覺得係要理解既野係多 d 。
因為書腰一開波係講三個"人"，所以我開頭理解時都好奇怪點解會"消失"。

我個人都係好喜歡南姐姐o個段。
不過我個人黎講，唔計嬤嬤，兩個會消失既角色退場得太快。
有好多我期待既野未交代就完左，係有少少遺憾。
例如南姐姐本書講乜，馬小姐既工作情況 (?!) ...
成日都覺得作者將 d 角色當消耗品咁用，
南姐姐/馬小姐係咁，櫻良都係咁，
一達目的就即刻消失，作者都算心狠手辣。
(不過睇到後期反而唔想睇毒L成長，比返櫻良我 ... )

另外就係開頭o個段真係睇到恰眼訓，
特別係同老師吹水o個段。
好有一種懶老積既死小孩感覺。
係去到三個"人"登場時，
之後既對白就開始變得有趣。

仲有與桐生隔住對門講野，
令我聯想起槍王黑澤，黑澤vs松鼠女一段。
不過槍王黑澤比起呢本著墨多好多，
氣氛理所當然好好多，
呢本只能夠話贏在對白精彩少少，
係有少少期待落空既。

呢套野另外想起以前叮噹有一套大長篇，
(我再重申三次，係 叮噹， 叮噹， 叮噹，因為好重要所以講三次)
講要有七個重要既人去打大佬，
結果唔同 time line 既大雄都走出黎幫拖 ...
time line 類既片/影片唔多唔都有莫名奇妙既既視感。

最近睇左套國漫, 叫「一人之下」
未完, 但so far來睇我認為質素非常高, 越畫越好
題材算係道家x現代生活, 有講好多歷史典故, 起碼睇起來比日本戰國更有親切感

主角既設定係有爺幹, 但到而家都無咩主角威能
(我最中意睇D主角無光環既漫畫)
好睇既反而係講唔同修行者既生命故事
佢地既愛, 既命運, 既理想, 既選擇...

岩岩完左既「陳朵」篇, 睇完久久不能自已
畫功一幅圖都可見一斑

雖然係一個過場人物, 但角色塑造得非常豐滿
惆悵至今

神槍太hardsell温情
雖然我明佢想講咩, 都覺得佢手法幾好
但個mentality真係完全接受唔到...

佢 sell 乜我都唔知，我只係睇左五本。

我當佢特攝片咁睇咋。

第七十九套 - 亞人 (有動畫有漫畫有真人)(動畫有兩季共26集)(「不死」挑戰整個世界)



亞人唔知大家有冇咩概念，簡單黎講就係「不死身」
不論係毒死、斬首、失血過多，都唔會死
佢動畫個畫風同「希德尼婭的騎士」一樣都係3d
初頭睇係有D唔習慣
但睇耐左就無咩特別
畢竟而套都係以內容取勝
「故事講述男主嘅世界係存在「亞人」，但一般黎講要死左一次，先知自己係唔係「亞人」。而「亞人」嘅出現完全有利所有行業研究。醫學、軍事更為最大得益者。
而男主係一次意外中，發現自己係「亞人」，而慘遭到追捕。後來更慘被送到實驗室枱上進行多項殘酷實驗。
幸得同為「亞人」嘅遠藤先生沖入實驗室營救男主。但原來遠藤先生背後埋藏住重大嘅陰謀...」

介紹寫到而到就點到即止，而我覺得好睇在於佢有一個system
就係「亞人」們都有一個能力，就係召喚一隻「黑色幽靈」(簡稱IBM)進行戰鬥
但男主嘅IBM卻不受控
當中天才博士指出一點
「有一個細路仔叫佢個鄰居做「肥婆」，但個細路仔係無惡意，主要係因為佢嘅媽媽都係叫佢個鄰居做「肥婆」」
對於而點我係比較深刻，凡事唔可以睇得太表面
以上內容好似九唔搭八，但睇果陣又覺得好有道理
當然睇一堆「不死」嘅人對決，如何「真正」殺死對方，而點又係好好睇

順帶一提，而條女真係好正



第一季動畫link:
http://myself-bbs.com/thread-40128-1-1.html
第二季動畫link:
http://myself-bbs.com/forum.php?mod=viewthread&tid=41521&highlight=%E4%BA%9E%E4%BA%BA

亞人早幾個禮拜先上畫嚟

我之前有睇漫畫 但冇睇到最新
係見最近有電影上畫 聽講幾好 就「的」起決心睇左動畫先
雖然係3d製作 但劇情真係好正

漫畫推介-銀狼血骨

講一個退左休既吸血鬼獵人復出拯救世界,主角係中年阿叔

聽講拍到川榮李奈好正…

搞到有 d 想入場幫襯下。

識貨呀巴打

推幾部比動畫樓主過目

萬花筒之星
白箱
Another
翠星上的加爾岡緹亞
浪客劍心

推幾部比動畫樓主過目

萬花筒之星
白箱
Another
翠星上的加爾岡緹亞
浪客劍心

呢套有排睇…