認真推介小弟幾中意嘅作品--不論動畫定漫畫

我就黎睇完第一季 睇到因為男主個觸身球間接輸左 入唔到甲子園
唔知點解果刻好down就唔想繼續睇

最近係信和見到「人面」漫畫 見到D樣都覺得幾恐怖
但又有D好奇好唔好睇

我個人就咁睇啦 一向都係外行睇就有趣 內行睇就當笑話
可能真正打功夫果D 真係識制空圈 消力 八卦拳
睇完漫畫動畫都覺得誇張

作為一個識少少劍道嘅人覺得黑鐵好鳩

劍道漫畫咁耐以嚟淨係睇過634

推介一套大陸漫,畫風劇情都係一流,同真實歷史人物交叉

可以話係中國版既浪客行

唔誇張搵鬼睇咩…

只要唔好誇張到脫離常理就得。
【軍雞】就係同一作品有晒兩個極端既最佳例子…
(氣功嗰段我到底睇緊乜L野… )

話說睇緊奇諾之旅
今晚推介

八雲小姐想要餵食

雖然係一套美食漫,但係一路都餵緊觀眾食狗糧
喪夫太太VS中學生

八雲小姐想要餵食

雖然係一套美食漫,但係一路都餵緊觀眾食狗糧
喪夫太太VS中學生

而套正呀
一路想睇男主幾時出擊 而家都仲傻下傻下咁 （反而顯得八雲好主動

其實閃光彈式漫畫點解會叫狗糧漫畫呢？

呢個名有無出處架？

八雲小姐想要餵食

雖然係一套美食漫,但係一路都餵緊觀眾食狗糧
喪夫太太VS中學生

其實閃光彈式漫畫點解會叫狗糧漫畫呢？

呢個名有無出處架？

出處應該係大陸
吃狗粮是网络上的用语，狗=单身狗。在单身狗面前秀恩爱=虐狗。狗被虐了只能默默吃一口狗粮=被喂狗粮
单身人士自称单身狗。
看到别人秀恩爱就是吃狗粮。
直接copy簡體字算

原來有 d 咁既典故…謝謝！

我打極狗糧都係出寵物用品，
激死我。

樓主會唔會推介野良神？
依套我個人覺得真心好正 正
求推介

都得嘅...
但係女主個初吻

唉，so sad

作為一個識少少劍道嘅人覺得黑鐵好鳩

我個人就咁睇啦 一向都係外行睇就有趣 內行睇就當笑話
可能真正打功夫果D 真係識制空圈 消力 八卦拳
睇完漫畫動畫都覺得誇張

唔誇張搵鬼睇咩…

只要唔好誇張到脫離常理就得。
【軍雞】就係同一作品有晒兩個極端既最佳例子…
(氣功嗰段我到底睇緊乜L野… )

其實啲招式唔誇張 係喺接受範圍內 高中生奇招百出我都算 畢竟係漫畫

但係一本會唔會太易攞到

lm

lm

第七十六套 - 奇諾之旅 (寓言性質具多)(本作品兩次動畫化，一次就2003年，一次就2017年)


未睇過嘅人，我強力推薦比大家睇
我亦會選本作品為「最具教育意義作品」
我中意而個作品，因為好多事佢唔會畫出腸
所以多左好多空間比你去諗、思考
咩原因導致咁嘅地步，面對咁嘅情況主角又會作出咩決定
而主角嘅決定，我個人認為已經係最好嘅解決方法

「故事講述主角-奇諾係一個旅行家，佢會去唔同嘅國家體驗唔同嘅風情，但佢定左一個規矩比自己，就係唔會留多過3日。過左3日佢就會離開。」

本作品係以主角經歷不同國家，所發展出黎嘅故事。而我只係睇左2017版，所以我就係2017版本度抽一個我覺得幾有討論價值嘅國家黎講。
係未寫而篇之前，我係打算講「船之國」，但打打下我決定改變主意，想講下「電波之國」

話說本作品係走雙主角路線，奇諾跟另一個流浪王子西茲，而「電波之國」嘅主角係西茲。
「當時西茲到左果個國家突然遇到一個發癲嘅人，佢鋸甩左一個女人嘅頭出黎，西茲立即將佢制服左。當政府感謝佢時，提及點處理個發癲嘅人，就只係送佢去精神病院而唔作出任何懲罰。西茲問點解，政府人員就娓娓道來，指係幾百年前佢地嘅祖先仲係奴隸果陣，就被人裝左D機械裝置係個腦度，一單接受左電波就控制唔到自己。去到佢地而個年代，D人會做壞事都係有人係發射站放D壞電波控制佢地，所以做壞事嘅人自己都唔想。
西茲當然唔相信電波之說，但佢都主動提出由佢自己破壞發射站(當地居民怕愈接近發射站就會愈容易受影響，所以一直都唔敢接近)，後來西茲一到發射站，就已經見到發射站變成廢墟，佢仲影低左做證據比政府班人睇。
但政府班人完全唔相信而件事，只信因為電波影響，D人先會做出喪盡天良嘅事。就將矛頭指向西茲，指佢已經受電波影響，想混淆視聽。
西茲對於固執嘅政府別無他法，就只好離開而個國家...」

「電波之國」就告一段落。
唔知大家睇完而個故事有D咩感想。
我自己個人黎講就係「人唔敢面對醜惡嘅事情」，就只好將佢推卸到其他地方，好讓自己安心。
當然而種「人之初，性本善」嘅理念唔可以話係錯
但有時事實放在眼前時，我認為要放寬接受
而唔係因為自己接受唔到而拒絕事實，反指事實係虛構
係咁嘅時候當然要抽下政府水
係咁多學生自殺嘅情況下，都仲唔檢討下會唔會教育制度下出錯
反指係唔係學生無做咩「生涯規劃」，根本就荒謬
又係一堆活係自己世界嘅人
唔講咁多而類野

唔同人睇同一個故事，有唔同嘅思考，我諗都係本作品最大嘅特色，有寓言得黎悶場都唔多
甚至有一種好想繼續睇下仲有咩奇奇怪怪嘅國家
有咩價值觀係值得學習
(好似殺人之國咁)
希望係咁多個小篇章入面，有一個係可以啟蒙到你地
睇完已經令我急不及待想買書睇
D歌都唔錯

op:
https://www.youtube.com/watch?v=qhTxikHdMk8
ed:
https://www.youtube.com/watch?v=AYTXrWWnzgk
動畫link(禁dm 密碼打番集數就ok e.g.第一集密碼就係01，以此類推):
http://myself-bbs.com/forum.php?mod=viewthread&tid=43167&extra=&highlight=%E5%A5%87&page=2

我怕我介紹得唔好
你會失望 比D時間我重溫一次先
因為在我角度黎講 而套嘅軸心有D飄忽
神明嘅戀愛喜劇又唔多係
打鬥又唔多係
乜都有少少，反而導致有少少唔咸唔淡
(恕我有少少貶低呢套作品 )
所以要比D時間我諗下點推介先
但畏沙門果part就幾好睇 就我個人黎講我幾中意

冇所謂呀，慢慢啦
支持

三年級生
btw你不如諗下點解川上前輩有3個機會但係連一個出局都拎唔到好過

推介一下天地明察, 已完結, 歷史人物故事, 先有小說後有漫畫及真人電影, 對男主關於理想, 真理既渴求及堅持好感動