認真推介小弟幾中意嘅作品--不論動畫定漫畫

第三十五套 - 境界觸發者 world trigger (聽講之前jump大作黎 動畫得73集/漫畫有百幾集 因為作者病左所以暫時休左刊 )



而套野真係好鬼慢熱，但你捱過前期，你就一定會中意
「故事大約係講日本中間冇啦啦多左一度「異世界之門」，咁莫名其妙有D外星生物係果度出黎。為左防止而堆外星生物入侵，就設立左「border」而個部門，就係負責擊退而堆野。
四眼仔(你可以當佢係男主)佢就係border入面係C級隊員(最廢果種)黎，有一次外星生物入侵果陣，本來會被怪物殺死，但突然被神秘轉校生(白毛矮仔)救左，原來白毛矮仔都係異世界黎，但係佢目的唔係想入侵地球，所以佢救左眼鏡仔。因為而件事，四眼仔為左令白毛矮仔唔暴露身份，佢向上頭表示自己係擊殺外星生物嘅人。從而被升上B級隊員...
主線來了! 就係四眼仔個家庭教師(你當叫X啦)因為貪玩，去左異世界之門附近，後來失左蹤。而X個妹(冬菇女主)就好擔心，就好想抽搵番個阿哥，原來冬菇女主佢體內擁有好強嘅能量(換做火影黎講，就係好多查克拉)，所以佢就自薦加入border。
而border有一個任務就係會定期派偵查隊入去異世界，但只限A級隊員/小隊，再加幾個B級高ranking隊員。
所以眼鏡仔就邀請左冬菇女主同白毛矮仔組成一個party，以A級小組為目標，一齊搵番+救番X出黎
然而因為眼鏡仔實力差距太大，所以一直都進行特訓(你會慢慢望住佢變強，然而去到最新一集漫畫都係好廢...可能係史上最廢男主....)」

介紹住咁多先，因為個故事真係好慢熱，睇左頭十集都未必知佢想做乜。但係愈黎愈好睇係真
而令我最中意係佢D武器系統
佢先分左三種職業(槍手、近戰、狙擊手)
而每個職業再有唔同武器選擇

槍手可以帶「小行星」(散彈但低傷)
「毒蛇」(能夠自由設定飛行彈道的變化彈)
「獵犬」(自動追蹤目標的誘導彈)
而好睇在可以合埋D道具佢，e.g.「小行星」合「小行星」、「美特拉」合「獵犬」，你諗到就可以合

狙擊手就有三種槍可以選擇
「白鷺」(重視射程距離，威力一般)
「閃電」(彈速快而且重量輕，方便行動，但傷害低)
「朱䴉」(彈速慢、重、但威力極大)

最後到近戰
「弧月」(有一定重量，形狀和長度無法改變，但攻擊力與耐久力有著高度的平衡)
「蠍子」(伸縮自如，重量近乎零。耐久力不強，處於招架的時候容易被折斷，不利於守勢。優點在於可以任意變行，從身體的任何部位伸展出來攻擊)
「光魂」(重視防禦·重裝型。防守型觸發，刀刃可以自由變形，也有「盾模式」，攻擊力下降同時耐久力變強。)

除左選擇武器，仲有有D配件可以選擇
「變色龍」(將自身身影融入背景之中，缺點是啟動時無法使用其他武器/配件。)
「蓑衣蟲」(形狀是一件斗篷，能不被雷達偵測到，與變色龍相比雖然無法隱藏身形，使用時需要消耗能量)
「星印標示器」(能夠在子彈命中位置留下記號，對隱密作戰有效。)
仲有好多配件，唔講咁多了

而佢地只可以選擇一件武器+配件去戰鬥
而升ranking嘅方法就只有打小組戰，border會定期舉行小組戰，從而決定邊D人係A組，邊D人趺番落B組。
因此男主只能加強自己實力，努力打拚，向A組進發...

曬左咁多口水講，都係想你地睇啫
(男主廢就緊架啦，但睇佢廢得黎，有時食腦都幾過癮)
中意戰術、慢熱戰鬥劇本嘅，而套真係要睇

唔知算唔算好聽嘅op1
https://www.youtube.com/watch?v=mQHqUm_yN0w
我覺得幾好聽嘅op3
https://www.youtube.com/watch?v=FiDbeHOrCUY
各種打鬥
https://www.youtube.com/watch?v=DhifFnm04p4
動畫link
http://8maple.ru/90476/

好睇，但休左刊好耐

噬謊者冇人提
劇情極度緊湊，由頭去到而家個故事都一路連住去

鬥智又好睇，打鬥又霸氣，角色性格描寫都好好，有時啲畫面構圖有意境

唔明點解好似冇乜人氣咁，少人講

樓主睇舊番多?有無多D新番既推介
因為太多都係等到完一次過睇
無左估劇情同討論會失色不少
近一年睇左又覺得唔錯既:
維度戰記W 灰與幻想的格林姆迦爾 只有我不存在的城市 亞人 奇幻自衛隊
青春波紋 JOKER GAME 靈能百分百 黑色殘骸 FLIP FLAPPERS 漂流武士
幼女戰記 ID-0 巴哈姆特之怒 騎士魔法
上季果D都download左未開始睇...

樓主睇舊番多?有無多D新番既推介
因為太多都係等到完一次過睇
無左估劇情同討論會失色不少
近一年睇左又覺得唔錯既:
維度戰記W 灰與幻想的格林姆迦爾 只有我不存在的城市 亞人 奇幻自衛隊
青春波紋 JOKER GAME 靈能百分百 黑色殘骸 FLIP FLAPPERS 漂流武士
幼女戰記 ID-0 巴哈姆特之怒 騎士魔法
上季果D都download左未開始睇...

其實...我係睇新番多D
但我覺得新番都係較容易自己搵到/睇
而舊番真係無人推介就會沉
所以先會推舊番多少少
當然你想我推介新番都ok的
咁黎緊十套就推介新番啦

第一神拳究竟係太舊？定係唔受歡迎
好似好少周邊商品
想買d野留念都唔得

始終咁耐先出一季動畫...
真係冇乜商業價值
幕之內同宮田嘅hehe 連腐女都睇唔上眼
點會出goods

噬謊者冇人提
劇情極度緊湊，由頭去到而家個故事都一路連住去

鬥智又好睇，打鬥又霸氣，角色性格描寫都好好，有時啲畫面構圖有意境

唔明點解好似冇乜人氣咁，少人講

你唔講我都無睇，一陣補番左佢

沖繩奴隸島

點少得女裝山脈...

第三十五套 - 境界觸發者 world trigger (聽講之前jump大作黎 動畫得73集/漫畫有百幾集 因為作者病左所以暫時休左刊 )



而套野真係好鬼慢熱，但你捱過前期，你就一定會中意
「故事大約係講日本中間冇啦啦多左一度「異世界之門」，咁莫名其妙有D外星生物係果度出黎。為左防止而堆外星生物入侵，就設立左「border」而個部門，就係負責擊退而堆野。
四眼仔(你可以當佢係男主)佢就係border入面係C級隊員(最廢果種)黎，有一次外星生物入侵果陣，本來會被怪物殺死，但突然被神秘轉校生(白毛矮仔)救左，原來白毛矮仔都係異世界黎，但係佢目的唔係想入侵地球，所以佢救左眼鏡仔。因為而件事，四眼仔為左令白毛矮仔唔暴露身份，佢向上頭表示自己係擊殺外星生物嘅人。從而被升上B級隊員...
主線來了! 就係四眼仔個家庭教師(你當叫X啦)因為貪玩，去左異世界之門附近，後來失左蹤。而X個妹(冬菇女主)就好擔心，就好想抽搵番個阿哥，原來冬菇女主佢體內擁有好強嘅能量(換做火影黎講，就係好多查克拉)，所以佢就自薦加入border。
而border有一個任務就係會定期派偵查隊入去異世界，但只限A級隊員/小隊，再加幾個B級高ranking隊員。
所以眼鏡仔就邀請左冬菇女主同白毛矮仔組成一個party，以A級小組為目標，一齊搵番+救番X出黎
然而因為眼鏡仔實力差距太大，所以一直都進行特訓(你會慢慢望住佢變強，然而去到最新一集漫畫都係好廢...可能係史上最廢男主....)」

介紹住咁多先，因為個故事真係好慢熱，睇左頭十集都未必知佢想做乜。但係愈黎愈好睇係真
而令我最中意係佢D武器系統
佢先分左三種職業(槍手、近戰、狙擊手)
而每個職業再有唔同武器選擇

槍手可以帶「小行星」(散彈但低傷)
「毒蛇」(能夠自由設定飛行彈道的變化彈)
「獵犬」(自動追蹤目標的誘導彈)
而好睇在可以合埋D道具佢，e.g.「小行星」合「小行星」、「美特拉」合「獵犬」，你諗到就可以合

狙擊手就有三種槍可以選擇
「白鷺」(重視射程距離，威力一般)
「閃電」(彈速快而且重量輕，方便行動，但傷害低)
「朱䴉」(彈速慢、重、但威力極大)

最後到近戰
「弧月」(有一定重量，形狀和長度無法改變，但攻擊力與耐久力有著高度的平衡)
「蠍子」(伸縮自如，重量近乎零。耐久力不強，處於招架的時候容易被折斷，不利於守勢。優點在於可以任意變行，從身體的任何部位伸展出來攻擊)
「光魂」(重視防禦·重裝型。防守型觸發，刀刃可以自由變形，也有「盾模式」，攻擊力下降同時耐久力變強。)

除左選擇武器，仲有有D配件可以選擇
「變色龍」(將自身身影融入背景之中，缺點是啟動時無法使用其他武器/配件。)
「蓑衣蟲」(形狀是一件斗篷，能不被雷達偵測到，與變色龍相比雖然無法隱藏身形，使用時需要消耗能量)
「星印標示器」(能夠在子彈命中位置留下記號，對隱密作戰有效。)
仲有好多配件，唔講咁多了

而佢地只可以選擇一件武器+配件去戰鬥
而升ranking嘅方法就只有打小組戰，border會定期舉行小組戰，從而決定邊D人係A組，邊D人趺番落B組。
因此男主只能加強自己實力，努力打拚，向A組進發...

曬左咁多口水講，都係想你地睇啫
(男主廢就緊架啦，但睇佢廢得黎，有時食腦都幾過癮)
中意戰術、慢熱戰鬥劇本嘅，而套真係要睇

唔知算唔算好聽嘅op1
https://www.youtube.com/watch?v=mQHqUm_yN0w
我覺得幾好聽嘅op3
https://www.youtube.com/watch?v=FiDbeHOrCUY
各種打鬥
https://www.youtube.com/watch?v=DhifFnm04p4
動畫link
http://8maple.ru/90476/

好睇，但休左刊好耐

一開頭真心覺得悶
但我捱過左 直到多人圍風刃迅
先開始覺得好睇

第三十六套 - Occultic;Nine (超自然九人組/輕小說/動畫/game)(我只係睇左動畫有12集)(要自己去推理嘅偽科學)


想當年睇而套，真心覺得自己已經被劇情吸引住
可惜中途有D偽科學令我有D一頭無緒
但都唔緊要! 動畫就係要天馬行空先好睇 (好似係)
然而結局都未如我所料
所以我都決定推介比大家睇
(其實我一路睇，一路諗九人組係邊九個，最後發現...我都係放棄數邊九個)

「故事大約講男主係一個超自然現象嘅網主，因為男主對超自然現象極其喜歡，後來於網上認識左一個女仔，佢係占卜師黎(真)。為左邀請占卜師加入自己團隊，佢就決定先去採訪係超自然界好有研究嘅博士。可惜一到步，博士已經死左。更莫名其妙地，博士身旁有一部古老嘅「收音機」突然自動出聲，命令男主從博士(屍體)嘅口中，拔出假金牙。慌張嘅男主從「收音機」得知如果唔拔出金牙，將會有事發現。所以用力一拔就逃走。
原來!拔出黎嘅假牙係一條鎖匙，其後不論警方/超自然界都開始對男主進行追捕...
而逃跑嘅男主慢慢發現事情原來比自己想像中複雜...」

背後嘅故事其實幾好睇，而每個人設基本上都係無浪費
一個大波到怪嘅女主(?)
一個占卜師
一個讀書仔
一個記者
加其實無乜特別能力嘅男主
力戰一個組織
而兄控嘅咒術師就係我嘅最愛
而個故事好似分左幾條線咁，但冥冥中唔關係嘅人，所做嘅事就好容易連繫上黎
一D唔關痛癢嘅小玩意，原來係解決事件嘅main key

以12集黎講，我覺得就唔多夠
但以劇本黎講我個人就幾中意
中意偽科學/超自然現象/少少推理(?) 嘅人 可以去睇下

第三十六套 - Occultic;Nine (超自然九人組/輕小說/動畫/game)(我只係睇左動畫有12集)(要自己去推理嘅偽科學)


想當年睇而套，真心覺得自己已經被劇情吸引住
可惜中途有D偽科學令我有D一頭無緒
但都唔緊要! 動畫就係要天馬行空先好睇 (好似係)
然而結局都未如我所料
所以我都決定推介比大家睇
(其實我一路睇，一路諗九人組係邊九個，最後發現...我都係放棄數邊九個)

「故事大約講男主係一個超自然現象嘅網主，因為男主對超自然現象極其喜歡，後來於網上認識左一個女仔，佢係占卜師黎(真)。為左邀請占卜師加入自己團隊，佢就決定先去採訪係超自然界好有研究嘅博士。可惜一到步，博士已經死左。更莫名其妙地，博士身旁有一部古老嘅「收音機」突然自動出聲，命令男主從博士(屍體)嘅口中，拔出假金牙。慌張嘅男主從「收音機」得知如果唔拔出金牙，將會有事發現。所以用力一拔就逃走。
原來!拔出黎嘅假牙係一條鎖匙，其後不論警方/超自然界都開始對男主進行追捕...
而逃跑嘅男主慢慢發現事情原來比自己想像中複雜...」

背後嘅故事其實幾好睇，而每個人設基本上都係無浪費
一個大波到怪嘅女主(?)
一個占卜師
一個讀書仔
一個記者
加其實無乜特別能力嘅男主
力戰一個組織
而兄控嘅咒術師就係我嘅最愛
而個故事好似分左幾條線咁，但冥冥中唔關係嘅人，所做嘅事就好容易連繫上黎
一D唔關痛癢嘅小玩意，原來係解決事件嘅main key

以12集黎講，我覺得就唔多夠
但以劇本黎講我個人就幾中意
中意偽科學/超自然現象/少少推理(?) 嘅人 可以去睇下

補番動畫link:
http://myself-bbs.com/forum.php?mod=viewthread&tid=41529&highlight=Occultic%3BNine

我覺得op同ed其實都幾好聽
op:
https://www.youtube.com/watch?v=0WI33IX_gUI
ed:
https://www.youtube.com/watch?v=iQjwzaiMiNw
細心聽ed你會發現...最尾個eight好似無左 (實際係食左個音)
但之前幾有痴線佬指出無左eight嘅原因係有關256事件...2^8=256
而D就睇你點睇

其實...我係睇新番多D
但我覺得新番都係較容易自己搵到/睇
而舊番真係無人推介就會沉
所以先會推舊番多少少
當然你想我推介新番都ok的
咁黎緊十套就推介新番啦

十分感謝樓主花咁多心機貼圖貼link打字
期待你既推介。

老老實實你咁樣推薦法根本一啲都唔想睇 都俾你透晒

第三十七套 - 三月的獅子 (動畫/漫畫/真人電影)(動畫有兩季，第一季有22集，第二季做緊，預定都係22集)(利申:只係睇左動畫)


老老實實，未睇之前我有諗過，點解叫做「三月的獅子」
反來翻查一下，原來鑒於從6月開始的順位戰將在3月舉行決定昇降級的最終局 (wiki係咁講)
March comes in like a lion and goes out like a lamb
出自於英國一句天氣諺語
其實都唔重要，講番入番正題

「故事係講述男主桐山零，由於小時雙親連同細妹因車禍離世，而寄人籬下。後來被一位喜歡將棋嘅男人收養。因為想討好養父證明自己嘅存在價值，所以沉迷於將棋，但亦因將棋實力拔群，雖得到養父青睞，卻引來養父嘅親生子女嘅反感，甚至被養父嘅親生女(香子)打。
基於男主不想令到「家人」難受，所以決定高中後，以自己從大賽中嬴得嘅錢，搬出去住，開始左獨居同職業棋士嘅生活...」

因為男主大多沉默寡言，因有悲傷嘅童年
所以男主內心讀白特別多，亦較感性
一旦爆發，自己也會控制不住
當中細膩嘅情感，唔係人人都可以明白理解

當初只係為左討好養父嘅玩意，反而成為左男主嘅唯一
每當落敗，男主都會認為自己會再失去某D野而再次崩潰
經過內心不斷掙扎
從每次崩潰又再次振作
呢點可能就係令我欲罷不能嘅原因

中意「心思細膩、擁有悲慘童年」主角，不妨一看
p.s. 其實香子幾正 可惜係大叔控
op同ed我都幾中意

op1 (BUMP OF CHICKEN唱的) :
https://www.youtube.com/watch?v=R0ZqWjUi7Y8
ed (米津玄師):
https://www.youtube.com/watch?v=Wa8CLfdDFE0

動畫第一季link:
http://myself-bbs.com/thread-41526-1-1.html
動畫第二季link:
http://myself-bbs.com/thread-43215-1-1.html

第二十六套 - 烙印戰士 (動畫(暫時有兩季+劇場版/漫畫) (漫畫我冇睇，但係而套真係十分好睇，基本係令人最絕望嘅困局! 真心諗極都唔知點收尾)


血腥+人性+宗教+神魔鬼怪野+精靈+中世紀+復仇=烙印戰士
而家D後生仔一聽到黑色大劍，只係會諗起隔離中二廠咩「只要我拔出雙劍，所有人都要倒下」果個
而我認為真正嘅黑色大劍就只有凱茲(即是男主)!

「故事大約係講男主因某D事(唔劇透啦，自己睇劇場版有解釋)被刻上烙印，到左夜晚時間就會被暗黑之物襲擊，為嘅就係奪取佢嘅靈魂，所以佢慢慢都冇得訓，要同D死靈晚晚打架。而因中世紀之時，果D國王就信曬個教宗(其實佢係惡魔黎)，教宗經常以不夠誠心為理由，胡亂撕殺人民，又強收昂貴物品作貢品之用。而所有貴族出身嘅聖騎士都認為教宗所做之事都係正確。從而盲目跟隨教宗。男主為左解救人民，主動跟教宗對上...」 (透多少少，就係男主成功令一個聖騎士團長(女女黎)改邪歸正，真心覺得果part好正，仲要成為左同伴，雖然戰力好廢，但望住女騎士嘅信仰慢慢改變，真係好正) (成套野教宗都係小嘍囉...更強大的係後面)
(當然上面講嘅只係一小段，仲有好多事情(e.g.有個團體叫鷹之國，主要都係肅清異徒，團長知人善任，但竟然係男主係死對頭)但太多太多恩怨都難以解釋，仲之就係好睇!)
p.s.後期出現嘅法師妹妹真係好正，叔叔我就好中意

後來出現左一個party咁，有法師有盜賊有精靈有女騎士(?)，真係幾頂癮
但基於對手太強大，連身為讀者嘅我都感到迷茫
中意世界觀較大、熱血、神魔鬼怪野嘅你，真係唔可以錯過
補多首我幾中意嘅OST
https://www.youtube.com/watch?v=n6GrHnOLb-Y

第1季link
http://myself-bbs.com/forum.php?mod=viewthread&tid=41088&highlight=%E5%8A%8D%E9%A2%A8
第2季link
http://myself-bbs.com/forum.php?mod=viewthread&tid=42282&highlight=%E5%8A%8D%E9%A2%A8
劇場版就要自己搵了
(劇場版就係講番男主過去，點解會被刻上烙印，仲有同白毛基友有咩基情)

C嚕嘰

老老實實你咁樣推薦法根本一啲都唔想睇 都俾你透晒

其實都已經好努力唔劇透...但係有D位你唔透又真係好難去吸引人地去睇
唔通我去推介海賊王，就咁講
「有一個少年要去做海賊，想拎一個寶藏，就開始左佢嘅歷險...」

當然我都明白有D野透左就唔好睇，我都會盡力唔透曬，最好嘅地方會留白比你地自己睇...
多謝你意見先，如果你唔中意我而種推薦方式...
只好煩請咁禁個負評離開
始終我唔係咩專業...希望你可以諒解我
下篇嘗試下唔多透咁介紹(?)

其實...我係睇新番多D
但我覺得新番都係較容易自己搵到/睇
而舊番真係無人推介就會沉
所以先會推舊番多少少
當然你想我推介新番都ok的
咁黎緊十套就推介新番啦

十分感謝樓主花咁多心機貼圖貼link打字
期待你既推介。

多謝你支持先

留名支持
推介下蟲師， 少年犯之七人，GE good ending, Grandblue

留名
想睇樓主介紹多d 鬥智漫
不過估唔到樓主未睇噬謊者同one outs 快d 睇 真係好睇 有時甚至要睇幾次先咀嚼曬整個策略嘅構圖
但係見到你介紹3分之1 呢本我覺得冷門但係幾好睇嘅短篇作品好開心

有套舊嘅運動漫畫我想推薦樓主睇 唔知你有冇睇過
叫 我要高飛（好似另外有譯名叫奧運高手）
主角藤卷係一個連倒立都唔識做嘅初中生但係因為夢想係拎奧運金牌所以加入左自己學校但係就連參賽人數都係因為男主加入先夠嘅體操部 入部第二日就俾人的左去參賽

部入面就算唔講主角，其他配角就好似隊長同埋3傻同埋班對手都各有特色 亦都會係漫畫入面睇到佢地各自各嘅成長 而且因為原作者係奧運選手所以係漫畫都講得幾清楚d 體操動作係點做 所以唔會話睇唔明究竟班選手做緊咩

因為樓主個post睇多左好幾套漫

第一神拳追左好多年
係一套我最鐘意既漫畫
希望佢可以畫一世
我願意追一世

推介樓主睇魔王juvenile remix

留名支持
推介下蟲師， 少年犯之七人，GE good ending, Grandblue

你講果4套，唯獨蟲師無睇，睇黎又要準備潛修

留名
想睇樓主介紹多d 鬥智漫
不過估唔到樓主未睇噬謊者同one outs 快d 睇 真係好睇 有時甚至要睇幾次先咀嚼曬整個策略嘅構圖
但係見到你介紹3分之1 呢本我覺得冷門但係幾好睇嘅短篇作品好開心

有套舊嘅運動漫畫我想推薦樓主睇 唔知你有冇睇過
叫 我要高飛（好似另外有譯名叫奧運高手）
主角藤卷係一個連倒立都唔識做嘅初中生但係因為夢想係拎奧運金牌所以加入左自己學校但係就連參賽人數都係因為男主加入先夠嘅體操部 入部第二日就俾人的左去參賽

部入面就算唔講主角，其他配角就好似隊長同埋3傻同埋班對手都各有特色 亦都會係漫畫入面睇到佢地各自各嘅成長 而且因為原作者係奧運選手所以係漫畫都講得幾清楚d 體操動作係點做 所以唔會話睇唔明究竟班選手做緊咩

多謝你推介先，我琴日見到有人講噬謊者，都即刻睇左第一卷已經覺得好正
之後應該會睇你講果套「我要高飛」 但要排一排期先