認真推介小弟幾中意嘅作品--不論動畫定漫畫

男豬好sad

魂環真係好睇
中意睇d咁多牽涉唔同文化既setting既故仔
好由瑪雅 歐洲中世紀 戰國 埃及 到架空既未來 異世界
唔知仲有其他漫畫係咁呢

第四套 - 歡迎加入NHK (所謂脫毒神作)

N.H.K 正式譯名係日本放送協會
但本作嘅N.H.K.係指日本家裏蹲協會 (日本ひきこもり協会)
係不現實之中 又帶點寫實
男主22歲 大學未畢業 NEET
故事開始嘅設定，因為中學時期聽個學姐講「陰謀論」多，間接令佢升大學一年級果陣，突然害怕人群，於是日日宅於家中，唔番學、唔番工、靠老豆老母份生活費，一口氣捱左四年
日日幻想同d電器「傾計」
之後涉及到嘅劇情，全部都係現實有嘅事與物「ACG」、「online game」、「自殺協會」、「傳銷陷阱」、「社交困難」
然而，係「自殺」果part個人幾欣賞作者個思路，由男主胡里胡塗被拉入「自殺協會」，每個人都有一定嘅煩惱想自殺之時，其實作者並無否定「自殺」有咩壞處，甚至多次於本作寫男主或女主解決唔到問題時，就想去「自殺」
但偏偏每次自殺前，都會有事阻撓，導致自殺失敗
而那些事偏偏就係芝麻綠豆嘅事
說白了，只要有簡單嘅藉口，已經可以成為繼續生存嘅理由
-----------------------------------------------------------------------------------------------
當中有一段NEET嘅獨白都令我挺深刻
「今後該如何做，怎樣做才能好轉，其實心中都明白
自我啟發的書都已經讀了兩百多本，我都很清楚
甚至我想自己也能寫一本出來
但我怕，怕自己的生活方式被打亂，怕遇上意外
我知道這樣廢下去不是辨法，但我希望這樣廢下去，我不想登出，雖然知道可能性渺茫
但說不定哪天就會有一個驚喜，然後一切就水到渠成 」

道理其實邊一個都可以講，但可唔可以付諸實行，又係另一回事，因為自己一直都唔想離開自己一直安穩的圈子 久而久之 就算自己明白 但都會期望自己新一年無啦啦會有改變，然後所有事都平步青雲
雖說前後有點矛盾，既想有改變，亦不想被打亂，這就是人的心態。
-----------------------------------------------------------------------------------------------
最後想講嘅就係「陰謀」
貫穿整套作品嘅兩粒字
男主一直認為導致自己成為NEET 所有事都係一個陰謀
係N.H.K (日本家裏蹲協會) 陷害佢
換句話說，就係假想敵
亦係動畫中，男、女主最後用黎釋懷嘅方法
「我也希望世界上 是存在神的
如果有神的存在
所有不好的事 都可以怪罪於神的身上
畢竟就是他創造這個不好的世界
就算有神 他也是壞的」
女主如是說。

其實仲有好多訊息係而二十四集入面帶出黎，不能盡錄
住隔離嘅四眼仔，為左自己夢想，拋棄自己理應繼承嘅事業，去左修讀動漫學校。最後難逃命運，被迫回鄉繼承家業。開始初期對此感到厭惡，但後來發現被安排的將來，其實也不差，從而釋懷。

作畫: (5/10) 因為舊作畫所以我降為5分
劇情: (8/10) 平平日常之中，又帶點道理跟深度，只要多番思考，自然津津樂道
人設: (3/10) 男主太廢真心唔太好，可能太反映到自己，果3分比女神-女主
音樂: (2/10) 除左op咩印象都冇 但op係唔錯幾有feel
https://www.youtube.com/watch?v=hHs5AjAvFoA

咁都得? 大撚把新作畫仲廢過佢啦, 點止5分

屌你老母音樂兩分，識唔撚識聽歌架你
畫風3分？你睇開乜架

本人

樓主有冇類似思春期誘惑/扭曲的同居生活既推介

我覺得惡之華係咁上下類型 你可以睇下

魂環未完果陣睇過一話無睇落去
係呢個post令我番去睇

後悔點解依加先睇 真係好撚好睇


Btw推介一本 如果鐘意朋友遊戲果類fake黎fake去既作品可以睇

虛實少年空

多謝你推介先
我會mark底佢

樓主有冇睇過幻靈鎮魂曲？

無呀 你唔講都唔知有而套
多謝你推介先

第四套 - 歡迎加入NHK (所謂脫毒神作)

N.H.K 正式譯名係日本放送協會
但本作嘅N.H.K.係指日本家裏蹲協會 (日本ひきこもり協会)
係不現實之中 又帶點寫實
男主22歲 大學未畢業 NEET
故事開始嘅設定，因為中學時期聽個學姐講「陰謀論」多，間接令佢升大學一年級果陣，突然害怕人群，於是日日宅於家中，唔番學、唔番工、靠老豆老母份生活費，一口氣捱左四年
日日幻想同d電器「傾計」
之後涉及到嘅劇情，全部都係現實有嘅事與物「ACG」、「online game」、「自殺協會」、「傳銷陷阱」、「社交困難」
然而，係「自殺」果part個人幾欣賞作者個思路，由男主胡里胡塗被拉入「自殺協會」，每個人都有一定嘅煩惱想自殺之時，其實作者並無否定「自殺」有咩壞處，甚至多次於本作寫男主或女主解決唔到問題時，就想去「自殺」
但偏偏每次自殺前，都會有事阻撓，導致自殺失敗
而那些事偏偏就係芝麻綠豆嘅事
說白了，只要有簡單嘅藉口，已經可以成為繼續生存嘅理由
-----------------------------------------------------------------------------------------------
當中有一段NEET嘅獨白都令我挺深刻
「今後該如何做，怎樣做才能好轉，其實心中都明白
自我啟發的書都已經讀了兩百多本，我都很清楚
甚至我想自己也能寫一本出來
但我怕，怕自己的生活方式被打亂，怕遇上意外
我知道這樣廢下去不是辨法，但我希望這樣廢下去，我不想登出，雖然知道可能性渺茫
但說不定哪天就會有一個驚喜，然後一切就水到渠成 」

道理其實邊一個都可以講，但可唔可以付諸實行，又係另一回事，因為自己一直都唔想離開自己一直安穩的圈子 久而久之 就算自己明白 但都會期望自己新一年無啦啦會有改變，然後所有事都平步青雲
雖說前後有點矛盾，既想有改變，亦不想被打亂，這就是人的心態。
-----------------------------------------------------------------------------------------------
最後想講嘅就係「陰謀」
貫穿整套作品嘅兩粒字
男主一直認為導致自己成為NEET 所有事都係一個陰謀
係N.H.K (日本家裏蹲協會) 陷害佢
換句話說，就係假想敵
亦係動畫中，男、女主最後用黎釋懷嘅方法
「我也希望世界上 是存在神的
如果有神的存在
所有不好的事 都可以怪罪於神的身上
畢竟就是他創造這個不好的世界
就算有神 他也是壞的」
女主如是說。

其實仲有好多訊息係而二十四集入面帶出黎，不能盡錄
住隔離嘅四眼仔，為左自己夢想，拋棄自己理應繼承嘅事業，去左修讀動漫學校。最後難逃命運，被迫回鄉繼承家業。開始初期對此感到厭惡，但後來發現被安排的將來，其實也不差，從而釋懷。

作畫: (5/10) 因為舊作畫所以我降為5分
劇情: (8/10) 平平日常之中，又帶點道理跟深度，只要多番思考，自然津津樂道
人設: (3/10) 男主太廢真心唔太好，可能太反映到自己，果3分比女神-女主
音樂: (2/10) 除左op咩印象都冇 但op係唔錯幾有feel
https://www.youtube.com/watch?v=hHs5AjAvFoA

咁都得? 大撚把新作畫仲廢過佢啦, 點止5分

屌你老母音樂兩分，識唔撚識聽歌架你
畫風3分？你睇開乜架

又唔洗搵我老母呀
我承認當頭比畫風度係好手緊 導致次次都比人插識唔識比分 呢點我承認
但音樂方面 中意咪中意 唔中意咪唔中意
p.s 點為之識聽歌 留名學習
基於大家都覺得我打分差 我都取消左打分 畢竟打分係好個人
最後希望你禮貌少少 唔洗下下屌嘅

睇完魂環, 好糾結
好想睇埋扑野生仔
唔想就咁完

岩岩睇完惡之華 好好睇 浮戀都唔錯
希望可以推介多d依類型既

唔知百合漫算唔算少女漫
早排睇h漫果時無意中睇到篇我覺得唔錯既百合漫[二人間的無言]
明明未完既但係個個漫畫網個狀態都話完咗

響另外一個 post 見過既，唔知算唔算少女漫畫。

那是突然出现的、生命中的另一半
(AKA 命中注定他&她)

畫風核突到令人驚嘆既地步，但個人覺得算係幾好睇既。

[url][/url]

樓主好似唔得閒，霸個位推一套，順手推下 post 先。

講乜：
在未來的世界，每位少年少女的眼睛內都有「瞳（Iris）」的能力。「瞳」的能力是每人不同，因此每人均有若干不同的特殊能力。

但仍然有極少數人，沒有瞳能力，被稱為「非持有者（Iris Zero）」。從小就被欺負到大的「非持有者」水島透(就是主角啦)，為了不樹立敵人，秉持著「低視聽率」的座右銘，保持低調的生活。但是卻在某天突然接到校園美少女佐佐森小雪的請託。

忽然受到大家矚目的透，生活逐漸發生了變化。

特色：
畫得幾靚，幾個女主都好靚！

故事偏向冰果式解迷，
一樣係冷淡系男主角加上熱血爆燈女主角既群像劇。
不過同冰果唔一樣，唔需要太多推理 (唔係唔需要哦)。
因為推理部份會由「瞳（Iris）」代勞。
如果冰果太吃力，呢部可以輕鬆讀完。

另外就係呢套野請當佢爛尾，
因為作者病到入廠，復出無期。

睇黎你係中意有少少扭曲嘅戀愛劇
咁GE good ending 罪孽與快感
你都可以睇下

百合漫 我個人黎講其實唔多好
但我都會睇下
睇完同你講感覺如何

你而套好耐之前都有睇過
個類型有少少似「I少女」嘅感覺
我都幾中意

唔該曬你 最近年尾年頭的確有D野要處理
導致唔係成日都得閒更新
有時又要鑽下牛角尖推介D乜
真係唔該曬
我印象而套係未完的確有D可惜
但以男主無能力黎講 其實幾好睇

因為正常既戀愛漫睇得太多

第六十七套 - I少女 (寫就寫連載中 但對上更新係17年11月)(程式幫你溝女大法)(戀愛劇)


呢套漫畫有少少係解決唔同少年戀愛問題嘅萬事屋
但係手機嘅力量係有限 剩下都係要靠男主們嘅努力
先可以成功溝女
變相睇佢地如何運用手機程式溝女 都係一大樂事

「內容大約係用手機程式能力溝女」
點解我會打咁少，因為男主女主會隨住「任務完成」而更換人物
當然我最中意都係一開頭果對情侶
其實都算係純愛無乜ntr嘅...
希望大家可以享受下純愛
唔好成日睇咁多ntr
向ntr說不 說人妻說fuck

漫畫link:
http://tw.manhuagui.com/comic/12167/

如果大家有好作品可以跟樓主個格式POST應該可以更吸引人入坑..
我想講其實樓主真係好有心機..支持!

想要多D鬥智番!
三分之一，見面即戰鬥都好正

佢個web 版結局都幾突然

原來作者出左院，仲有復刊添！

不過好學唔學，學冨樫義博，出幾話又停一停。

話時話，佢單行本後面 d 假預告，超小型單元劇，
同埋自婊套漫畫真係笑到噴飯，
成日搵四眼仔出黎犧牲色相真係好好笑。

樓主應該比外星人捉走左，響未獲釋前又霸過位推多套先。

《笑園漫畫大王》



講乜：
該作品故事圍繞著在數位女高中生之間的日常與校園生活，
描述她們引起的笑話及生活趣事。沒有固定主角及題材的作品。

特色：
四格漫畫，輕輕鬆鬆就一話，完全係可以 hea 住睇既野。
雖然大部份都無絕對既連貫性，但係又可以駁住落。
唔賣白合，唔賣色情，只賣搞笑！
絕大部份唔係刻意做埋晒 d on9 野引你笑，
而係會心微笑嗰隻。

****************************
相信唔少老一輩既人都認識呢套野，
就算唔識，可能都聽過以下呢個人物 ...

佢叫春日 步，外號【大阪】(因為係大阪人)
2002 年日本最萌大賽（萌戰）亞軍

想知呢個咁"萌"既角色點樣賣萌，就要睇下呢本野啦。
****************************



題外話，呢套有動畫，不過 d 人既動作慢到訓著。
如果你失眠的話，睇幾話應該好快會有睡魔急 call。

魂環真係我睇過咁多漫畫入面覺得最正

比外星人捉左嘅我番黎啦
今晚更新