認真推介小弟幾中意嘅作品--不論動畫定漫畫

講緊係點解仲未有混吉人士(e.g. 我問點解未有高木同學)走入黎問點解未有…



好喜歡佢個結局，變態(?)漫畫少有滿滿既正能量。正能量再下一個應該係【聲之形】了。

巴打呢個post真係好正，要特登留名支持吓

另外，借個位推薦幾套冷門漫畫比大家睇吓

惑星奇航
見巴打推宇宙兄弟，即時就諗起呢套，個人覺得個作者嘅心理描寫好用心，非常寫實，同時推薦作者新作海盜戰記

響~成為小說家的方法
呢套最近先開始睇，女主角係天才型果種藝術家，佢怪脾氣怪行為令人印象深刻，好期待劇情發展

劍豪生死鬥
冇記錯好似都有出動畫，劇情暴力殘酷但淒美，對於武士道有另一種獨特嘅描寫，佢嘅其中一幕對決，勁到連富奸都特別喺hunter後記點名讚佢

無限之住人
呢套都有出動畫，但請一定要睇漫畫，主角係寫實系不死體質劍客，配個花瓶女主角復仇嘅故事，成套漫畫個結尾收得超好，另外漫畫作者沙村廣明嘅分鏡，功力可以用神級嚟形容，佢嘅所有漫畫都值得一看

不過我覺得好在係用ova 黎完而唔係畫多一季
感覺上多一季就會拖戲

認真軍雞點睇

我都係巴
不過少女漫畫風較吸引

最鍾意既有彼氏彼女的故事，晝行閃耀的流星

你果幾套都算係，第一套未搵到最尾幾話漢化，第二套未睇，第三套未完（唔知有冇完既一日 ）

近排睇翻tvb配音嘅玻璃面具，一睇不得了，神作

見到樓主咁辛苦推介，小弟又順手推介一套先

O/A 孿聲偶像

集數 : 7 (已完結)

講乜：
一個因為事務所倒閉而失業既偶像，
加上一個把聲一樣既無野撈諧星，
因為各種白痴到令人噴飯既理由，
因緣際會地一齊主持電台節目。

特色：
對白很有趣，屎尿屁大放送，
想輕輕鬆鬆唔用腦笑一餐既可以一看。
主角們都畫得幾可愛下。
仲有有時候作者會有 d 莫名其妙既堅持，
有 d 野係異常地畫得好真實，例如 CD900ST，Sorry PCM-M10，
H&K MP5K，Lockheed Martin F35 (咦？) 等 ...

聲之形我都好中意
由初頭好憎男主 到慢慢用同理心 代入男主
如果要贖罪 應該要點做
好明顯到最後男主並唔係需要別人原諒
而係自己能夠做到原諒自己
以漫畫黎講係幾正
所以我諗都唔諗就買左成套

但係電影版真係剪太多了，導致有少少刻意感動嘅感覺
所以都扣左唔少分
選歌方面聽第一次就真
聽多幾次就厭
電影版就真係不了

多謝你支持
你講果D漫畫我mark底佢先
多謝你推介

ova完係唔錯嘅 除左唔拖之外
簡而精先係重點

sorry呀無得睇呀
因為我冇睇過軍雞 你又點睇

估唔到bo
好少見巴打係中意少女漫畫
我睇下漫畫人有冇先

係唔係紅天女果套
果陣都幾中意睇
其實無記果陣播有幾套我都幾中意
其中一套就係孤星淚 果陣真係睇到喊

多謝你幫手
(其實而套我都冇睇過 變相你推介番比我
睇完再比感想你

動畫版可能因為時間關係，
要由頭到尾將七本壓縮到兩個鐘做得完，
我估大概係咁上下啦。

本來呢類動畫一般都係 fans 向 (望向某雙劍黑衣人)，
壓縮到無睇原作都叫做睇得明，
都唔算太差了，當然理解幾多就睇個人。
而且有京阿尼信心保證，唔睇故仔都可以睇畫面。

LM

第六十六套 - 古都物語 (分男女篇 最好就先男後女 會比較清晰)(已完漫畫)(戀愛小品)



對於而套野嘅評價
我會咁去形容
雖然有D老土
人與人之間 相遇係一種緣分
而能夠兩情相悅更係奇蹟嘅一瞬間
今次嘅男女主角 就因一個契機 而互相喜歡對方
事不宜辭講下大綱先
我會講左男篇先
「故事大約講述男主係一個頭腦挺好嘅人，但因為暗戀自己學姐，而跟左學姐一齊去「野雞大學」，一齊「上莊」虛渡日子。隨住時間一點一滴咁過，佢意識到其實學姐只係一直利用佢，慢慢對學姐產生「抗拒感」，就係果刻，因為一塊鏡，佢跟女主角相遇...
心態亦慢慢改變...」
女篇我就唔講了，因為女篇個人黎講算有少少ova 完整番個故事咁
睇埋就真係好完美好完整
當中男主有一句話令我好深刻
所以我都好中意而套

學姐問道
「點解你會中意佢」
男主輕描淡寫咁講
「因為佢可以無條件中意我，所以我就中意佢，就係咁簡單」

有時愛嘅野就係咁簡單，你唔係因為我身世家底而中意我，好自然我就會中意你
呢個愛嘅道理往往好多人都物質化左
總係以為禮物愈貴愈好 代表愛愈深
其實對方可能只需要一句說話 一句無言嘅擁抱/接吻
已經心滿意足

(雖然我都明白點做好一個男朋友，可惜我都係無女朋友
希望來年會有個啦

漫畫link:
(男)
http://www.cartoonmad.com/comic/4560.html
(女)
http://tw.manhuagui.com/comic/16708/

第六十七套 - 思春期bitter change (交換身體系列)(唔知點解停左更新好耐嘅漫畫)(其實幾好睇)(某程度上嘅戀愛漫?!)


一開始無里頭得黎，慢慢好睇...
「故事講述男主女主係小學四年級時，個頭互相撞左一野，就交換左身體。初時大家都以為好快就變番，點知...
竟然上到高中都仲未變番，係而段時間就只好硬住頭皮扮演對方角色
漸漸佢地各自都遇上不少戀愛嘅煩惱...
他喜歡「她」，但「她」喜歡他
呢件事令佢地之間出現裂紋...
為左她，我願意埋藏自己」

未睇過嘅兄弟實覺得我玩野，乜鬼野「他」又乜鬼野「她」
有少少難解釋 但又唔想劇透
無計啦
有興趣就去睇下啦

漫畫link:
http://www.cartoonmad.com/comic/3577.html

樓主有冇類似思春期誘惑/扭曲的同居生活既推介

睇完依兩套，抑鬱左成個月

魂環未完果陣睇過一話無睇落去
係呢個post令我番去睇

後悔點解依加先睇 真係好撚好睇


Btw推介一本 如果鐘意朋友遊戲果類fake黎fake去既作品可以睇

虛實少年空

樓主有冇睇過幻靈鎮魂曲？

Phantom好睇