認真推介小弟幾中意嘅作品--不論動畫定漫畫

第六十四套 - 7o3x猜謎王 (動畫12集)(漫畫)(女主個配音雖然唔好/但都唔影響劇情)(某程度嘅知識競技)(個名都叫猜謎王唔洗分類啦)

其實原名叫做「ナナマル サンバツ」實際為「7○3×」
咩係「7○3×」
就係猜謎大賽嘅規則
我無記錯的話就係鬥快岩7題 或者錯3題就出局
所以先有「7○3×」嘅標題
當然大賽規則唔只得一種
除左搶答外 仲有資料題咁
例如問「五臟六腑」要列舉曬出黎
答岩一個得一分，答左錯就倒扣番分
中意豆知識/想測試下，不妨一路睇一路諗下答案
都幾有趣

「故事大約係講男主係一個書蟲，擁有大量書本外嘅知識。被「猜謎研究會」會長發掘並邀請入會。雖然男主知識量係足夠，但基於問答大賽都係以搶答為前提，男主就只好慢慢努力背題跟留意「讀題員」口氣判斷問題，從而邁向學界冠軍...」

競技野都不外乎有勁敵、點樣修行之類
但我覺得好睇在有時需要男主秒速推理答案
係非常好睇
所以我都好推介大家睇而套
即管女主個配音有D差
但佢個劇本都唔算差 彌補番而個缺憾

其實op同ed都唔錯
op:
https://www.youtube.com/watch?v=tj07uMQHrtI
ed:
https://www.youtube.com/watch?v=SSmG9pSIcAk
動畫link(禁雲端就ok):
http://myself-bbs.com/thread-42704-1-1.html

第六十二套 - Rin (已完漫畫)(努力?靈異?現實? 無法定義此作品)(被女主吸引而睇的)


因為入面有太多元素，真係無法定義作品
雖然過左十幾話，我都唔知佢主題
但一直被佢神秘嘅引力吸引住
希望大家可以睇睇

「故事講述男主想成為一個漫畫家，但自己一直冇乜好靈感。曾經拎過自己D作品投稿，卻被偏到一文不值。直至相遇女主，女主每次同佢見面後，佢訓教果時發嘅夢，都令佢有一種好熟悉嘅感覺。慢慢成為左佢嘅靈感。
而女主設定為有某種靈感，可以睇同聽到常人無法得知嘅事，例如與死者交談。因為而個能力都導致佢成日病。
係女主「幫助」下，男主慢慢開始成型...」

不能評價此作品，可以對於我黎講係最高稱讚
佢不同於其他漫畫好多時要「畫公仔畫出腸」
可能佢有少少涉及到男主前三生三世，所以會用一種朦朧嘅方式咁寫
但而點都勾起我對男主過去前世嘅興趣
除左女主外，更加有占卜師為主角「開路」
當中對白更引人入勝
同時佢引入多個有特色嘅人物幫手推進劇情
每個人都各有性格 令作品更昇華
唔多講了 希望大家會去睇睇
漫畫link:
http://www.comicbus.com/12073.html

呢套腰斬真係唔知點
畫風咁好 故事好明顯都有心鋪 無端端完左真係毀左成套野
不過都怪作者自己太大貪 鋪得太慢

講開腰斬，著名腰斬王 (今次我都係講清楚係葉恭弘 )既 Mx0 我估又係差唔多。

o岩o岩開始黎料就比人斬，仲要斬得好撚核凸，個故仔真心覺得唔錯，如果可以再續就好。

今晚睇下呢套係咪一樣斬得咁核凸先。

魔法零蛋其實幾好睇
甚至係個人覺得係魔劣前身
只不過魔劣再加強斯巴達也能力
可惜魔法零蛋個尾真係
其實點解比人斬唔知點解

點解？當然係作者中左【唔賣肉就被斬】詛咒啊。可惜 MX0 賣肉賣得太遲，唔係應該會大賣 (當然係我老作的 )

幾喜歡佢對於主角既設定。莫講話係主角威能，掉返轉係永遠一開始係處於劣勢，要靠各式各樣既取巧同體力搭救先搵到突破口，係幾有趣既劇情。

不過有傳話好多讀者不滿作者對於女主角以外既女配角照顧不足，搞到腰斬，呢個就唔知係唔係了。特別係連棵草既人氣都高過女主角。

夢入面做咩都得...
下一秒嘴落去

呢套睇左
套野有希望過烙印好多

赤紅動畫真係衰撚到極點

睇黑暗同絕望一定要介紹下地球防衛少年

LM

樓主有冇d 類似烙印勇士動畫推薦？

我諗你係指果D黑暗冒險類
咁斬!赤紅之瞳應該岩你
但要注意結尾
都唔到你決定

呢套睇左
套野有希望過烙印好多

赤紅動畫真係衰撚到極點

睇黑暗同絕望一定要介紹下地球防衛少年

同一時間推介【妖精的旋律】，都幾黑下。

同烙印似一定係大劍claymore,都好好睇

諗住追晒樓主講既所有動漫

睇左個post一排 不過無留言
動物台少有高質認真post
自己尼排開始返工又忙個人又迷惘
真係漫畫都無時間睇
樓主推介既好多都加左入list
想樓主推介多啲jump系/熱血/治癒感動

umm...我諗咁嘅情況
就好似番工番到好攰 乜都唔想諗
最好睇下D日常野就算
笑下就好
我諗「美好世界獻上祝福」、「日常」、全部百合番都岩你睇
用作治療、放鬆你疲倦嘅身體同心靈
(唔知點解 我自己本身唔中意睇百合番 但自從番左工 就開始中意睇幾個女仔玩黎玩去

如果真係身心俱疲，我反而唔推薦睇漫畫，請睇《相約星期二》。
字唔多，睇一個 chapter 都係 10-20 分鐘，讀起上黎唔吃力。

雖然我覺得呢本書有時太 Q&A / 工具書 feel，
但某程度上我覺得係人生上面一個指引黎既。

(雖然有 d 牛頭不搭馬咀，唔o岩聽當我發 up 風好了。)

唔緊要，其實我都係一個偽文青黎
主攻日本文學
漱石嘅作品我都幾中意睇「心」
太宰治都係「人間失格」「快跑吧!美樂斯」
當然唔少得偏輕小說嘅「西尾維新」(計唔計日本文學類 )

夏目漱石同好
三島由紀夫尼類我都幾鍾意
鍾意潮騷尼啲寫得有種舊日本鄉土風味
輕小說好少睇 真係有睇既已經要追溯到涼宮春日尼個年代
Btw 樓主遲下可以分享埋文學作品

鐘意文學作品可以睇下套『青之文學』，佢張d日本文學動畫化，入面有你哋提到嘅人間失格同快跑吧!美樂斯仲有咩地獄變個啲

多謝你支持

原來係咁
但其實魔法零蛋都已經唔算短 已經好過而家D漫畫
真係好鬼短

通常而D得米情節 我都鄧佢開心

多謝你支持先

妖精的旋律堅係正野
岡本倫最高鋒之作黎
其他果D 唔係話唔好睇 但都虎頭蛇尾
之前極黑的唔知乜春爛尾爛到hihi 而家果套平行天堂又成日開車
無眼睇

大劍我都冇睇 補完龍珠就睇

咁又唔洗 隨心睇到有咩你有興趣先睇啦
畢竟我係雜食派 唔係款款都岩你食
除非你好似我咁 咩都冇所謂

身為文學出身嘅我 當然有主攻呢類
利申:最中意夏目漱石嘅「心」

第六十五套 - 湯神君沒有朋友(未完漫畫)(其實偏好笑)


正如標題所說，男主係無朋友
但佢並唔寂寞 因為佢堅信住自己
佢又唔係阿垃垃圾君咁
雖然阿垃垃圾君堅持交朋友 係降低人類嘅強度
但隨住故事發展 除左有月火同火燐背後支持
仲有一大堆後宮默默加持 令佢打開心扉
但本作嘅男主堅信就只有自己
亦唔會受任何人影響 我行我素
而個故事就係講佢點享受自己一個人嘅校園故事

「故事第一身算係女主角，女主就係轉校生，因為轉校生關係令佢無朋友好苦惱。但佢發現左佢鄰桌嘅湯神君都係無朋友，所以佢就默默觀察湯神君究竟點解一個人都可以咁享受生活。隨之而來，雖然說不上是好感，但至少都成為左關注湯神君嘅人。
後來更跟湯神君扯上莫名其妙嘅關係... 」

想睇湯神君點樣享受
想睇女主點樣受難
就要睇而套了

漫畫link:
http://www.cartoonmad.com/comic/3540.html

推介兩套機人番,
フルメタル・パニック！(驚爆危機)
甘城輝煌樂園救世主作者 賀東招二成名作, 動畫暫時有三季, 第一同第三季主線為主, 第二季為輕鬆搞笑校園篇。

故事以幼年遭遇事故，因而響阿富汗長大嘅男主角---相良宗介為中心。佢做童兵嘅時候被救出, 隨後加入神秘組織Mithril, 以一個傭兵生份生活。主線講述宗介接到任務, 需要保護響不明原因底下被不同恐怖份子追捕嘅女高中生---千鳥要(女主角)。

睇得出作者放好多心機響世界觀同故事入面嘅軍事設定, 主線同輕鬆比例拿捏得好好。等左十幾年, 2018終於有第四季入主線終章, 個人認為非常值得一睇。



蒼穹のファフナー (蒼穹之戰神)
2004年原創機人番, 黑暗系作品, 平井久司作畫, 複製人軍團, 機設亦唔算大路, 就咁睇非常唔吸引。

故事講述地球南部有一個名為龍宮島嘅人工島嶼, 島上嘅人過住和平嘅日子, 幸福快樂。可惜神秘生物Festum突然出現攻擊龍宮島, 島上面嘅少年少女最終坐上機械兵器ファフナー(Farfner)保護家園。

故事初段有大量迷團, 咩係festum, 咩係龍宮島, 點解要年青人上戰場, 隨住劇情逐人解開, 非常引人入勝。

04年出完第一季, 05年出左前傳, 10年出左後續劇情版, 15年出左第二季, 第三季製作中。

推介兩套機人番,
フルメタル・パニック！(驚爆危機)
甘城輝煌樂園救世主作者 賀東招二成名作, 動畫暫時有三季, 第一同第三季主線為主, 第二季為輕鬆搞笑校園篇。

故事以幼年遭遇事故，因而響阿富汗長大嘅男主角---相良宗介為中心。佢做童兵嘅時候被救出, 隨後加入神秘組織Mithril, 以一個傭兵生份生活。主線講述宗介接到任務, 需要保護響不明原因底下被不同恐怖份子追捕嘅女高中生---千鳥要(女主角)。

睇得出作者放好多心機響世界觀同故事入面嘅軍事設定, 主線同輕鬆比例拿捏得好好。等左十幾年, 2018終於有第四季入主線終章, 個人認為非常值得一睇。



蒼穹のファフナー (蒼穹之戰神)
2004年原創機人番, 黑暗系作品, 平井久司作畫, 複製人軍團, 機設亦唔算大路, 就咁睇非常唔吸引。

故事講述地球南部有一個名為龍宮島嘅人工島嶼, 島上嘅人過住和平嘅日子, 幸福快樂。可惜神秘生物Festum突然出現攻擊龍宮島, 島上面嘅少年少女最終坐上機械兵器ファフナー(Farfner)保護家園。

故事初段有大量迷團, 咩係festum, 咩係龍宮島, 點解要年青人上戰場, 隨住劇情逐人解開, 非常引人入勝。

04年出完第一季, 05年出左前傳, 10年出左後續劇情版, 15年出左第二季, 第三季製作中。

FMP 我只睇校園搞笑短篇。唔係正傳有問題，而係短篇實在玩得太瘋狂太好笑了。

湯神其實好ky

有冇人有睇死神的最後一個願望（個名應該類似）都係比人腰斬 我到而家都仲係好想知同結局 有冇同好解答到