【氣象】（2017年10月上旬）一股東北季候風補充為本港帶來有雨天氣

有冇人可以解釋下？點解高空擾動呢個term剩係出現係冬天春天，夏天未聽過。通常天文台話，受高空擾動影響，雨勢頻密。仲有冬天未聽過副熱帶高壓脊，通常用高空反氣旋，兩者有冇分別?

因為夏天真係無咩高空擾動係廣東一帶 夏天係低壓槽西南氣流颱風落雨既世界
冬天既時候副高係太平洋中心 覆蓋華南既高空反氣旋好大機會係由冷高壓引致

有冇人可以解釋下？點解高空擾動呢個term剩係出現係冬天春天，夏天未聽過。通常天文台話，受高空擾動影響，雨勢頻密。仲有冬天未聽過副熱帶高壓脊，通常用高空反氣旋，兩者有冇分別?

夏天其實都有高空擾動 只係出現係北方
所謂高空擾動其實姐係西風糟
一到冬天就會南壓 亦因為咁而打擊副高 令副高縮返去東面

有冇人可以解釋下？點解高空擾動呢個term剩係出現係冬天春天，夏天未聽過。通常天文台話，受高空擾動影響，雨勢頻密。仲有冬天未聽過副熱帶高壓脊，通常用高空反氣旋，兩者有冇分別?

其實就算係(北半球既)冬天，香港都好少受高空反氣旋影響，原因係冬天太陽直射南半球，熱帶輻合帶同副高跟住太陽直射點南移，香港有唔少時間只係位處副高邊緣，或者深入西風帶

(呢張圖熱帶輻合帶 (ITCZ)未係最南，可以更南)
但地面明明係高氣壓影響，具體例子可以睇2017年2月8日


當日冷鋒橫過緊沿岸，一大個冷高壓由華北伸延到華南，但同時間既高空分析

見到副高縮到北緯10幾度，地面既高氣壓係由冷空氣囤積而成：因為冷空氣比暖空氣密度高，冷空氣比暖空氣傾向向下沉，因此近地面空氣往往向下沉而形成地面高氣壓；相反，原先控制住華南既相對較暖空氣被抬升，因此高空既氣流唔一定都係向下沉，導致「地面氣壓高，但高空唔一定受反氣旋影響」既情況

熱到仆街仲開緊冷氣

多謝各巴打詳細解釋