［連登讀經團契（三）］創世記｜舟有八口

Doin nth is the most dangerous thing you can do to yourself

Benjamins and power can’t save your ass just like what you guys have been witnessing for the past 5 years

I don’t know when and from the point of common sense, what’s next ?

Do you guys really think that the path that you are now in is the possible way out ?
If so , why do all the tactics not work at all

I’m 100% sure it won’t be just a comfortable passing ,can you guys take the damage caused by damn hot water ? If not , why would you plan to take the fire of hell?

Don’t lie to yourself , you guys are betting on the only thing that you can not mess up and you guys already knew the ending

Leave as soon as possible , Hitler can be saved if he wanted , this is conditional love and grace from God .

You guys can be all dead in an unpredictable moment to be honest, who knows?

To be burnt in the hell is the only thing that you guys should do anything necessary to avoid

好耐無入來，個post名係講方舟但幾乎無留言係討論方舟

個人認為不論咩教派都好，我估所有基督教派起碼都會承認舊約掛，不如大家回歸學術，發表下關於方舟既解讀，比我呢啲教外異邦人長下見識先

按我理解，大洪水基本上係上古人類既共同回憶，唔同文明既神話都有類似記載，屬於將歷史性大災難同本土神話結合既記載

我都想知傳統神學對方舟既故事有咩神學上既觀點同解釋

唔敢當 我邊識咁多嘢，好多資料都係問AI

係，以我嘅理解，美國建國時繼承咗英國嘅法律，係行一夫一妻制
部份州就複雜啲，例如猶他州係建國之後先喺墨西哥喥吞併嘅，所以係吞併後先套用美國法律
而Morrill Act就係吞併後聯邦用嚟override猶他州議會(由摩門所控制)嘅法案
不過就算係墨西哥(繼承西班牙法律)都係唔承認多妻嘅，所以無論點計，班摩門都係犯緊法

而Joseph Smith就簡單啲，佢一直都喺美國領土內、無去過猶他州嘅，所以都一定係犯法

聖經有證據嘅內容我咪舉過幾次例、聖經無得cross reference嘅嘢我都講咗無
你個啲證據就等同哈利波特有王十字車站就等於霍格華茲係真？
有以色列代表出埃及記係真？
即係出埃及記有證據定無證據呀？
仲有，所以結論Jericho Sword係鋼定唔係鋼呀？
你話摩西石板畀人任睇，證據喺邊？

舊約時期係可以嘅，去到新約之後就開始唔得
你完全無解釋過就咁拋一句出嚟，咁點解舊約可以呀？新約你引個啲都無話唔得。二人成為一體創世紀都有啦，咁點解舊約又得呀？你哋真係覺得新舊約就咩都唔使理，當係另一個神另一個宗教咁信㗎喎

師兄你唔係仲諗住合理化Joseph Smith
從來都無唔合理嘅地方點解要合理化？你未講到聖經邊到禁止喎 上面已經講咗創世紀已有嘅嘢，做咩摩西自己都多妻？
另外一個係有一夫一妻傳統嘅羅馬人保羅講嘅。而提摩太前書根本就唔係保羅寫
你仲未解釋到點解一時得一時唔得。
而你拎無神論者睇法係無意思 無神論者都覺得同性戀無問題，你呢？羅馬帝國都試過頒布Decian edict「要求所有居民 必須向羅馬眾神與皇帝像獻祭，並取得一張官方證明」。咁早期基督徒唔做，喺你眼中又係咩？又犯法又錯啦喎？人嘅律法同神嘅律法，邊個重要啲？

(btw 大家巴打之間勸你一句，現代女人好煩、一個已經好夠，真係唔好搞多妻)
巴打大家都信神之間勸你一句，聽神講，唔係因為你個人主觀覺得煩就唔做。傳道都好煩、返教會都好煩、做基督徒都好煩。勸你唔好用一句煩唔煩嚟斷定一樣嘢係唔係出於神

同一段嘢講"my people"都寫明唔包婦孺
呢個係你睇法 有睇開BoM嘅都知呢個只係佢哋嘅慣用手法去寫嘢，根本就唔係指單純男人咁解。
另外你又睇漏咗，每次你呢啲反駁我都有假設你啱嘅講法，但每次你都避咗佢。
「而已又無視我講，我當你啱，個比例高咗，咁出埃及記有更多人離開埃及添，但都係無證據。」

我引完一份完整嘅研究畀你睇，有晒reference、講晒唔同計法/問題、經文
你Jericho Sword個到咁跳脫法，我仲點會同你花心機。而且你講嘅podcast個學者係Bart D. Ehrman嚟，好出名嘅聖經學者嚟 你好似完全唔識人，但就拎住個風格discredit人 人哋做NRSV聖經翻譯，無人同意elep應該要你講咁翻譯。你最後想spin去唔係主流觀點，一係你搵一個聖經版本係將elep翻譯成家族嚟睇睇？
搞清楚，而家所有版本嘅聖經呢到都係翻譯做千，你動搖到呢個主流睇法係你要提供證據支持家族嘅翻譯先係啱。
（其實你單問我個人嘅話，我係覺得你嘅elep解釋無咩所謂，反正我唔會用證據去信或唔信古代紀錄，但我係用返你批評BoM嘅標準去睇返你嘅論點。咁你就唔該提出可以動搖主流睇法嘅證據出嚟）
而且你個計法我已經講出咗質疑，你自己試下睇民數記2章，成章都用elep等於家族咁翻譯，再自己計下唔計利未派嘅另外11個加起嚟，睇下得唔得出最後結論個數？
我就係睇完你篇嘢，假設你係啱，再自己計一次confirm咗錯


有條題到邪教cult嘅特徵，其中一項就係有一個主導、極權、不能被質疑嘅領袖
用返你邏輯咁睇下摩西、耶穌係唔係都一樣先。

摩西
民數記12章，摩西家姐質疑佢，長大麻瘋。

民數記16章，有人質疑摩西，最後成個家族被地吞沒同被燒死。

耶穌
馬太福音:12:30 不與我相合的，就是敵我的，不同我收聚的，就是分散的。
31 所以我告訴你們，人一切的罪，和褻瀆的話，都可得赦免，惟獨褻瀆聖靈，總不得赦免。
32 凡說話干犯人子的，還可得赦免，惟獨說話干犯聖靈的，今世來世總不得赦免。

當然三一神中，干犯人子（耶穌）就等於干犯聖靈，因為係同一位神嚟。

保羅
加拉太書:1:8 但無論是我們，是天上來的使者，若傳福音給你們，與我們所傳給你們的不同，他就應當被咒詛。

連更上來的使者都唔可以override自己。即係耶穌再來時，佢同你講新教係假，你都唔會信。保羅就係咁不可被質疑。

全部都中晒喎 結論，新教都係異端邪教嚟

歡迎藏巴，都係交流，同分享下。
雖然side-track左
你的提醒正好俾我地返返黎

傳統都認為洪水係全球性的，好多民族既神話入面都有相關既記載。傳統上，呢個係對全世界既大審判，一切推倒重來。

有傳統教會真係努力考古搵挪亞方舟遺骸去證明聖經但真。但我個人傾向，呢個都係神學敘事成份多。

傳統上認為幾個作者想帶出既point:
挪亞蒙恩，係因為佢順服上帝的品性，上帝叫佢做乜，去就會照做。

人的不義會招來上帝的審判，而神審判的大能亦都藉今次事件彰顯

比較難解讀係神的兒子指乜，猶太傳統話係天使（即係天使會與人混種），亦有人話係指塞特一族的後代。但無論點，上兩段既核心信息。應該算係主流解讀。

JS嘅多妻從來教無州登記 犯咩法？
仲未計大部份只係屬靈婚姻印證，無肉體關係。
根本個情況同鄧兆尊差唔多甚至更低，香港1970年已經廢除咗大清嘅一夫多妻。咁鄧生犯咗咩法呢？

而且仲未有人講到，早期基督教都犯法、但以理又犯法，咁犯法點呢？ 個討論應該係集中神有冇叫，而唔係人嘅法律

使徒行傳:4:19 彼得約翰說：聽從你們，不聽從神，這在神面前合理不合理，你們自己酌量吧。

使徒行傳:5:29 彼得和眾使徒回答說：順從神，不順從人，是應當的。

挪亞蒙恩，係因為佢順服上帝的品性，上帝叫佢做乜，去就會照做。

呢句一到約瑟就即時唔apply 雙重標準到呢

解釋創世記1-11章係有幾個唔同嘅進路

1: 全為史實

2. 原史（Protohistory），即係主要係歷史，部分卻係非事實，即係原史

3. 非歴史，作者藉圖畫同形象講故事

解釋第一、二章，喺福音派入面亦意見分歧，大概分為：字面、文學、類比、神學同古代宇宙學去解釋

我呢個「假弟兄假信徒」傾向認同John H. Walton嘅解釋，佢認為大洪水係有發生過，但係係「區域性」而唔係「全球性」

Surrender to the Lord, completely, you yourself. Everyone can talk, but you need to put Jesus's teaching into practice. When you really do so, you see the glory of God.

一入嚟見到某某人回覆，咁啱自己個回覆又有負皮，好難想像會無關係

It should be unconditional, not conditional

Be ready for what you deserve , I hope it comes very soon

藏巴平安！

你講得冇錯，我之前睇返黎既，全世界至少有幾百個民族都有對大洪水有各程度既集體記憶，詳細既就成個記載由頭寫到落尾，另一方面就算冇文字記錄，都可以係部落既儀式入面搵到。

洪水係好全面既審判。地上全面既敗壞，神就全面咁審判。個全面性，其實經文相當強調。「全部」呢個字，呢幾章係咁出現，幾十次都唔止。

而人類主角，就係義人挪亞，個個都跟人行惡，挪亞堅持與神同行，神點講，佢點做，佢就全家得救。

以下思考唔同既主題：

（1）地上全面既敗壞，一句入面表露無遺：

6:5上主看到人在地上的罪惡極多，人整天心裏思想盤算的一切，只有罪惡。

罪惡極多，有幾多，係多到全日所有時間，心入面思想盤算既所有野，得罪惡，冇其他野喇。時間上、思想上，冇一樣野唔係罪惡，而且唔係一個人，而係集體咁樣做。

6:11那地在神面前敗壞了，地上充滿暴力。12神看那地，看哪！它敗壞了，地上所有血肉之軀的行為都敗壞了。

地域上，充滿暴力，行為上，全部血肉之軀都敗壞。

呢個係好極端既情況，全地上、全人類、全時間、全思想，每一方面都邪惡到盡！

（2）面對罪惡，人係點睇呢？

6:4那些日子有巨人*出現在地上，後來也一樣；人的女兒跟神的兒子結合，並為他們生子。他們都是遠古的英雄、知名的人物。

「巨人」，另譯「墮落者」。係人眼中，越墮落越英雄，越墮落越出名：「我咁樣藐視神都冇事，睇下我幾威？」

的確，好多人buy 的。跟風亦都好容易。

（3）主角挪亞，聖經咁樣描述：

6:9這些是挪亞的世系：
挪亞是義人，在他的世代是完全人；挪亞與神同行。

挪亞呢個人，人睇落：唔埋堆，死固固。
神睇落：義人，做得啱，完全人，好過晒當代其他人，與神同行，思想行為都同神同步、一致。

呢D質素，現今世代好難搵，但係邊個咁做，就得救。神既恩典就係比呢類人。

（4）洪水洶湧

7:19大水在地上異常洶湧，天下所有高山都淹沒了。20大水洶湧，比山高出十五肘，羣山淹沒。

經文講到明，天下所有高山都被大水淹沒。
當神既審判黎到，係完全冇得走，如果唔接受神既拯救，就只有硬食，氣絕而亡。

絕對唔能夠存僥倖既心態，神睇得一清二楚，冇人可以偏行己路行惡而冇後果。

（5）潔淨與否之分

7:2各樣潔淨的牲畜，你要從中取七對，一雄配一雌*，而不潔淨的牲畜要從中取一對，一雄配一雌；3天上的鳥也取七對，一公配一母，好讓牠們的後代在全地存活。

洪水即將來臨，生死命懸一線，呢個時侯，神去講係咪「潔淨」。原來同神一齊，係要有分辨能力，有邊D事物、行為、思想、動機，係神睇落潔淨？

（6）創造既秩序

7:14他們和各樣的活物，各按類別；各樣的牲畜，各按類別；各樣爬行在地上的爬行動物，各按類別；各樣的鳥，各按類別，各樣有羽翼的飛禽；15所有的血肉之軀，凡裏面有生命氣息的，都成雙成對來到挪亞那裏進入方舟。

經文提及挪亞一家，以及各樣活物，各按類別，一對對咁入方舟。呢個係神創造既秩序，事實上，創世記1章就不斷強調「各按類別」，而呢幾類都係照住神起初創造果時咁去講。

即使洪水咁大件事，神仍然掌管萬有，一切井然有序。

（7）對滅亡者既諷刺

7:15 提到，凡係裏面有生命氣息既血之軀，都進入方舟。即係暗示緊，出面好威果班英雄，墮落又令到全地充滿暴力（音譯：哈馬斯）果班，係冇生命氣息既。

離棄神，識行識走都係冇生命。

7:18大水洶湧，在地上急劇上漲，方舟在水面上漂蕩。

呢度形容水「大」果個字，之前形容墮落果班「英雄」。人眼中好勁，勁得幾耐？

7:13就在這一天，挪亞進入方舟；挪亞的兒子閃、含、雅弗、挪亞的妻子，還有他的三個兒媳也與他們一起。

「閃」，就係「名」既意思，先前6:4形容墮落者「知名」就係呢個字。係神面前既義人挪亞，留名後世。至於另外人眼中好出名既，威得幾耐？


講住咁多先，經文實在太豐富。

I have God's presence. Immanuel. Because I desire it with all my heart and all my soul and all my strength. Do the same, and be saved from the evil.

但你都無咁做過，所以被擊打成痴線

我係正皮個個

然而你被神擊打，依然死不悔改

世界各地嘅洪水傳說係全部出自同一挪亞神話，定只係人類需要水源，所以會聚居喺氾濫平原同主要河道邊而自然會有洪水發生呀？
單係中國，公元前602年至1946年間，黃河決口泛濫1593次。

講到藐視神你真係代表作，你被擊打後都可以唔悔改，仲將神嘅擊打當做係邪靈

我都唔覺得挪亞方舟係史實，而係神話敍事，考慮到創世紀既記載太過遠古，以及故事最初來源可能係其他異教文明，例如吉爾伽美什史詩好似就有神明啟示人類建方舟既內容

有鑑於此，我覺得「神的兒子」未必適用於現代宗教既描述，而係單純上古神話將某啲大人物神化既結果，英雄史詩會將主角神格化，上古時代應該都會將大人物視為「半神」，例如蘇美既吉爾伽美什，希臘既阿基里斯之類。就算現代都會將某啲大成就既人叫「神」，「食神」史提芬周，「籃球之神」Jordan，「歌神」張學友……..

「神的兒子們看見人的女子美貌，就隨意挑選，娶來為妻。」

「那時候有偉人在地上，後來　神的兒子們和人的女子們交合生子；那就是上古英武有名的人。」

按呢種描述，我直覺認為「神的兒子」係果個年代既掌權者/英雄人物，所以見到靚女就可以「隨意挑選，娶來為妻」

跟住我鳩估佢地既後代又恃住祖宗「上古英武有名的人」既疪佑，作威作福壞事做盡之類，慢慢咁人類社會就禮樂崩壞，變得無人講道德了，就好似歷史上無數既王朝一樣

於是「耶和華見人在地上罪惡很大，終日所思想的盡都是惡」

條數耶和華幫我計，我掂你唔到而且唔郁得你唔等如你冇事

哦，咁即係你講咗啲咩廢話？
巴力450位先知：條數巴力幫我計，我掂唔到以利亞而且唔郁得以利亞唔等如以利亞無事

列王記上18章

藏巴既觀點好合常理，我相信聖經係神既話語，但神既話語唔一定係客觀歷史，而係可以借當時既人都聽過、聽得明既神話，表達佢既教導。

由上文下理睇，明顯「神的兒子們和人的女子們交合生子」係神所唔喜悅既事。

而明顯的是，無論我地點理解「神的兒子」，係天使又好，係神化左既權貴都好，佢地既地位都高於「人的兒子/女兒」，「神的兒子」娶左貌美既女子，即係似乎「人的兒子」冇得娶貌美的女子，我覺得其實可以引伸成地位高的剝削地位低的，最少也是不平等的。

咁或者可以引伸成地上的不公，神睇到，神唔喜悅，神會審判。

順帶一提，我覺得形容佢地「上古英武有名」，係作者對呢班人既譏諷，因為佢地在洪水後都消失晒。

哈利波特有王十字車站就等於霍格華茲係真
你哈利波特呢個點係啱嘅部份正確 =/= 全部正確
所以我之前咪話會唔會因為「可證實嘅嘢」而信「不/未可證實嘅嘢」係見人見智
當然我哋會用自己嘅角度去睇作者當時嘅背景同目的
例如三國志/三國演義都係寫同一段歷史，但我哋會因為作者目的唔同(記錄vs娛樂)而信一邊多啲
每個人對每本書嘅睇法都唔同，學你話齋有人會當聖經係神話咁睇、有人會當歷史咁睇 etc.

聖經會畀人咁多唔同感覺，一嚟係信仰認知唔同、二嚟聖經本身就係多作者、多目的
主流有分律法、歷史、詩歌、先知書、福音、普通書信、預言 (可能唔同名)
所以你攞一卷律法書(e.g.出埃及記)當歷史書咁抽秤無乜意思
正如啟示錄都唔會好似詩篇咁咁多寫作技巧、因為佢寫出嚟嘅目的都唔同


二人成為一體創世紀都有啦
啱 創世記開頭係一夫一妻制嘅(e.g.創世記開頭)
之後演變成多妻(聖經無話「可以」、但有好多記錄)，去到新約耶穌又講返「二人成為一體」


你完全無解釋過就咁拋一句出嚟，咁點解舊約可以呀
嗱，聖經就無講點解，我個人就會覺得係社會結構需要問題
啫係古人男人負責打仗、捕臘/漁等高危活動、造成男少女多
要喺男人少嘅情況維持出生率、人口增長一個男人就要生幾件、所以需要多妻
而呢個都只係少數有錢人可以做到嘅，平民大部份都係單妻
之後人類發展好咗、安全咗、男女比例平衡返，就變返一夫一妻 (如果唔係就好多單身狗)


你哋真係覺得新舊約就咩都唔使理
唔洗理我哋就唔法睇舊約啦
新舊約就好似contract咁，修定咗嘅條款就跟修定版、無修定嘅條款就睇原文，好簡單


從來都無唔合理嘅地方點解要合理化？你未講到聖經邊到禁止喎
Quote埋聖經畀你你都話我「未講到聖經邊到禁止」? 要我撕嗰頁出嚟highlight佢再寄比你?

公道講，合唔合理好主觀嘅，我就唔challange你嘅睇法
不過喺我嘅角度，一個宗教領娶幾十個老婆又唔太合理
歷史上就算上層精英多妻都係講緊幾個老婆，係皇帝級嘅人先會有10個以上
除咗想屌多啲閪之外你覺得Joseph Smith仲有咩原因要娶咁多個老婆?
同埋如果人人都係LDS、再每個男人都娶10個老婆嘅話，90%嘅男人就會係單身狗，你會點睇?


你仲未解釋到點解一時得一時唔得
上面講咗


無神論者都覺得同性戀無問題
我咪唔同意，無神論者睇法同信徒唔同係正常
但如果一樣嘢連無神論者都覺得唔啱嘅時候，身份信徒嘅我哋就更加要諗諗


聽神講，唔係因為你個人主觀覺得煩就唔做
咁神叫到煩都要做嘅.....不過你真係覺得神要你去娶幾十個女人? 定你自己想咋?


每次你呢啲反駁我都有假設你啱嘅講法，但每次你都避咗佢
咁出埃及記有更多人離開埃及添，但都係無證據
講講下摩門經做乜又返去出埃及記?
你假唔假設我出埃及記嘅解釋啱同摩門經寫乜有咩關係?


你Jericho Sword個到咁跳脫法，我仲點會同你花心機
Jericho Sword 我引咗兩篇學者嘅article畀你，你畀咗段Youtube我咋喎師兄
唔係我跳脫，係你自己唔記得自己問乜、將我嗰兩篇嘢當咗一篇咁睇啫

你講嘅podcast個學者係Bart D. Ehrman / 但就拎住個風格discredit人
我「認真」嗰喥咪話佢係學者，我無否認過佢嘅背景，McDowell/Kennedy都一樣
而且你睇返Ehrman嘅背景，佢係新約文本批判學嘅教授
佢最出名嘅研究都係新約為主，相反出埃及記、考古、歷史就唔係佢嘅專長
反而Titus Kennedy雖然無咁出名，但佢專攻嘅係聖經考古學
(下次話我「完全唔識」、「discredit人」之前麻煩做少少少少research先)

加上段片只係Bart Ehrman回應嘅Sean McDowell同Titus Kennedy嘅另一段片，連討論都唔係
完全support唔到你「全部踢爆晒」、「主流客觀事實」呢個結論


我係覺得你嘅elep解釋無咩所謂，反正我唔會用證據去信或唔信古代紀錄
嗱，首先，ELEP解法唔係我創嘅 我只係攞一個研究話你知傳統翻譯唔一定係唯一啫
二嚟我都話大家覺得邊款解法合理咪信邊個，還掂無人知當時嘅實數
同埋聖經重點係以色列人「做過乜」、唔係佢哋有幾多個


我係用返你批評BoM嘅標準去睇返你嘅論點。咁你就唔該提出可以動搖主流睇法嘅證據出嚟
繼上，你話Joseph Smith料事如神、翻譯準確我先同你Literally咁討論摩門經啫
如果你話乜嘢鋼、men、人數等等可能係翻譯問題，咁就唔洗討論
問題係你係唔係收返Joseph Smith翻譯一定準確呢樣嘢


民數記12章，摩西家姐質疑佢，長大麻瘋 / 民數記16章，有人質疑摩西，成個家族被燒死
主導/控制: 唔係，根據聖經記載，麻瘋、火都唔係摩西搞出嚟嘅，麻瘋仲係摩西幫米利暗求情
極權: 一半半，古時的確係無民主嘅，不過民數記11章記載有七十長老管理，權力唔太集中嘅
不能被質疑: 完全唔係，班以色列人成人都唔聽摩西話，走去拜其他神，激到摩西彈起

加上摩西有時都會發脾氣失控，神罰咗佢
可見摩西其實都無乜話事權，同邪教領袖差十萬九千里


耶穌
我哋信三位一體，所以Technically耶穌就係神


無論是我們，是天上來的使者，若傳福音給你們，與我們所傳給你們的不同，他就應當被咒詛
無錯，耶穌已經直接傳咗道畀我哋，唔再需要「使者」aka 代言人
所以我哋唔信「我們」(Joseph Smith、Muhammad) 或者「天上來的」(摩羅乃、加百列)

天上來的使者我嘅理解「天使」。都係嗰句，耶穌係神、唔係使者
所以如果係耶穌本體再來時override自己嘅話，理論上同保羅呢喥係無衝突嘅
其實好多唔合理嘅係因為你用三位三體嘅角度睇


全部都中晒喎 結論，新教都係異端邪教嚟
邪教: 上面解釋咗點解唔係我哋一般理解嘅邪教
異端: 睇你信咩，你信LDS、天主教咁新教咪定義上係異端，反之亦然


JS嘅多妻從來教無州登記 犯咩法？
本身呢樣嘢就係犯法，點登記? 至於佢犯乜就睇你點理解佢嘅行為

如果佢只係宗教上做下樣，咁咪係「通姦 (adultery)」(已婚人士，與配偶以外的人發生性關係)
如果佢企圖當婚姻咁娶，咁咪係「重婚(bigamy)」

現實Joseph Smith本人對外就唔承認多妻嘅，佢生前主要係因為詐騙、煽動罪而畀人拉
真正比人拉重婚嗰啲係跟住佢玩多妻嘅摩門教徒

如果你認為Joseph Smith純粹想享受「多人嘅性趣」而唔係認真喺道德上搞多妻，咁大部份都OK
不過同你討論咁耐你似係覺得佢有搞多妻，仲同意呢樣嘢


根本個情況同鄧兆尊差唔多甚至更低
鄧兆尊同佢嗰3條女都無結婚，法律上唔算係通姦或多妻


早期基督教都犯法、但以理又犯法，咁犯法點呢
法律就係法律、宗教就係宗教
因為咗宗教原則犯當刻嘅法都係犯法，耶穌都係因為犯「褻瀆神明/煽動叛亂」所以被處決
只不過我哋唔會覺得耶穌有宗教定義上嘅「罪(sin)」咁解

但我都唔會好似你咁夾硬話早期教徒「無犯法」架嘛

=====================================================
咁啱碌到你另一個回覆，順手覆埋:

挪亞蒙恩，係因為佢順服上帝的品性，上帝叫佢做乜，去就會照做。
呢句一到約瑟就即時唔apply 雙重標準到呢
呢喥你又喺喥混淆概念，個邏輯有兩部份，1)順服 2)蒙恩
而且係一個因果關係 = 「肯順服、就會蒙恩」

喺我哋嘅角度，挪亞肯順服、所以挪亞蒙恩，無問題，right?

而apply落Joseph Smith度，你覺得「Joseph肯順服、所以Joseph蒙恩」(滿足原因、引致結果)
相反其他人覺得「Joseph唔肯順服、所以Joseph無得蒙恩」(無滿足原因、所以無結果)
呢兩個睇法一樣都係無違反到「肯順服、就會蒙恩」呢個因果關係
只有「Joseph肯順服、但Joseph無蒙恩」呢個觀點先會構成雙重標準嘅問題

所以你嘅「雙重標準」嘅睇法並唔成立

所以你攞一卷律法書(e.g.出埃及記)當歷史書咁抽秤無乜意思
搞清楚聖經係一本書集，唔係一本書。你將女媧造人同三國志編成同一本書再叫做連登經唔會令女媧更可信。
即係講咗幾個星期。零證據

啱 創世記開頭係一夫一妻制嘅(e.g.創世記開頭)
之後演變成多妻(聖經無話「可以」、但有好多記錄)，去到新約耶穌又講返「二人成為一體」
錯，聖經有話可以。點解你哋啲論點是但有睇聖經教會搵到
出埃及記:21:10 若另娶一個，那女子的吃食，衣服，並好合的事，仍不可減少。
甚至神親手咁做，用「賜」嚟形容
撒母耳記下:12:8 我將你主人的家業賜給你，將你主人的妻交在你懷裡，又將以色列和猶大家賜給你，你若還以為不足，我早就加倍的賜給你。

搞清楚，你而家拎住摩西、亞伯拉罕、雅各、以撒、大衛等先知都做過嘅一夫多妻嚟抽秤JS。你要先證明一夫多妻係錯係邪。你目前無證明到。而假設你啱（我又企你角度睇啦，唔好好似之前咁多個post又避咗佢），咁你就要解釋點解上面提到嘅先知都做啲咁邪嘅嘢。
如果係錯要禁止，點解神會畀佢嘅約民做。唔好同我講咩當時風俗，當時風俗都係泛神論。十誡喺不可姦淫後加多句不可多妻就解決晒。

嗱，聖經就無講點解，我個人就會覺得係社會結構需要問題
唔需要你嘅可能性推敲，我只想知神有冇禁止，而上面已經睇到係無，仲要神親手參與其中。即係你啱嘅話，神都係邪。

新舊約就好似contract咁，修定咗嘅條款就跟修定版、無修定嘅條款就睇原文，好簡單
新約係修定咗嘅條款係基督徒先咁睇，猶太教眼中睇你哋，只係一個木匠嘅兒子想搞革命但失敗被殺，耶穌無復活過，佢嘅門徒喺到自己添加經書，繼續周圍呃人嘅異端邪教嚟。
用你邏輯，教義和聖約都可以係新約後嘅新新約。又再修定。

Quote埋聖經畀你你都話我「未講到聖經邊到禁止」?
因為你個啲唔係禁止？ 因為我已經解釋咗你引個啲點樣唔係禁止但你無視咗？

除咗想屌多啲閪之外你覺得Joseph Smith仲有咩原因要娶咁多個老婆?
同埋如果人人都係LDS、再每個男人都娶10個老婆嘅話，90%嘅男人就會係單身狗，你會點睇?
首先，你要證明JS多妻係只係想屌多啲閪。舉證責任喺你到。你次次都係assume嘢，無證據咁講嘢。我要證據唔係你喺到咩都無睇過就trust me bro。呢個係邪教做法。
提出證據唔該。我要嘅係證據。有證據先好同我講。
而你提出嘅只想屌閪，唔乎合我哋搵到嘅證據。
https://josephsmithspolygamy.org/
https://youtu.be/YcTW6t2obe0?si=CzpeOKdzHE986PfH
https://youtu.be/QtzlhjwiBPc?si=dJEtmDhJj8VsNFk0
https://youtu.be/eITMOB2pNYI?si=Ibiw1YFS-Wkp_7VP

另外，即使係猶他州最多人多妻時期，只有少於10～15%男人有咁做。當中部份係娶寡婦。唔存在你嘅架空幻想出嚟嘅90%男人單身狗問題。
納府時期嘅多妻就連2%都無。

我咪唔同意，無神論者睇法同信徒唔同係正常
但如果一樣嘢連無神論者都覺得唔啱嘅時候，身份信徒嘅我哋就更加要諗諗
無神論者都覺得信神唔啱，身為信徒嘅你有冇認諗？ 個邏輯關係喺邊？

咁神叫到煩都要做嘅.....不過你真係覺得神要你去娶幾十個女人? 定你自己想咋?
即係個重點喺神有冇叫到。你點分辨係神叫你做一樣嘢定自己想？唔好同我講用聖經。因為聖經中係神叫以色列人殺盡敵人，連女人同BB都唔放過。
你真係覺得神絕對禁止多妻？定你自己想咋？（我focus咗絕對到，唔好同我spin去其他嘢到）

講講下摩門經做乜又返去出埃及記?
你假唔假設我出埃及記嘅解釋啱同摩門經寫乜有咩關係?
由頭到尾都講緊你雙重標準cherry pick咁信，你到而家都未明呀？定你只係單純我信仰同你唔同而搵交拗咋？ 你好似完全唔記得講緊啲咩咁嘅 係咪你間邪教洗你腦教你一見到LDS就要攻擊呀？

Jericho Sword 我引咗兩篇學者嘅article畀你，你畀咗段Youtube我咋喎師兄
唔係我跳脫，係你自己唔記得自己問乜、將我嗰兩篇嘢當咗一篇咁睇啫
係你唔記得自己講緊咩，兩篇學者article都同意Jericho Sword係steel，之後你盲咗無視abstract咁話Jericho Sword唔係steel。係你錯咗而家死唔認呀
我已經簡化到問你個結論把嘢係steel定唔係steel啦。可能唔只問過一次添。你答到未呀？定又要避呀？

Ehrman
我已經講咗佢識嘅NRSV翻譯者都唔同意elep應該翻譯做家族嘅睇法，我亦問咗你，如果你嘅睇法係主流，搵本聖經係翻譯成家族出嚟睇睇？但你無搵正。我亦再假設你啱，叫你喺民數記自己計下條數，但你無計過。大佬，咩都skip晒討論條毛咩？
跟住就話人研究主要係新約 咁翻譯NRSV嘅學者呢？

同埋聖經重點係以色列人「做過乜」、唔係佢哋有幾多個
又係呢啲「重點唔喺到」嘅論點 黎教主次次用呢個手法喺教外人眼中都係廢話嚟。
咁BoM重點又係見證耶穌基督係救主，唔係佢哋煉鐵、騎馬又得唔得？

繼上，你話Joseph Smith料事如神、翻譯準確我先同你Literally咁討論摩門經啫
翻譯準確呀，1830嘅men未係係咁囉。
Oxford English Dictionary
Man was considered until the 20th cent. to include women by implication, though referring primarily to males.
問題喺邊？問題未係你執意要用你20世紀打後嘅理解去睇人19世紀初嘅翻譯囉 問題喺你到

摩西
一個唔覺意又畀你spin走咗。你話摩西石板畀人任睇，證據喺邊？

主導/控制:
係，你會根據聖經記載係假設咗係神做。但教外人唔信有神。甚至你無證據證明有神添。所以摩西拎住啲意外去主導控制啲人。而假設你啱，即係你個神用死亡去主導控制啲人。兩個睇法依然係邪教所為。

極權
係，70長老帶去西奈山係孤立，又係邪教特徵。而民數記16已經講咗，反對摩西嘅會死。咁都唔係極權。巴打要唔要諗諗自己真係跟咗邪教？

不能被質疑:
係，唔聽話嘅畀火燒、畀地食、患病。民數16咁明顯嘅邪惡，3500年後嘅你喺到為呢啲嘢辨護。更加證明係不能被質疑。完全就係邪教領袖。

你嘅反駁又係可以用返對家到，約瑟都有時會發脾氣失控，LDS無人信約瑟係完美。神都因為咁罰過約瑟。可見約瑟都無乜話事權。事實上約瑟都有因為多妻而上過教會法庭，有埋紀錄可以睇。無人因為反對約瑟而死。但我唔使數，單係民數記，質疑摩西而死嘅人已經有250人，仲要係加埋佢嘅家眷死晒。冚家產如果你眼中約瑟被稱為不可被質疑，摩西就更加係邪教領袖

睇睇下又畀你spin走咗。哥仔，又係你想人講經歷，又skip咗係咩玩法？
「不如講下你點解會、點樣去信LDS，可能仲有說服力
其實所有宗教人士都有唔同故事，不如你講下有咩經驗故事你會覺得有說服力先啦。點解呢啲經驗會真過其他宗教人士嘅同樣經驗？唔係我講完你又可以spin，咁我做咩要將「聖物給狗」又做咩要將「珍珠丟在豬前」，因為我知佢哋會「踐踏」完再嚟「咬」我。」

我哋信三位一體，所以Technically耶穌就係神
木匠嘅兒子變成神，仲要無證據。比神召先知更sus更邪。

保羅/u]
上面已經講咗耶穌幾sus，呢到個「我們」係講緊啲古代使徒，你解讀做1800年後嘅JS 而啟示錄約翰都有信天上來的
都係個句，耶穌係三一神係你信法，聖經無記載。而且教外人睇，人自稱神更sus。如果耶穌再來override，你點知個個係耶穌？你有見過佢真人咩？對你嚟講只會係一個天上來你未見過啲人物同你傳別的福音。

[u]全部都中晒喎
結論，新教都係異端邪教嚟