［連登讀經團契（二）］創世記｜做乜唔收我d禮物？

乜原來喺你主觀睇法中，根據聖經問亞伯拉罕同該隱嘅嘢就叫惡意引戰？

藏巴解得好
呢個思路好自然咁承接上面段落。

聖經既解釋一直好多元化，只要敬畏神，連相反既意見都可以放埋一齊講，互相學習，正面交流。拉比文獻就係咁。所以我打算係你同水巴提及既野以外，再加多D豐富下。

你講得好啱，希伯來文能夠豐富對經文既明白。雖然中文閱讀理解已經足夠明白主要內容同教導，希伯來文可以係呢個理解上面增添層次同色彩。既然你提到，就講多幾句。

該隱Qayin 同 該南Qeynan （5:9-14）好似。
亞伯Hevel 蒸氣，可以正面咁解做同靈性有關（風、靈 都係果個字），意思上同2:7 相似。

4:2 用左好精簡而有變化既字介紹兩兄弟。

「後來她又生了」，係「她又加多個，她又生了」，而唔係「她又懷孕，她又生了」（比較 創世記38:3-5）。可以解做雙胞胎先後出世，佢地兩個本來好近，本來可以好似。

「生了該隱的弟弟亞伯」，有一個重複既字譯唔到，大概係「生了該隱的弟弟，（就是生）了亞伯」。另一個相同阿媽生既仔，就梗係弟弟，正如阿媽係女人，但係聖經講埋喎。「亞伯係該隱弟弟」，係聖經再比既資料，唔會係講常理推測到既家庭關係圖，反而係要強調兩者既關係。相似既額外描述，可以比較 申命記13:6 「你懷中的妻子」。係骨肉之親。

「亞伯成為牧羊人，該隱則成為耕種土地的人。」，本來可以好平行咁介紹，但作者惼偏用左唔平行既方法去講。其一係次序。其二係個動詞，掉轉左少少野，強調「至於該隱呢，佢就……」，兩兄弟由職業已經有對比。

呢D都係支持藏巴你睇法「該隱同亞伯兩者代表善惡兩種選擇」既小細節：本來可以一樣，但揀做相反。

就分享住一節咁多多先

#112436親愛寶貝蜜糖甜心

亦都係我封鎖名單，+1

你嘅啲精神封鎖得啖死，你兩個未又係死死氣，我每留一個言你click一下打開留言再負皮囉

你自己講過，「異端之所以係異端，係因為拒絕同其他宗派溝通。」，你兩個就正正喺到拒絕溝通。印證你自己講過嘅嘢

你呢啲精神封鎖得啖笑，

對上一個post連神點樣創造邪惡都未解釋到，就跳去講亞伯同該隱揀唔同職業而表達善惡 Blue curtain 到呢…

https://youtu.be/j3EIx_ZQlc4?si=xbQphqsFQeHTYXfw

$6500

真係辛苦你兩個，又要block，又要逐個留言click解除封鎖咁去負評

既然神係自有永有第一因存在，點解會故意做到該隱會傾向邪惡？該隱嘅性格做事嘅態度都係神決定同刻意造出嚟㗎喎

答唔到所以要block

我想問點解殺人喺神眼中係罪，明明殺最多人嘅係神，推動舊約戰爭嘅都係神
咁如果殺人係罪嘅原因係令人痛苦或者侮辱生命，殺動物係咪罪，如果殺人係為減少痛苦（例如安樂死）或者救人，咁又係咪罪

聖經支援

撒母耳記上:15:3 現在你要去擊打亞瑪力人，滅盡他們所有的，不可憐惜他們，將男女，孩童，吃奶的，並牛，羊，駱駝，和驢盡行殺死。

民數記:31:7 他們就照耶和華所吩咐摩西的，與米甸人打仗，殺了所有的男丁。
17 所以你們要把一切的男孩，和所有已嫁的女子，都殺了。
18 但女孩子中，凡沒有出嫁的，你們都可以存留他的活命。

點呀？
遠征記作者有晒當年打仗嘅人描述亞歷山大嘅戰略，又有晒歷史紀錄，咁未寫到出嚟囉。
希伯來書佢者點知亞伯拉罕認為神甚至能使死人中復活？佢係咪有亞伯拉罕嘅紀錄呀？

咁連登堂完全停咗幾個星期
而家連名都轉埋
咁同執咗開新有咩分別？

如果咁都叫轉型……即係好似香港茶樓咁，隔幾年炒晒啲人，換個名同裝修，之後請返exactly同一班人，由同一個老闆經營。咁就可以稱為轉型而無執到？

咁聖經中嘅敗壞未永遠都唔成立？係一個偽命題嚟

使徒行傳:5:38 現在我勸你們不要管這些人，任憑他們吧，他們所謀的，所行的，若是出於人，必要敗壞。
39 若是出於神，你們就不能敗壞他們，恐怕你們倒是攻擊神了。

點呀？睇緊聖經啦。邊到有講佢獻祭時嘅態度差呀？定你讀入聖經咋？
你兩個以為唔答就解決咗問題？

係呀，如果唔係都唔會換部新laptop
(唔該晒水巴）

上個禮拜開始多咗啲控制唔到嘅棘手事發生

介唔介意俾個方向，讓我地為你代禱
（明白私隱考慮，不用提供細節）

我想問禱告祈求有咩用意，既然你哋相信神會俾最好嘅你，又點解要祈求更好嘅？既然你哋話神俾嘅苦難可以令人進步，點解又要祈求擺脫苦難？唔通神會因為你唔求而唔俾最好嘅你？

你問得好好，禱告祈求係一個複雜嘅議題，不過，我試下簡單咁講下：

我地既祈禱唔同民間宗教既祈求。

而係我地信佢真係我地天上既父親，會想同佢有親密既對話，好多時我地唔係只係求免困、求福報（雖然求都係人之常情），而係求神堅固我地既信念捱過去，即使苦難無可避免（但可免則免）。
最後神點俾，俾乜，都係佢既主權，我地都甘心降服於佢既權柄下。

而為他人代求，則是向神表達「我關心弟兄姐妹」。當然，唔係話剩係祈禱就得，祈禱唔會取代對被代禱對象既實際幫助。

希望幫到你了解。

咁既然神唔會因為禱告改變決定，點樣可以堅固信心？
如果禱告嘅功用淨係求信心，咁你點樣分別係神增強你嘅信心，定係嗰種「我好強 我好強」帶俾你嘅心理作用？
再加上聖經嘅禱告甚至主禱文都唔單止係求信心

我們在天上的父：願人都尊你的名為聖。願你的國降臨；願你的旨意行在地上，如同行在天上。我們日用的飲食，今日賜給我們。免我們的債，如同我們免了人的債。不叫我們遇見試探；救我們脫離兇惡。因為國度、權柄、榮耀，全是你的，直到永遠。阿門。

神唔會因為禱告改變決定呢個講法，我有所保留。

聖經入面描述過：
有一個城既人為自己既罪悔改禱告，神暫緩左對成個城既審判
有一個王禱告，神使佢壽命延長15年
有聖徒、先知禱告使人復活

你說得對，的確祈禱呢個議題遠比想像中複雜得多，我剛才講既都只係好表面咁講下

耶穌教我地「你們要先求上帝的國和他的義，這些東西都要加給你們了。」
‭‭馬太福音‬ ‭6‬:‭33‬ ‭RCUV‬‬

所以，係先求神掌權（其中一樣，就係堅定地跟從神既信心、忠心），再求其他既野。

咁即係最好嘅嘢係未俾你？要求咗神嘅國先會俾你？既然祝福又係好，苦難又係好，咁幾時先會唔好，幾時先係最好

我永遠都get唔到新教個種Humans are nothing and don't deserve anything from God嘅思維。
同埋苦難係好嘅邏輯

殺人喺神眼中不是罪。想殺無辜人既邪惡動機先係。

摩西傳既律法有教（出埃及記21:12-14），耶穌都一樣咁教（馬太福音5:21-26）。

所有野都睇動機，有D野雖然冇令人身體死，仍然可以同殺人無異。

吃奶嘅BB算唔算無辜？

撒母耳記上:15:3 現在你要去擊打亞瑪力人，滅盡他們所有的，不可憐惜他們，將男女，孩童，吃奶的，並牛，羊，駱駝，和驢盡行殺死。

禱告真係好重要既課題，問得好。

對於我黎講，禱告就係將自己既心敞開係神前面，去將自己既心意對齊返神既心意。

耶穌自己既祈禱就最突出到呢樣：

馬太福音26:39
//39 耶穌稍往前走，臉伏於地禱告說：“我的父啊，可能的話，讓這杯離開我吧！然而不要照我的意願，而要照你的旨意。”//