［連登讀經團契（二）］創世記｜做乜唔收我d禮物？

Send 咗email 了

收到了

對世俗政府既態度，我前面答藏巴關於羅馬書13章既問題既時候表達左

你平時都係咁同其他信2代講，係信服到嘅？

收得政府錢讀書仲可能留有到自己？我以前收5、6萬獎學金真係反唔落。

總會有人Buy有人唔 Buy
而其實就算佢唔Buy又點？
大家都會有自己睇法，互相尊重理解就ok啦

以我親身經歷，我第一次入小組聽到話後生遊行示威係食白粉，咁我忍。
第二三四次都聽到呢D我忍唔到走左。

咁而家梁美芬同何妖驚冇支持者而投票，咁點樣互相尊重同理解到?

類似之前我開post講果個梁傳道，佢9up到話佛教聖者係馬哈維亞。耆那教係耆那教。咁叫唔叫互相尊重同理解到?

唔好搞一種基督徒亂咬總有難處，其他人講說法難聽係無知咁，否則我難聽D問何解縮係講故台，痴係甜故隔離?

樹大有枯枝
有麥子有稗子
係我地既信仰入面
議員們、傳道們、牧師們、權貴們、你同我
最終神都會有審判
最緊要自己好好跟從神

「因為人的怒氣並不能實現上帝的義。」
‭‭雅各書‬ ‭1‬:‭‭20‬ ‭RCUV‬‬

咁咪正正唔知信緊咩，一句等大審判就完，然後又你可能可以打丁，可能唔可以打丁，咁其實洗咩有宗教。

https://lihkg.com/thread/3952767/page/26

我地往往好鍾意搵d議題，然後問聖經點睇
其實我唔prefer 咁做
要搵一段經文support 自己立場有幾難？
聖經充滿張力，好多時兩面既立場都搵到
還是由經文出發吧

其實真係唔駛有宗教
我知我信緊耶穌基督
我學緊佢既教導並實踐緊
動機純正，掌握到教導既大原則（盡心盡性盡意愛神、愛人如己）自然會行出好行為
其實真係唔駛咁急講乜野做得、乜野唔做得、乜野人得救、乜野人唔得救

正如以前黎巴講過，宗教只係個殼
宗教制度只係用黎裝住個信仰
但如果冇左個信仰，得番宗教傳統、制度
咪就變左得個殼
如果宗教去到咁既情況，唔要都擺

耶穌組織嘅教會畀你講到只係個殼 似乎你兩個覺得自己醒過耶穌 無使徒先知未會中人嘅詭計，隨從各樣異端囉
成個基督教一無咗使徒先知就喺200年內拋棄耶穌基督講嘅話說，創造個三一神出嚟崇拜。連耶穌嘅神唔再信
乜拋棄咗耶穌組織嘅宗教會keep到信仰咩？
我唔知你信咩。我信耶穌嘅

以弗所書:4:11 他所賜的有使徒，有先知，有傳福音的，有牧師和教師。
12 為要成全聖徒，各盡其職，建立基督的身體。
13 直等到我們眾人在真道上同歸於一，認識神的兒子，得以長大成人，滿有基督長成的身量。
14 使我們不再作小孩子，中了人的詭計，和欺騙的法術，被一切異教之風搖動，飄來飄去，就隨從各樣的異端。

約翰福音:17:3 認識你獨一的真神，並且認識你所差來的耶穌基督，這就是永生。

約翰福音:20:17 耶穌說：不要摸我，因我還沒有升上去見我的父，你往我弟兄那裡去，告訴他們說：我要升上去，見我的父，也是你們的父，見我的神，也是你們的神。

再講多少少先，都係跟返上次既方向。

該隱既希伯來文名Qain ，水巴提過，經文即刻用左相近既字 Qaniti 「我購得了」解釋左。

至於亞伯既希伯來文名Hevel ，經文冇即刻解釋。咁呢個名，除左好似蒸氣咁好虛，仲有咩意義呢？

原來過多兩節，4:4先出現左一個相似既字，「和牠們肥美的部分」，字根chelev （肥），帶有「最好」既意思（因為油係好野，參考民數記18:12）。呢個chelev，ch 唔係「廚」音，係重D既「下」音，似h。所以Hevel 同chelev 係諧音。

所以，呢個「最好」解釋左亞伯係一個點樣既人，就係將最好既野獻比上主既人。咁既人，上主睇得上眼，睇上埋佢既禮物。

呢個觀察非常支持藏巴你所講，「亞伯既供品係先挑選過，用最好最肥既羊獻比神」。


講開諧音，呢個「睇上、注視、睇重」wa-yisha'，同「拯救」yasha' 好似（希伯來文，都同耶穌個名（耶和華拯救）好似。呢個字唔係專講獻祭既利未記入面用既「悅納」（利未記1:4），有可能係為左個諧音而揀黎用。

「耶和華看中了亞伯（和他的供物）」，成句諧音「耶和華的拯救是向亞伯（和他的供物）」。

呢個諧音得出既另外意思，合唔合全段文意呢？亞伯後來被殺，算唔算有被拯救？我認為答案係第10節：

創世記4:10
//10 耶和華說：“你做了甚麼？你弟弟的血不斷從土地裡發出聲音向我呼冤。//

死左都仲識講野，仲係不斷咁講！亞伯既聲音，上主聽左，仲一直聽住。上主為亞伯申冤。「耶和華的拯救是向亞伯」，「耶穌係向亞伯」，就算到死果一刻都見唔到公義，上主應許拯救仍然會臨到，上主冇唔理。

呢份信實（堅持將最好既獻比神）同時成為左後世既榜樣（希伯來書11:4）

lm

lm 之餘都歡迎討論

你哋係喺聽你兩個話同接受你兩個對聖經嘅解釋嘅前題下先會歡迎人

我想請問下既然你對聖經嘅準確性有質疑，你點解會咁信你哋自己嘅經文？

其實所謂信「經文」有分好多唔同層次。
先講最極端嘅「聖經無誤」先，LDS唔信聖經無誤。事實上我哋都唔信摩爾門經或者先知係絕對無誤。喺我哋眼中，除咗神之外，無嘢係絕對無誤。

而其實我唔係對聖經嘅內容準確性有質疑。我認為有足夠證據去相信聖經大部份內容都無大問題。我質疑嘅係個完整性。即係我唔認為聖經包括神啟示嘅所有內容。LDS現有嘅經文都唔包括所有內容。

而點解我會比較信LDS經文呢？先拋開宗教睇法。一份歷史文獻可以根據佢係第一手紀錄定第N手。
我哋有摩爾門經嘅翻譯初稿嘅原稿。當中嘅內容肯定咗早期見證人描述翻譯過程嘅方式。
摩爾門經嘅複雜內容同古猶太人文化都係好值得講。因為約瑟「翻譯」完後好似連佢自己都唔知有呢啲要素。

教義和聖約更加唔使講，係第一手嘅源頭原稿嚟。

約瑟「接受啟示」寫嘅摩西書，當中有當時美國無人知道嘅以諾1,2,3書內容，同埋1947年先出土嘅巨人之書內容。

單純用歷史文獻嚟講，LDS經文比聖經任何書都更加接近source material。對比之下，我哋最早有嘅只係第3世紀嘅第N手聖經手抄本。

當然我唔會單純叫人咁去信，但最少歷史文獻睇去LDS經文嘅證據比較充足。
甚至咁講，摩爾門經有最少11位正式見證人，計埋非正式有近19人。我哋有佢哋嘅第一手證詞同埋近100份訪問記錄。
對比，聖經頂盡有2份紀錄。

again，我唔係就咁就話LDS經文更可信。但對比之下，的確有更多證據。

跳入神學同解經打或者你更冇優勢，但keep it that way 未嘗不可

幾時出黎見下面，等你

當網聚下

火燒八陣圖呢個典故，耳熟能詳

你主人畀你出嚟啦？星期一？灣仔告士打道118號，下午6點。

面對面講我邊到解錯。我會錄埋音畀大家睇下邊個合理啲。