［連登讀經團契（二）］創世記｜做乜唔收我d禮物？

由上上星期開始，「連登讀經團契」取代左「連登堂」，聚會形式亦都改變左，由以前模仿崇拜講道，變成圍爐吹水，開心share

呢度冇教主，冇組長，冇牧師，冇老師，小弟同「水豚君巴拿巴」巴打（水巴）暫時擔當發起人，歡迎有負擔既巴絲加入
可以直接email 去我地度
lihkg.church@gmail.com


我地暫計劃每兩星期會開一次post，聚焦一段經文進行討論

本團契旨在回歸初心，討論聖經，無意取代任何教會/堂會，只係提供一個網上聚腳點，求神使用

歡迎任何信左耶穌既弟兄姊妹或未信既朋友仔參與討論

今次我地個post係開係「講故台」，希望大家「聽故/講故，唔好駁故」

如果覺得有弟兄姊妹解錯經，可以用愛心指正，可以挑戰對方想法，但要基於經文，切勿人身攻擊，最好聚焦核心經文本身，避免離題太多。

亦都歡迎各位弟兄姊妹或朋友仔放低禱告事項，我地會為你地禱告，並出公禱文記念。




FAQ
Q: 聖經是甚麼？
聖經分新約聖經和希伯來聖經

客觀地講：
希伯來聖經係古代猶太文獻集，主要由律法書、先知書同智慧寫作組成，亦係耶穌在世上教導既基礎。

新約聖經係指使徒書信（用作牧養教導初期教會）、啟示錄、福音書（由使徒或者他們身邊既人寫既耶穌生平既見證）同使徒行傳，係耶穌在地上事蹟和初期教會發展的第一身見證。

信仰角度：聖經係神既話語

——————————-

Q: 聖經是否無誤？
A: 我地相信聖經真係神既話語，但唔一定全部係百份百歷史記錄。

例如創世記有好多類近神話既記載，就好似爸爸係床前講三國演義俾我聽，教我做人既道理（例如唔好學關羽咁驕傲），咁故事真係由爸爸講既，至於三國演義則不一定記錄左客觀歷史。

而新約福音書等對耶穌同初期教會既見證，就絕大部分都係真確既，雖然四福音書細節各有出入，但主要對耶穌的記載都是一致的。

當然一部分保守派基督徒信聖經一字一句都客觀上真實無誤，不過既然係開放吹水，無必要預設一個咁保守既立場。

所以今次我地開講故台，唔好駁故喇


——————————-

Q: 點解信耶穌係神？
A: 幾肯定係真既係：
1）在歷史上，耶穌被釘死在十架上(呢個係主流歷史學家既共識）
2）在歷史上，大量第一世紀基督徒為見證耶穌的復活自願殉道（冇人會為明知係假既野自願放棄抵抗咁去死，雖然間中有邪教徒痴左線玩恐襲或被誘騙自殺，但明顯係兩個nature)
3） 耶穌宣稱自己係神（上面既1同2，令我地唔相信佢係騙子或瘋子，唯有信佢係真既），並且大量第一世紀基督徒都係咁信

當然都有唔少對呢個推論既挑戰同質疑，但我地相信「耶穌係神」係最合理既推論，並且咁信。


為左避免玩泥漿摔角式辯論「耶穌是不是神」，呢度既討論，以「耶穌是神」為前設，想挑戰呢個命題請另行開post。


——————————-

Q: 聖經係咪俾人篡改過？
A: 冇證據支持聖經俾人有計劃地篡改過，間中有文士抄錯少少間中都可能會有，但由於聖經既傳播度極高，其實好難去收翻晒來改。唯一係邊本書納入正典，邊本唔入，有幾本有點爭議（馬加比一、二書、雅歌、希伯來書等），有幾本幾乎完全冇（四福音書、摩西五經等）
不過，我地都係鼓勵keep住「聽故/講故，唔好駁故」既精神，focus 翻係經文本身。

——————————-

Q: 你地係咩宗派？
A: 我地呢度唔強調宗派，歡迎新教、天主教、東正教既弟兄姊妹同任何有興趣討論聖經既朋友仔
只求大家互相尊重，唔好惡意引戰

對惡意引戰者，我地冇懲罰機制，只建議大家主動忽略佢地，俾佢地自己玩單機，或由佢地自己之間傾。

——————————-

開始之前我地祈個禱先：
我地係天上既父，我地求告你既聖名，你是那位創天造地，命立就立的那一位，感謝你俾我地有網上自由討論既空間。

求你親自牧養我地，我地明白世上除了耶穌，沒有一位完美既好牧者，一些牧者未能張你帶到眾人面前，倒使眾人受傷，求你賜眾牧者智慧去正確教導你的話語。又記念所有曾被教會傷害過既人，醫治眾人，又求你一如以往顯出奇妙既作為，用永不止息既愛感動我地，用忠誠守約既愛維繫我地，成全你既美意，奉耶穌基督既名，Amen!


有咩心事需要代禱，請放心交低，求神應允

創世記 （環球聖經譯本）

第四章 該隱殺亞伯
1 亞當和妻子夏娃親近，夏娃就懷孕，生了該隱，她說：“我靠耶和華得了一個男孩。”
2 後來她又生了該隱的弟弟亞伯。亞伯成為牧羊人，該隱則成為耕種土地的人。
3 過了好些日子，該隱拿土地裡的出產來作供物，獻給耶和華。
4 亞伯也把自己羊群裡一些頭胎生的和牠們肥美的部分拿來獻上。耶和華看中了亞伯和他的供物，
5 至於該隱和他的供物，耶和華沒有看中。該隱就非常憤怒，臉都沉了下來。
6 耶和華對該隱說：“你為甚麼憤怒？為甚麼沉下臉來？
7 你若做得好，就必蒙接納；你若做得不好，罪就伏在門口；它渴想得到你，你可要制伏它。”
8 該隱對他的弟弟亞伯說：“我們到田野去吧。”他們在田野的時候，該隱就起來襲擊弟弟亞伯，把他殺了。
9 耶和華對該隱說：“你的弟弟亞伯在哪裡？”他說：“我不知道。難道我是弟弟的監護人嗎？”
10 耶和華說：“你做了甚麼？你弟弟的血不斷從土地裡發出聲音向我呼冤。
11 土地開了口，從你手裡接收了你弟弟的血，現在你必承受詛咒離開這片土地。
12 你耕種土地，土地不會再為你效力；你會在地上漂泊流浪。”
13 該隱對耶和華說：“我的刑罰太重，我承受不了！
14 今天你趕我離開這片土地，使我隱藏離開你的面；我將在地上漂泊流浪，凡遇見我的，都會殺我。”
15 耶和華對他說：“這樣吧，凡殺該隱的，都會遭報復七倍。”耶和華就在該隱身上做了一個記號，免得任何遇見他的人殺他。
16 於是該隱出去，離開耶和華的面，住在伊甸東邊的流浪之地。

該隱的後代
17 該隱和妻子親近，她就懷孕，生了以諾。那時該隱在建造一座城，就按他兒子的名字，給城起名叫以諾。
18 以諾生以拿，以拿生米戶雅利，米戶雅利生瑪土撒利，瑪土撒利生拉麥。
19 拉麥娶了兩個妻子，第一個名叫阿黛，第二個名叫慈拉。
20 阿黛生雅拔，雅拔就是住帳篷牧畜者的鼻祖。
21 雅拔的兄弟名叫猶拔；猶拔是所有彈琴吹簫者的鼻祖。
22 至於慈拉，她也生了圖拔該隱，就是打造各種銅鐵器具的匠人；圖拔該隱的妹妹是拿瑪。
23 拉麥對兩個妻子說：“阿黛、慈拉，要聽我的聲音；拉麥的妻子，張開耳朵聽我的話：我殺了一個男人，因他傷我，還有一個年輕人，因他打我；
24 害該隱，會遭報復七倍；害拉麥，會遭報復七十七倍！”

塞特代替亞伯
25 亞當又和妻子親近，她就生了一個兒子，給他起名叫塞特，意思是：“神給我立了另一個後裔代替亞伯，因為該隱把他殺了。”
26 至於塞特，他也生了一個兒子，給他起名叫以挪士。那時候，人開始呼求耶和華的名。

第五章 亞當及其後代
（代上1:1~4）
1 以下是亞當及其後代的記載：在神創造人之日，照著神的樣式，他造了他們；
2 男和女，他都創造了；在他們被創造之日，神賜福給他們，給他們起名叫“人”。
3 亞當活到一百三十歲的時候，照自己的樣式，按自己的形象生了一個兒子，起名叫塞特。
4 生塞特以後，亞當的日子有八百年；他還生了許多兒女。
5 亞當的日子共有九百三十年，他就死了。
6 塞特活到一百零五歲的時候，生了以挪士。
7 塞特生以挪士以後，又活了八百零七年；他還生了許多兒女。
8 塞特的日子共有九百一十二年，他就死了。
9 以挪士活到九十歲的時候，生了該南。
10 以挪士生該南以後，又活了八百一十五年；他還生了許多兒女。
11 以挪士的日子共有九百零五年，他就死了。
12 該南活到七十歲的時候，生了瑪勒列。
13 該南生瑪勒列以後，又活了八百四十年；他還生了許多兒女。
14 該南的日子共有九百一十年，他就死了。
15 瑪勒列活到六十五歲的時候，生了雅列。
16 瑪勒列生雅列以後，又活了八百三十年；他還生了許多兒女。
17 瑪勒列的日子共有八百九十五年，他就死了。
18 雅列活到一百六十二歲的時候，生了以諾。
19 雅列生以諾以後，又活了八百年；他還生了許多兒女。
20 雅列的日子共有九百六十二年，他就死了。
21 以諾活到六十五歲的時候，生了瑪土撒拉。
22 以諾生瑪土撒拉以後，與神同行了三百年；他還生了許多兒女。
23 以諾的日子共有三百六十五年。
24 以諾與神同行，後來不在了，因為神把他接走。
25 瑪土撒拉活到一百八十七歲的時候，生了拉麥。
26 瑪土撒拉生拉麥以後，又活了七百八十二年；他還生了許多兒女。
27 瑪土撒拉的日子共有九百六十九年，他就死了。
28 拉麥活到一百八十二歲的時候，生了一個兒子，
29 給他起名叫挪亞，說：“但願這個兒子安慰我們，使我們脫離雙手工作的勞苦，脫離耶和華詛咒了的土地！”
30 拉麥生挪亞以後，又活了五百九十五年；他還生了許多兒女。
31 拉麥的日子共有七百七十七年，他就死了。
32 挪亞到了五百歲以後，生了閃、含、雅弗。

（版權屬環球聖經公會）

拋磚問題：

點解耶和華神唔收該隱既禮物？該隱同亞伯獻上既野有咩分別？
有冇邊部分經文似曾相識？
邊個數字最突出？兩章入面有幾多次林鄭？
幾時有提及耶和華/神，幾時冇？
家譜入面，有邊d人有額外資料？
邊個最長命？呢個人死果年，挪亞幾多歲？
亞當死後，下一個出世既人叫咩名？

冇標準答案（除左計數果d），歡迎加入討論

話咁快兩個禮拜

點解要用連登讀經團契嚟取代連登堂？連登堂做唔掂咩？因為聖經話，如果係出於神，就不能敗壞。若是出於人，必要敗壞。

使徒行傳:5:38 現在我勸你們不要管這些人，任憑他們吧，他們所謀的，所行的，若是出於人，必要敗壞。
39 若是出於神，你們就不能敗壞他們，恐怕你們倒是攻擊神了。

既然連登堂已經敗壞咗，係咪已經應驗咗聖經嘅說話？

改革咗姐，我覺得依家咁樣仲好

支持弟兄們

支持就得閒時入黎分享多d喇

咁實際係有咩唔好，需要改革？

依家咁樣感覺個氣氛輕鬆啲同埋啲資訊簡而精(?)咗（好似Q&A咁）。啲資訊易啲吸收

想問該隱同亞伯兩個名響原文希伯來文有無咩特別意思，通常寓意故事入面既角色名都有隱藏線索，但我唔識希伯來文想請教下

神應該唔係因為祭品種類而簡羊肉唔簡種植品，而係因為亞伯既供品係先挑選過，用最好最肥既羊獻比神，所以神係相對鐘意，寓意係……簡單咁諗祭祀既心意大於供品價值本身？

至於該隱殺亞伯，承接番夏娃食禁果開始犯罪，我認為該隱同亞伯既事，應該係有關「罪」既延伸寓言？

亞當夏娃既罪我上post講過，禁果本身係「違反神」既隱喻，「違反神」係罪既開端，守足戒律就唔會產生「罪」，而食禁果雖然係罪，但同時都印證左人係有「自由意志」

以亞當夏娃違反神「犯罪」為開端，該隱同亞伯就係之後既後續，兩兄弟響寓言中作為對立既一方，通常代表相反既概念，放響宗教寓意中應該就係經典既善惡之分

神簡選左亞伯精心選過既供品後，文字上話該隱「憤怒」，之後神仲話罪伏在門口，要制服它。然後就係該隱講大話引亞伯去殺

我認為人類始祖食禁果寓意「罪」既本質同「自由意志」

咁佢地既初代就係「罪」同「自由意志」既概念延伸

該隱同亞伯兩者代表善惡兩種選擇

善良亞伯面對祭祀全力以赴，惡人該隱面祭祀草草了事

面對同一道選擇題，基於善惡兩個選擇會導致不同結果，全心侍奉神既會有神既嘉許，唔全心敬拜神結果產生左「憤怒」（負面情緒），而「負面情緒」會埋下「罪」既伏線，「你卻要制伏它」

該隱既行動應該就係寓意緊人類犯罪既心路流程

「憤怒（負面情緒）」—「罪伏在門（犯罪動機出現）」—「謊言欺騙亞伯」—「犯下惡行」—「被神既質問時又想謊言隱瞞」—「最後都係要受罰」

所以就要避免犯罪，就要制伏「憤怒（負面情緒）」，放任負面情緒例如憤怒失控就係犯罪既開端，即使自以為聰明拒不承認罪惡，都逃唔過神既制裁

聖經用始祖亞當夏娃寓意罪既源頭，又用後代該隱亞伯展示人類犯下罪惡既具體原理

罪惡概念因人類既選擇誕生，具體罪行又因人類既放任情緒而成真

罪惡同人類共生，神會賞善罰惡，但真正行惡既係始終係人類，要阻止罪惡，人類就要控制自己，制伏自己既負面情緒

後續內容唔諗咁多住，利申係亂咁解諗到邊寫到邊，想問各位教徒巴打點睇呢個解讀思路？

水豚巴同一眾巴絲平安 感謝你們的付出

藏巴好！

兩人既名字：

其實我好鍾意創世記呢兩章，我甚至剩係鑽呢兩章都鑽左兩個星期。藏巴你問得好好！

該隱（Kayin)，就係「我靠耶和華「得」（Kaniti）了一個男孩」個得既意思，其實係有「交易得來」既含義。

亞伯，係Hevel，即係虛空既意思，即係傳道書入面：「傳道者說：虛空的虛空， 虛空的虛空，全是虛空。」傳道書‬ ‭1‬:‭2‬ ‭RCUV‬‬

關於祭物，你呢個係好好既解釋，好多主流解經家都咁解，但我有另一個答案

而呢個答案，我跟幾個傳道人講完，佢地都話我既答案更直觀更合理，提示係睇翻第3章神對亞當既處罰既細節

其實該隱既祭物，唔只係草草了事咁簡單，直頭當神係傻仔。

打住咁多先

藏巴你既問題好值得詳細傾

一齊努力學習聖經就係最好既支持

亞當唔當神講野係犯罪？

咁亞伯拉罕究竟佢信上帝殺子 定 唔信上帝會咁殘忍？如果佢信上帝講既野仲殺子..呢個神 ？ ..喔 又唔記得左道德唔係聖經重點

將巴平安，都可以討論下架

神要既祭，豈是死祭？
神要既，係活祭
「所以，弟兄們，我以上帝的慈悲勸你們，將身體獻上當作活祭，是聖潔的，是上帝所喜悅的，你們如此事奉乃是理所當然的。」
‭‭羅馬書‬ ‭12‬:‭1‬ ‭RCUV‬‬
https://bible.com/bible/139/rom.12.1.RCUV

改個氣氛要執咗連登堂先改到……？整理資訊要幾個星期唔見咗崇拜先整到……？

亞伯拉罕點睇第一世紀保羅寫嘅羅馬書嚟知道神要活祭？

點解呢位基督徒明知人哋真心誠意咁尋真理，又明知人哋信錯會落地獄，但佢都唔救，點解會同呢到嘅該隱一樣嘅？
https://lih.kg/EbrobyX


創世記:4:9 耶和華對該隱說：你兄弟亞伯在哪裡？他說：我不知道！我豈是看守我兄弟的嗎？

亞伯拉罕梗係唔知啦，知就唔會真係舉起把刀

保羅係教緊第一世紀既基督徒正確既獻祭精神，即係神其實喜悅乜野

所以我地要睇晒成件事，唔係剩係睇神既一個動作

既然亞伯拉罕唔知，咁你引羅馬書做咩？亞伯拉罕當時知啲咩？

用後人既分析/解說去理解前人既故事好正常，點解要前人知先可以引用後人？

其實我已經預咗你會咁答。所以我先問埋「亞伯拉罕當時知啲咩？」
唔好揀嘢嚟答啦。感謝

你條問題問得咁空泛，叫人點答？

亞伯拉罕知以撒係佢個仔
亞伯拉罕知耶和華係佢個神
亞伯拉罕知撒拉係佢老婆
亞伯拉罕知⋯

鬼知你想問乜，又唔係你肚入面條蟲

成個語境講緊亞伯拉罕知唔知神叫佢殺自己個仔係咩意思。咁都叫空泛？
仲有，如果你真係唔知，咁你未問囉。問下好難咩？