[近視四眼撚入] 近視眼自然療法 係咪真係得？求經驗分享

一堆解部學老師哭暈左係廁所

你去試下散瞳驗光先啦，有調節介入你有機會200度都睇得清楚㗎

人哋有根有據解過你知，點解會有近視回落嘅跡象
你就話人唔科學
網上面無證無據，淨留言話自己成功左
你就信到十足十
究竟邊個唔科學

你咁諗，同要求一個40歲1米6嘅人
再要佢高多20cm無分別

因為抽筋囉

你冇試過咩？
合埋眼 按摩下附近啲肌肉都feel到會有酸痛啦

我認為比較合理嘅比喻係做gym
車房排骨仔都可以練到變健身教練

有無諗過都係假性近視回落
你可以話佢個做法係幫助到放鬆
但唔能夠撼動到已形成的軸性近視

你係咪視光師？

我係客戶 我講出我嘅要求
你記住 而家係我畀錢你賺
你係要負責服務我 盡量滿足我嘅要求
你首先搞清楚自己咩身份先 OK？

我係客戶 我要求做自然回服視力嘅療法 唔可以戴眼鏡 唔可以做手術
我而家唔係嚟問你意見 只係問 你滿唔滿足到我嘅要求？
如果滿足唔到嘅 唔好意思 你接唔到我呢單生意
我並唔係你嘅潛在客戶 你可以過主㗎喇

你自己無能 仲要喺度說教？咁咪盞畀丟假？
應同我嘅人都係要求逆轉近視 唔係要帶副眼鏡上去假裝自己係視力正常
係你地呢個學界無能 你做唔到呢個要求
其實你冇資格喺度出聲

我用骨來做比喻
骨係無得練
就好似眼咁
一早生定左

你都幾好笑 咁人哋跌打嗰啲骨折又醫得返喎
why? baby why? 回答我！
你又話跌打係唔科學？屌咩

起碼人哋真係做到實事
跟佢方法 成功率未必100％
係直接改善到視力 冇花冇假

正統視光學嗰班人 搞咗百幾二百年
就淨係識得叫人配眼鏡 仲要越配越深 DLLM！
仲要大條道理話 係咁撚樣㗎喇
擺明醫唔好㗎喇 吹咩 咁嘅態度
你有冇廉恥㗎？
明明係你地無能 仲好意思大大聲講出嚟

先唔講係咪視光師
呢度無收取你任何費用
所以你唔算係客
其次，提供理論同解剖學知識
俾你更了解你所謂嘅療法
明知不可為而為之
我都都咩好講
如果到呢度，你都未醒
咁就當我學藝不精
呢個療法你想用就繼續啦
我都唔會阻你
你就當我係個勸教人
勸個啲仲識醒嘅人
如果呢個療法係效果顯著
我諗應該會通街通巷都都用緊
唔會淨係網上留言幾句話自己逆轉過千度
而現實用過嘅人都知無用
先會消聲匿跡，無人再提

最後一勸，得閒就去做個藥水散瞳驗光
確實一下自己真正嘅度數再用療法
之後真係逆轉左，先有個真正有意義嘅證據嘛

你都係未明
成功個堆咪就係假性近視個堆
而無用個堆就係軸性返唔到轉頭個堆
如果照佢個效果，應該就係100%啦

骨折醫返唔係練
係打石膏固定，仲有機會要上螺絲
要手術，要唔可以活動
點樣有所謂訓練係入面
老實問句，真係骨折，你跌打酒醫得好咩
其實，你係咪想講斷骨增高

仲有，近視唔係病
係生物適應外在生活環境嘅型態
只不過一但成型，無法更改
因為唔係病，所以無得醫
無所謂嘅療法可以治理
而眼鏡只係一個輔助工具
佢係幫你睇得清楚嘅工具
你可以唔用，但唔可以話佢無用

終於有一樣嘢我係認同
冇錯 近視根本唔係一種病
我認為佢只不過係一種身體狀態
其實就係個人嘅選擇要如何處理佢
你可以選擇戴眼鏡 做手術 或者自然療法

如果有心打算逆轉近視嘅人
就唔好去搵視光師喇
好大機會佢恥笑你 話你係邪教
只會令到你堅持唔到落去

當然行內係有良心視光師低調咁支持緊呢樣嘢
嗰本書“你帶錯眼鏡啦”係一個台灣嘅視光師
佢係會主動配合近視自然療法
幫人配降度數眼鏡的

既然係咁
如果一個人首次發現有係近視
理所當然 要假設佢只係假性近視喎
第一件事就應該嘗試自然療法
如果自然療法真係唔得 佢先應該考慮配眼鏡
或者配眼鏡根本只係一個輔助性質
終極嘅目標應該係自然地逆轉近視

笑

其實呢本書係講幫細路控制近視
而唔係令近視逆轉
係眼球成形前有效控制加深
而唔係令已存在嘅軸性近視消除
不過唔緊要，你高興就好
記得療法前去散瞳驗個光
知道真正度數後，再行療法先有證據比照
唔係俾人睇，係俾自己知道係咪效果顯著嘛

唔需要假設係假性
因為已經有方法可以知道真性定假性
之後再行相應處理就可以
唔使下下都自然療法

身體發生咩事 只有當事人自己最清楚
你只不過係局外人 你嘅資訊係十分有限
如果你真係一個開明嘅人 你應該自己去嘗試
你親身嘗試咗 你先有資格作出評論

而我估計你自己根本就冇試過任何自然療法
係咪？你嘅資料來源純粹係讀書讀返嚟
回答我！

我就話比你聽 我個case 我最高係400度 5到10年時間 逆轉到得返平均100度（我唔知係真近視假近視 名目嘅嘢隨便你點定義啦）基本上每一至兩分鐘都出一下clear flash 做一下Bates swing或Rocking又可以出到 有時狀態好 係會清晰度等於0度 幾百米距離以外嗰架車個車牌號碼我都讀得到出嚟

以上所講嘅日日都發生喺我身上 然後你同我講 我係“不可為而為之” 我真係唔知再講啲咩好 明明係已經成功咗 你就憑你讀書讀返嚟嗰啲outdate嘅理論想否決 憑乜嘢？

你去專業驗眼嗰啲驗啦
我都有假近視，普通驗300度，滴咗放大瞳孔眼藥水之後驗 200度
所以唔好去普通嗰啲眼鏡舖驗，有機會唔準

祝你好運啦，巴打

佢梗係講得好隱晦啦 佢自己係視光師 如果真係咁講 會得罪全行 一齊封殺你都幾難玩落去（賣一副眼鏡利潤率係幾高 你懂的）佢書入面提到佢幫自己個女配150度正鏡 個目的就係幫佢逆轉近視 而事實上亦佢都成功 頭幾個星期已經減咗50度

另外 如果要我做白老鼠 我可以
但係我要有糧出 我先至幫你地做 始終都用咗我私人時間 同埋期間我係要配合你哋嗰邊嘅研究 變咗我有自己私人生活嘅犧牲
但我都唔係乜都做 如果你要對我對眼落藥 我覺得呢啲屬於入侵性 我個人就表示抗拒喇 只限非入侵性嘅研究 我可以做白老鼠畀你哋研究
你有冇大學介紹？

你繼續自然療法啦
自然療法真係好適合你