[近視四眼撚入] 近視眼自然療法 係咪真係得？求經驗分享

醫學界未有相關論文出來喎ching
你所謂咁多人逆轉成功，都係佢嘅片面之詞
如果有，就算效果幾微細都好，都會有論文講啦

睇清楚我寫乜未？
物件係放係100cm 而我控制要佢睇成20cm 所以會out focus
所以節狀肌係間接由我意願去控制到

我又真係想知有無相關論文講近視逆轉
呢個題目係4年前已經係YouTube 見到
但直至今日，都未有相關論文現世
你覺得如果係真，會無教授學生之類去搵呢啲人？
900變返0喎，研究到出論文一定功成名就

好，你威

算啦兄弟

我覺得自己入左個邪教教壇入面咁

醫學界懶唔肯寫論文 關我咩事先？

我所關注嘅 就係我對眼睇得清唔清楚 就係咁多啫
唔想戴眼鏡唔想做手術 但係又想睇得清楚
咁唔通佢30年後先至出論文 我到時先至開始信呀？
到時未死都大半世啦 蚊都瞓啦

同埋你真係唔好咁迷信
唔係所有嘢都要科學證明到佢先代表有效
好多自然療法 例如按摩推拿針灸冥想呢一類
都未必有科學證明㗎啦 因為效果冇保證 但咁咁唔代表唔得喎

你所謂既咁多人成功有冇科學實證同數字？
咁講法我見一街戴眼鏡既人仲多啦

你而家戴住副眼鏡就睇得清楚
呢個就係科學
自然療法同針灸冥想呢一類，就好似信神信佛咁
唔係話唔好，效果變成所謂見人見志
當然心理安慰都好重要
能夠令身體自療嘅能力提升
當然都係見人見志

你覺唔覺得有少少怪怪地
就係因為科學，先打破左迷信
如果我迷信，就唔會相信科學
你有無諗過，真正迷信個個係邊個

唔只4年啦 你計Bates個本書面世已經100年
嗰時開始已經有唔少人成功逆轉到啦
我唔知咩原因個主流視光學唔肯接受
我估計都係同利益衝突有關係 如果佢承認近視可以逆轉
咁個個都走去做自然療法 咁邊個畀一千蚊買副眼鏡 邊個畀三萬蚊去做矯視手術所以佢情願話呢啲係假性近視囉
不過呢啲都係陰謀論我都係當食花生算啦
我唔理你主流點樣睇啦
理論唔重要 實際發生先係重要
總之有方法可以逆轉到 呢個先至係重點

我冇迫你信任何嘢
如果你係鍾意戴眼鏡戴一世 絕對唔接受有其他方法嘅
其實真係冇問題 人各有志

https://zh.m.wikipedia.org/zh-tw/贝茨法
Ching 你信奉嘅wiki 唔係咁寫喎

其實做唔難
要變成潛意識習慣先係最難
一陣去返壞習慣又會倒退

cls

我個視光師冇咗我呢個客好耐
佢之前話因為淚水喺我個眼角膜上面形成咗一個透鏡效應
所以我先會見到clear flash
但我覺得呢樣嘢發生嘅機會應該好低

anyway要自己量度近視好易：
1 / 遠點 cm x 100 = 度數
例如如果最遠清晰只係睇到20cm即係500度近視

我淨係會做Bates swinging

唔帶眼鏡都睇得清楚 又點解呢？

」lm

因為你身處嘅地方叫香港
如果你去中國大陸或者非洲啲農村你會發覺根本冇人戴眼鏡的
全部都係視力正常

老實講句，見你講之前個視光師個解釋
就知佢之前配錯你度數個機會有幾大了
佢唔通現場話你知佢配多左度數過你咩

咁係因為生活環境同用眼習慣呀
由細到大都係野外，眼軸自然唔會生長
因為成長過程中，眼球為適應其生活環境同習慣而生成咁
非洲有人視力到6.0添

強帖黎明

跟過我嘅視光師起碼有三四個 從來唔係跟死一個
我配過咁多副眼鏡 越配越深 150度 225度 325度 375度
全部唔係同一個視光師開嘅
咁啱佢哋全部都係配多咗度數畀我？
有冇咁好彩呀

散光得唔得？

做咗十幾年眼鏡佬（工作）
可以答你唔得唔work
眼睛一有衰退就冇回復