[近視四眼撚入] 近視眼自然療法 係咪真係得？求經驗分享

我自己分享先 簡單啲講我部分成功 我最高400度 用咗五至十年時間 依家回落到大約150度左右 目前仍然在努力嘗試逆轉 但大部分時間我都唔帶眼鏡唔戴con了

我小學開始戴 第一副好似係150度近視 之後越戴越深 十年後最高去到400度近視 帶足度數近視鏡睇書睇手機 超過十分鐘就頭痛 完全頂唔順 開始自動自覺除眼鏡睇近嘢 從此400度就係封咗頂

後尾睇咗某啲網站 外國好多鬼佬近視都話醫得返 主要係講Bates method有興趣自己搵資料 有啲話900度1000度近視都可以變返做0度 我就好奇香港有冇成功嘅例子？請慷慨分享

我自己跟住鬼佬啲方法做 試咗好幾年 的確係會慢慢逆轉 但過程好慢一年都減唔到100度 但最大嘅好處係解決咗睇近嘢會頭痛嘅問題 我睇近嘢一定唔會戴近視鏡 甚至有時會帶正鏡（+1.0) 感覺上睇近嘢變成睇遠嘢 係會舒服咗 有時會突然間閃過clear flash超清晰嘅影像 依家我無時無刻都練習swinging 間中都係會有clear flash 而且係會直接感覺到條肌肉係放鬆咗 好撚舒服的

一直咁做落去最終真係會還原近視 不過時間太長 到時都老咗冇得享受 所以一直諗緊有冇辦法可以加速 香港應該係近視比例全球第一？到底有冇人成功逆轉到？不如分享下經驗


近視係可加可減機制 所以肯定醫得返
盲目信視光師 佢話冇得醫就一定冇得醫

可以改善代表一樣可以打回原形

係㗎 所以個關鍵係改變到潛意識嘅用眼習慣 呢個最難有時一個唔留神大意咗 長時間打機或者玩手機幾粒鐘 發覺隻眼又係繃緊咗 即時又再練習返 又放鬆返 來來回回咁 所以我就回復得比較慢

係咪匯視

你講central fixation / centralization?
個人嚟講 我做呢個唔work 我反而係做相反仲好效果

睇過個YouTube channel 叫myopia is mental 佢就話 個意識唔可以完全放曬喺中央視力區 要放一部分喺週邊視力 （似匯視的相反） 即係睇手機好多時候太入神 會忘記咗手機外嘅所有嘢都睇唔到 咁就會導致肌肉緊張 睇手機嗰陣 左邊放隻水杯 右邊放個背囊 睇手機嗰陣要全時間意識到背後物件存在 最好配合個頭左右微微郁動 咁個大腦就會判斷到正確嘅距離感覺 識得放鬆返啲肌肉

我用尼個方法睇野會越睇越清，對眼會有涼涼地好舒服既感覺，但好難長時間維持，因為用尼個方法睇野實在太慢。

涼涼哋好舒服嘅感覺 呢個係 係肌肉放鬆咗個種感覺 好爽

年紀大就冇咩用

主要係好難改到某啲習慣 入咗潛意識改唔到
但始終點都好過戴眼鏡一路加深落去

推

我試過work嘅
做咗一年左右
原本左眼400度右眼500度
依家左眼325右眼375度

一年降100度左右 算快
你用邊啲方法覺得最有效？

我記起以前電波少年個昭仁，由最初要帶眼鏡到到後期唔使帶眼鏡

長期喺戶外嗰啲人好少有近視
對眼係會適應環境變返冇近視
次次問啲時光師佢哋就話近視係冇得醫
我覺得佢地咁講好賤格 擺明講大話

樓主即係點樣做

有無一個可能，係你之前就假性近視，越配越深
到近年開始老，調節力回落
假性近視退返出嚟，先以為自己度數淺左
其實係一開始配深左，家下係正常返
或者遇到真正識驗光嘅人，驗出你真正嘅度數
而唔係所謂嘅咩自然療法

想問下老花得唔得

其實咩叫做假性近視？

我戴眼鏡都帶咗10幾20年 結果都係成功可以逆轉 咁根據佢哋個理論 20年都係屬於假性近視 咁點先係真近視？係咪要50年定 80年以上先算

個人覺得就啲視光師拒絕去接受某啲近視逆轉嘅個案 咁就巧立明目叫假性近視 咁就唔會破壞佢個近視不能逆轉嘅理論 個人覺得咁樣講係好取巧

我就覺得 不如簡單啲定義 根本所有近視都係可以逆轉 無論假性或真性近視都一樣

google關鍵字：
Bates Method
Active Focus
Print Pushing
Reduced Lens
Positive Lens

YouTube channel:
endmyopia
myopiaismental

中文書：
你戴錯眼鏡啦

我冇呢種經驗 不如你分享下
老花即係點？係咪遠近都睇唔清楚？

近睇唔清，遠野反而睇到正常

 外國好多鬼佬近視都話醫得返

討論都嘥氣，人地大咗不嬲都會偏向建造遠視，所以就算有近視都會好返因為拉上補下。 反而我哋亞洲人就相反，反而偏向有近視

問咗ai
老花係因為個晶狀體硬化所以調節唔到睇緊嘢
自然療法係對於近視和遠視有效
老花就真係唔清楚 不過你都可以試下遠近對焦嗰啲練習 話唔定有幫助

年紀大睇近嘢唔清楚嗰種叫做老花
同遠視本質上有好大分別喎

而且近視同人種冇關係 而係同居住環境好大關係 鬼佬比較少啲近視因為人哋間屋都大啲 亞洲人就住劏房 唔近視都難