[近視四眼撚入] 近視眼自然療法 係咪真係得？求經驗分享

無話你全家唔健康，係咪閱讀理解有咩事

我全家都好健康 視力又清晰
你擔心下你的眼鏡蟹貨冇人買好過啦
真心想知道你地呢班港燦視光仔將來有咩打算？
而家個個配眼鏡而家都返深圳配 平靚正 服務好 態度優質 又有一大班人自己上拼多多買con 十分一價錢就有依家仲要有我呢種人鼓吹自然療法唔使戴眼鏡你哋啲生意係咪大跌交唔交得起租呀

見到你呢種人，呢種諗法同購買價值觀
除咗“我真係恭喜你”之外才都無咩好講
你努力上深圳啦，上廣州，去埋溫州都得

價值觀？點及你地呀
唔聽話唔信你哋嗰套 就叫人地做閪客

雖然我唔鼓吹顧客永遠是對的
起碼人哋深圳啲視光師未見過咁惡劣態度
有部分甚至會幫客戶度身訂做自然療法
主動提供降度數鏡片

其實好簡單
眼球入面嘅肌肉
因唔同情況都會有變化
例如心情太緊張
或者太疲倦
都會令佢鬆咗或緊咗
所以滴藥水放鬆晒先係最準

有視光師/眼科醫生同我講過
滴咗藥水驗
近視相差100度以上並唔出奇
但通常小朋友係咁
成年人少啲

睇眼科通常第一次開file 都會滴藥水驗
有啲眼鏡鋪都會同你滴藥水
但唔係間間會
滴完藥至少等半個鐘至一個鐘先可以驗
啲藥唔會咁快散，可能會令你有幾個鐘、甚至全日都睇唔清楚嘢
一般客去眼鏡鋪未必會預計係咁
所以好少會咁驗

從呢個角度睇
眼球肌肉鬆緊會影響度數
咁唔排除一啲可以影響眼球肌肉鬆緊嘅方法能改變度數
但原理上都唔係真係減緊真度數
而係好似滴藥咁去減少假近視

oblique muscle或rectus muscle如果長期處於繃緊狀態 係咪會導致眼球變形 點睇？

又話唔信視光師個套
但就信深圳視光師
度身訂造自然療法
我真係恭喜你呀

人哋係視光師
你係視光狗

完全唔同性質

睇見你班視光狗就覺得可憐
日日又跪又篩 求我哋啲閪客幫你買多幾副眼鏡 配多幾條con
點知月頭都係唔撚夠交租
你口中班閪客最終比深圳搶曬
淨低嘅 跟我哋自然療法 從此唔使戴眼鏡 以後都唔返嚟搵你
call定執達吏幫你封舖都得
你哋將來諗住點？你仲慘撚過的士牌嗰班苦主

推

樓主，認真俾啲建議你，就係最好都睇下眼科，咪當做下身體檢查。

以你個情況，最後跌幾百度，有以下可能性：

1. 當日係假近視 (係可以差100度以上及長期發生)
2. 你當日真係有 400度，而你個方法真係 work
3. 你當日真係有 400度，而你眼球肌肉在退化，所以近視度數下跌 (開始出現老花嘅人，唔少近視度數都係會下跌) 可以係老花，亦可以係其他眼疾或病變所致。

之所以要你睇下眼科，因為度數會大幅下跌，始終唔可以叫「正常」。最後如果 check 到乜問題都無，咁即係應係 1 或 2，都認真地恭喜你，因為至少肯定你係在一個健康情況下度數低咗。但如果係 3 ，咁就越快發現越好，老花或其他眼疾，點都係早啲知盡早應對。

同埋 「視力」唔止係講近視、遠視、散光等的「屈光度數」，
唔係話你近視淺咗，就等如「視力」好咗，呢啲真係要做下視力評估先知。

=========

題外話，樓主你一開始話「最高去到400度近視 帶足度數近視鏡睇書睇手機 超過十分鐘就頭痛 完全頂唔順」如果唔係講緊剛戴新眼鏡，而係戴咗一排都係咁，其實已證明咗當日眼鏡度數唔啱你。一係你當時你根本無 400度(即前正講嗰堆假近視)，又或者眼鏡其實唔係400度，又或你個生活習慣根本唔適合用用完全「足度數」嘅眼鏡。

我唔係專業人士，呢啲都係我綜合過幾個視光師及眼科醫生話我知：唔一定要「配足」度數，最好係因應日常生活習慣去配。例如你係長期都會揸車，度數要足啲；但如果長期要睇書睇電腦，就唔建議配咁足，因為會配服啲。我嘅視光師會講晒足度數同唔足度數嘅好處壞處，俾我自己去選擇。

度數只係一個range 嘅參考，先唔講可以差成超過100度嘅假近視，就算一個人普普通通，在不同狀態下去驗，度數都可以有些微出入。眼鏡鏡片度數就固定，但實際你對眼嘅度數正常都會在一定 range 入面浮動，至少以現今科技，世上未有任何一副眼鏡，係24小時都可完全配合你做任何事情。

又即係，你驗到 100 度，其實個 range 係 90-110 度(呢個度數我只係作比喻，實際個 range 有幾闊要問返專業人士) 即可以配 90 -110 度俾你都 ok。所以一係就配多過一副眼鏡去應付不同需要 (e.g. 揸車一副，工作一副)，一係就了解自己生活習慣，搵個最大公因數。

另外，100 度近視配100 度鏡片，同1000度配1000度鏡片，對隻眼嘅負擔並唔係相同嘅。1000度配1000度鏡片正常係會辛苦過100度近視配100度鏡，所以是否配足度數，唔配足咁要配幾多，都好多嘢考慮，唔係鐵板一塊。

利申：我唔係專業人士，但因為自己有載眼鏡，及家人有需要長期睇眼科，所以問過好多唔同視光師及眼科醫生問題﹐由公立到私家都有。

坦白講有啲論點唔同視光師及眼科醫生講法都會有出入，而且我理解嘅亦唔一定完全正確，有錯的話請大家幫忙指正。

龍心係成功例子
佢由幾百度變到唔哂點帶眼鏡

多謝你關心

我估計可能性係1或2為主嘅機會最大 如果話真係因為病變情況3 我會感覺比之前更差更加唔舒服 而且一定會觀察到有其他嘅病徵出現 （例如話白內障會越睇嘢越矇 青光眼你個視野會越嚟越窄 視網膜脫落就會突然間眼前一黑 諸如此類）以上呢啲我完全觀察唔到

我做自然療法 除咗度數變化之外 其實亦都感覺到身體其他地方都明顯舒服咗 最明顯就係 頭痛問題消失 眼部肌肉嘅酸痛感覺減少 後頸visual cortex附近嘅酸痛亦都消失 所以話自然療法根本唔係淨係改善視力 而係整個身體都明顯改善咗 所以我係非常有動力堅持繼續做其實就等於定期做運動一樣 唔係為操肌肉外表好睇 而係為整體調理身體

你話定期當身體檢查去睇眼科 我覺得都係冇壞嘅 不過一來咁樣會好貴 好肉痛 睇眼科專科醫生 都千幾二千蚊一次啦 而且據我所知睇專科醫生之前係要先睇普通科 要普通科醫生寫封介紹信 我先至可以去眼科專科醫生嗰度睇 如果普通科醫生問我對眼有咩病徵 我都答佢唔到 因為根本就不痛不癢 純粹話我度數減咗呢個唔係病徵 佢都未必肯寫介紹信

出現病變嘅機率唔係咁高 唔使自己嚇自己嘅 始終患病嘅只係好少數

同埋 「視力」唔止係講近視、遠視、散光等的「屈光度數」，
唔係話你近視淺咗，就等如「視力」好咗

呢一點我係認同嘅 我終極目的係改善視力 至於度數幾多我冇需要好精確地追求個數字清零嘅

關於我個近視度數 我再澄清多次 我個所謂度數係用呢個方法計出嚟：
1 / 遠點 cm x 100 = 度數
其實視力有冇改善 淨係睇遠點越拉越遠 就知道有效 我之所以寫個度數出嚟 都係方便畀啲讀者參考啫 否則我好難用其他方法表達視力改善咗幾多 （例如 我可以直接寫 遠點由25cm增加到100cm 如果我咁樣寫啲讀者就會一頭霧水 都唔知我講乜 但係如果話轉換返做近視度數 就即係400度跌到得返100度 咁就大家好理解呀嘛）

anyway 其實如果最遠睇到100cm以外嘅細字 基本上絕大部分嘅畫面都係算幾清晰 個近視問題已經解決咗九成 因為大部分時間已經冇需要再戴眼鏡 除非話操作機械或者晚上揸車 最多就暫時帶100度嘅眼鏡 否則我都係如常生活

係你一直有假性近視 但你唔知咋
睇近野頭痛就係symptoms 用多咗力
正常都要做cycloplegic refraction
放鬆返睫狀肌驗度數會最準確

好多人唔敢滴藥水
令到視光師幫唔到你完全放鬆返

所謂咩療法...
近視發展有好多個原因
最普偏既原因：眼球大粒咗都唔會縮返細
所以先會講無法逆轉

其實如果真係oblique muscle收緊 肌肉唔平均
你係會有斜視, 重點唔係你嘅度數

我哋前題係追求“視力改善” 只要裸眼睇嘢越嚟越清楚 就係成功喇 因此 我哋不追求非常準確嘅度數檢驗 所以什麼落藥放大瞳孔呢啲操作我哋通通不作考慮

另外 其實最近已經開始有學界論文開始認為眼軸變長了是可以逆轉的 碌上幾版我有放份論文出嚟 有興趣可以研究下 但我唔會否認 如果眼球長咗 要令佢變返短 唔係一件容易嘅事 而我哋亦都再重申一次 我嘅目的始終係“視力改善” 並非“縮短眼軸”

因此眼軸是否能夠縮短 其實亦都無需過份重視 因為人類嘅眼睛實在有太多其他未知嘅因素影響視力 眼軸長度只不過其中一個因素 網上見到咁多成功嘅自然療法例子 我相信有好多係屬於真性近視都能夠成功逆轉 呢啲例子點解會成功呢？我唔夠膽講佢哋可以將拉長咗嘅眼軸縮短 但佢哋可以係透過其他影響視力嘅因素彌補 例如係肌肉放鬆 甚至係晶體屈光比率下降 彌補咗拉長眼球嘅作用 亦都係大有可能性存在

我之前主要係問 inferior oblique 和superior oblique呢兩條肌肉
正常情況下佢哋係各司其職 唔會同時收緊
問題就係大部分肌肉緊張嘅人 呢幾組肌肉都係處於不正常狀態
你自己有冇近視？你合埋眼 隔住眼皮用手按摩下呢兩條肌肉 按摩下眼球週邊嗰啲位置 有冇感覺到明顯酸痛？
如果有酸痛 咁咪代表肌肉係處於不正常狀態 情況可以比喻為抽筋
例如你手臂嘅二頭肌同三頭肌 喺正常狀態底下唔會同時收緊 各司其職
但係你試下緊握拳頭 係咪成隻手臂所有肌肉都收緊
如果長期係咁樣情況 即係抽筋
尤其是兩條oblique肌肉如果長時間同時收緊 佢哋嘅位置剛好就係環繞眼球嘅圓週 會將眼球夾到變形

如果係真嘅 我恭喜佢

亦都事實證明
就算精神唔正常嘅人 視力都可以正常
兩者係冇衝突的

Not available in your region.

香港IP睇唔到

又要翻牆

首先要搞清楚
視力 = visual acuity = 最盡睇到有幾細
而唔代表度數 (refraction power)

明白你係想啲度數 由有度數 變做 0度

理論上
- 角膜弧度變平
- 晶體弧度/折射率改變
- 晶體位置改變
- 視網膜位置變前
都會令度數變少嘅
但通常都係有眼疾先會有以上情況出現

你都好難講啲所謂近視療法會唔會戴壞眼架喎
都有風險

例如成日強逼自己放鬆肌肉, 可能會令肌肉習慣咗,唔識contract返
咁又係好事？

同埋眼科醫生同視光師們想控制同減漫近視
係因為近視主要素係眼軸增長
眼軸太長係會令到視網膜退化風險高好多
視網膜退化令視力永久受損 會盲
所以先想大眾關注近視問題(眼軸增長)
發育期早啲控制

有關調節力問題嘅假性近視 其實真係算小事啦
起碼你唔會盲 你隻眼都係健康
唔洗太在意係咪0度 反正你過45歲一定有老花 要戴返眼鏡 大自然定律黎

希望大家身體健康

我補充你上面嘅list

- 節狀肌肉放鬆令到晶體再變薄 抵消咗眼軸長嘅影響
- 控制飲食 改變咗晶體嘅成分 從而降低咗晶體嘅屈光率 光線焦點重新投放喺視網膜之上
- 眼球週邊嘅肌肉放鬆 令到受壓嘅眼球回復返原本應有嘅形狀

以上係我諗到完全有可能抵消軸位性近視嘅一啲額外情況

另外 自然療法有冇風險？非入侵性嘅訓練 可以有咩風險？即係做gym咁 覺得有唔舒服 自己停低 適可而止囉 不過有種講法 有啲人減到0近視之後 都仍然繼續帶正鏡去練 因為佢想追求超視力（例如20/10）佢反而練到有少少遠視 不過呢啲應該係好罕有嘅case 我自己如果一旦降到0度之後我就會收手 保持住唔反彈就ok喇

45歲一定老花咩？未必
我身邊有老人家過咗七十幾 佢都都冇老花 佢除低附近視眼鏡就可以睇書睇成日

因佢佢有近視嘛
例如佢近視-2.00
老花係+2.00
睇近嗰陣就唔洗戴眼鏡 因為抵消咗 =0
唔代表佢冇老花問題
佢只係唔需要老花眼鏡
但佢有近視：祼眼睇唔清遠