【科幻故唔係科幻幻故/幻幻故】《今次一定救到你》(1)

飛揚

1001 回覆

10 Like 0 Dislike

飛揚 2025-05-21 12:27:59

圍個靚爐

飛揚 2025-05-21 12:28:10

揸𨋢早

飛揚 2025-05-21 12:28:46

熱檸茶走冰 2025-05-21 12:29:17

午

飛揚 2025-05-21 12:29:34

飛揚 2025-05-21 12:30:00

走冰午

熱檸茶走冰 2025-05-21 12:30:05

飛揚 2025-05-21 12:30:48

各位早晨

風扇開得耐會唔會著火

飛揚 2025-05-21 12:31:19

Kyccccc19 2025-05-21 16:02:24

出櫃未

飛揚 2025-05-21 17:54:58

非Gay

飛揚 2025-05-21 19:00:02

上回講到時世剪完頭髮，就去買花先～
老闆娘想幫時世揀㗎～不過時世想自己嚟～
都咁多年仲係信唔過老闆婆啲花？
唔係～係時世想親力親為姐～
買返十一支黃玫瑰，就去搭巴士喇～
點解唔搭黨錢或者Uber？
時世唔鍾意囉～
咁唔自己揸車？揸林寶囉～
係窮呀！
到目的地已經開始落雨～
時世就撐起雨傘行～
沿途都冇人～因為唔係啲咩特別日子～
或者只係對時世佢哋嚟講特別…
行到上嚟墳場，離遠就見到有三個擔住遮嘅身影...
時世離遠企定定咁望過去...
啱啱將束花放喺墳墓前嘅...係安哥仔...
離遠都睇到佢嘅肥大身形呢～簡直係漆黑中嘅螢火蟲一樣～
而喺安哥仔身邊嘅...係威姐同魚魚...
兩個女仔望住墓前點點頭～又指住束花擰擰頭～安哥仔又好似唔好意思咁摸摸頭～
好似好多嘢要講～或者話安哥仔啲花都係唔夠靚之外，仲會講埋呢一年發生過啲咩事～近況如何～
時世就耐心咁等...離遠咁耐心等待...
時間又再一分一秒咁流逝...從來都冇停頓過...
然後又不知不覺間...等到安哥仔、威姐同魚魚向住個墓揮揮手。
望住佢哋轉身，喺毛毛細雨中慢慢離開。
都差唔多喇...
等到佢哋嘅背影都消失晒...時世就撐住黑色遮，抱住束黃玫瑰...慢慢咁行...
與一個又一個墳墓喺旁邊擦身而過...
一路上好似好漫長...
好似行極都行唔完...
但又會喺不知不覺之間...行到嚟目的地...
時世行到嚟家嘉嘅墓前，望住佢張面帶燦爛笑容嘅相：『我嚟咗喇～』
今日...係家嘉嘅生忌呢...
跟住既劇情發展又會係點呢？

準備出文

飛揚 2025-05-21 19:00:21

『十年喇...』我將束黃玫瑰放喺安哥仔束菊花旁邊，『雖然話都係黃色...但點會係買菊花㗎？呢個安哥仔真係...』

我帶住微笑擰擰頭，望返家嘉張面帶燦爛笑容嘅相...

『十年喇...你都係冇變過呢～』

十年喇...不知不覺家嘉已經離開咗我哋十年...

『係吖！你知道嘛？新一季No Life No Game終於要開始！』

十年...係長？或短？

『估唔到呢～一等就等咗十年喇～使唔使我燒俾你吖？』

有時好似不知不覺...

『呢十年真係發生過好多嘢呢～』

有時又好似好漫長...

飛揚 2025-05-21 19:01:46

『前幾年咪話武肺嘅？嗰陣嚟探你都要戴口罩～』

尤其係喺...回望過去嘅時候...

『呢兩年我都冇戴喇～街上嘅人都少戴咗～』

時間不知不覺咁流逝...

『但係唔係真係好轉咗？我覺得越嚟越差就真...』

但當你回望之時...

『好多舖都笠晒喇～街上都冇咁熱鬧歡樂...』

原來已經係咁耐之前嘅事...

飛揚 2025-05-21 19:02:56

『或者清靜啲都唔錯～』

『好似你呢度咁...幾清靜...』

『係呢～呢十年...你寂唔寂寞吖？』

『究竟當年...』望住過咗十年都仲係一啲都冇變過嘅家嘉，『你想同我講咩呢？』

我一直都等緊...

等待並算不上痛苦...

一年又好...兩年又好...十年都好...只要最終等得到...

但有啲嘢唔係話你想等就等得到...

俾你等足一世...最後都係一場空...

『呢十年...我好掛住你呢...』

飛揚 2025-05-21 19:03:52

一直望住家嘉...一直帶住燦爛嘅笑容...

唔知過咗幾耐...好似過咗好耐...好漫長嘅時光...同時又好似停頓一樣...

“嘀嗒...嘀嗒...嘀嗒...”幸好雨聲證明時間在流動...

雨都開始大...每年都係一樣呢...

『好喇...差唔多要走喇～下年再探過你啦～』我帶住微笑望實家嘉揮揮手～依依不捨咁轉身走...

“嘀嗒...嘀嗒...嘀嗒...”擔住把黑色遮繼續慢慢行...行到不遠處...另一個墳墓...

『曾Sir...』我鞠個躬。

飛揚 2025-05-21 19:04:54

每年探完家嘉，我哋都會順道嚟同曾Sir鞠個躬...

又會咁啱...都係葬喺呢度附近～

其實喺我哋第一次發現曾Sir個墳墓都愕咗然！

世事又有冇咁多巧合呢？

不過就係唔到你唔信囉～

好多嘢你都係估唔到～

估唔到...嗰年發生咁多事...

『嗰年真係死得人多呢...』

飛揚 2025-05-21 19:05:48

“嘀嗒...嘀嗒！嘀嗒嘀嗒嘀嗒！”雨越落越大...

“我快樂有時我叫悶有時也算上天的恩賜”

大到都唔係好聽到...電話響...

“回頭是憤慨看不到未來於年月裡比賽”

其實又點會聽唔到？

“時光機永未及發明哪裡覓證明”

我拎部電話出嚟睇...係經理...

“轉季讓半山結冰”

我就係知一定係佢條八婆打嚟先唔想聽...

飛揚 2025-05-21 19:06:54

“這嘀嗒又嘀嗒時鐘似簷篷滴雨聲”

唔想聽都要聽㗎啦...

我就滑動解鎖：『喂呂經理？』

「喂你立即返去1881舖。」呂經理二話不說就單刀直入。

『我今日請咗全日假喎...』我尾音都未發完...

「請咗假又點吖？唔識消假㗎？」呂經理已經用上強硬態度！

『但係我...』我都仲未講完...

「但咩係吖？你個好同事周大姐又話佢個肚唔舒服！又話要走去產檢喇！你有冇肚呀？使唔使產檢呀？唔使就立即同我返嚟啦！」呂經理一啲都唔客氣！

飛揚 2025-05-21 19:07:51

『哦...好...咁我而家返嚟啦...』

「一為神功...二為弟子...為同事又好...為公司又好啦...返到去通知我...」

『係...』咁邊個為我？

「係咁...」呂經理就Cut咗我線...

『唉～逃避嘅時間真係短暫呢～又要面對被迫面對～』

我向曾Sir鞠多個躬...就離開墳場。

“嘀嘀嗒嗒！嘀嗒嘀嘀嗒嗒！嘀嘀嗒嗒嘀嗒！”雨越落越大...打到落把遮嘅時候都勁大聲...

坐巴士返舖頭，大雨到出面嘅景色都望唔到...

飛揚 2025-05-21 19:09:19

而當我一返到舖頭...

「咁遲㗎？！」周大姐就抱住個肚，「我個B有咩事唯你是問！」

『Sorry Sorry...』你個B可以有咩事吖？四個月就咁緊張...

「係咁啦！」周大姐就拎埋把遮趕住出門口！

行咁快睇路吖...落咁大雨一陣仆街又入我數吖...

我都係換返套衫...唔撚係！要打返俾呂經理先！

我都係打返個電話俾呂經理...

「嘟...嘟嘟喂返到喇嘛？」呂經理又係唔多好老脾。

『係吖呂經理...返到喇...周小姐都走咗喇...』長話短說...

「嗯...」

又係連句Bye都冇講就Cut咗我線...

唉唔撚理～換衫先～

飛揚 2025-05-21 19:11:28

換返套衫...整齊得體...儀容OK...就掛返個“OPEN”牌喺門口...

然後就睇睇啲廚窗...睇睇啲錶...

再搵返塊布，抹抹啲玻璃...抹返走啲指模...

然後又坐低...睇睇啲數...

我係做咩？Sales仔？呃...點講好呢....其實我係喺一間十大名錶品牌嘅公司工作嘅～

要做啲咩？點解要落舖？咁即係售貨員？

呃...我唔知大家有冇去過呢啲名錶店舖啦...即係呢...通常都有個職員喺裡面，著到西裝筆挺～好專業咁～

然後裡面又有張工作檯～上面放咗啲文具電腦咁～十足十經理房入面嗰啲咁㗎呢～

我咪就係喺呢啲地方工作嘅人囉～

咁咪即係Sales仔啦～唔好以為喺名店做就高人一等先得㗎～

唉是旦啦～喺香港唔係做老細，都一律係奴隸嚟㗎啦～

飛揚 2025-05-21 19:12:14

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～