【科幻故唔係科幻幻故/幻幻故】《今次一定救到你》(1)

飛揚

1001 回覆

10 Like 0 Dislike

格躺 2025-06-02 13:31:55

飛揚 2025-06-02 14:50:51

揸𨋢人2.0 2025-06-02 17:50:03

飛揚 2025-06-02 17:56:24

小新之助 2025-06-02 18:57:17

等

飛揚 2025-06-02 18:58:49

小新晚

飛揚 2025-06-02 19:00:26

上回講到時世返翻去過去都有成日～
仲係唔習慣～好唔真實～
最唔慣就係自己個柒頭！
搞唔掂！都係趁住放假去剪剪先～
去返搵Kit剪～話時世係第一個客喎～
時世都記得係差唔多呢個時間開張～係估唔到做咗第一個客姐～
都未開始剪，就有兩條金毛仔走嚟收保護費！
時世就串鳩佢哋連吉都冇，收乜春保護費吖？
好吖吉吖嘛？！
兩條金毛仔走咗之後，就開始剪髮～
都係由Kit決定點剪啦～
以前係咁，而家都唔好變～
阿Kit都係好似第一次咁，勁有心機。
用上一個鐘時間，幫時世剪好個Undercut，仲幫佢Set好埋個頭。
「O唔OK？」阿Kit拎住塊鏡幫時世照照後面。
『OK。』時世點點頭，『好OK。』
終於剪返個時世熟悉嘅髮型～
好滿意咁俾埋錢...
「多謝晒～」阿Kit雙手接過時世手上啲錢，鞠個躬，「歡迎下次再幫襯～」
『嗯～下次見～』時世向阿Kit點點頭，揮揮手，行出Barber。
“叮叮噹”就喺時世一行出門口之時...
“我快樂有時我叫悶有時也算上天的恩賜”
電話響？
“回頭是憤慨看不到未來於年月裡比賽”
時世拎部電話出嚟一睇...
『安哥仔？』
跟住既劇情發展又會係點呢？

準備出文

飛揚 2025-06-02 19:00:55

“時光機永未及發明哪裡覓證明”

咁早打嚟做咩呢？

“轉季讓半山結冰”

都係聽咗先啦～

“這嘀嗒又嘀嗒”

我就滑動解鎖：『喂安哥仔？』

「喂時世哥～做緊咩吖？」安哥仔有啲輕佻～

『冇吖啱啱剪完頭髮咋嘛...』我就一邊行，一邊傾。

飛揚 2025-06-02 19:02:00

「剪頭髮？」安哥仔有啲好奇，「你唔係啱啱先剪完咋咩？」

『我而家咪啱啱剪完囉...』靚仔晒～

「唔係吖...唉都係唔好講呢啲戇鳩嘢...」安哥仔冇我咁好氣，「得唔得閒吖而家？」

『而家？得吖～』剪完頭髮都未諗要做啲乜～

「喂出嚟食嘢吖～」

『OK吖～我都出咗嚟啦～』

「咁你等我～」

『等幾耐㗎？』

「好快㗎姐我就～」

『你快條撚吖！次次都要我等你成個鐘！』

飛揚 2025-06-02 19:02:37

「邊有成個鐘姐？最多咪九個字～」

『邊九個字？』

「四十五分鐘。」

『五個字嚟㗎喎...』

「係唔係玩嘢吖？！」

『咁喺邊度等先？』

「市中心啦我過到嚟打俾你。」

『OK啦快啲吖...』

「得啦係咁啦一陣見啦...」

飛揚 2025-06-02 19:04:00

行去市中心嘅路途上，我都留意住四周...

十年嘅變遷...缺少咗啲乜痕跡...

一啲為咗掩蓋曾經發生過不愉快事實嘅痕跡...美化工程...

行入行人隧道...地下...天花...甚至兩邊牆身都係殘殘舊舊...甩晒漆都冇人油...

殘殘舊舊...殘殘舊舊...但我比較鍾意眼前嘅殘舊...

殘舊有乜咁好？總比掩蓋事實嘅美化工程好得多...

美化工程...極醜陋...

入到嚟商場，極多大陸客...

拉住一喼二喼嘅大陸客從來都唔睇人！

咁我今次都冇眼睇佢哋～返工就話要對住佢哋戴上帶住親切微笑嘅面具姐～而家我理得佢哋死吖～

飛揚 2025-06-02 19:05:23

我都雙手插褲袋～避都唔避佢哋咁直行～

佢哋唔避開我俾我踢到個喼就唔好話我唔帶眼出街喇～

雖然話成場都係我最憎嘅大陸客，不過仲有樣嘢好嘅...

就係都仲有唔少香港人～

真㗎～難得仲有咁多香港人喺條街度～起碼仲聽到佢哋係講廣東話～

一路行～一路望～安哥仔都冇咁快㗎啦～行陣街先囉～

然後行多幾步...就俾我望到喺人群之中...遠處...有個熟悉嘅身影！

呢個肥胖嘅背影...係IT哥哥？

飛揚 2025-06-02 19:06:36

離遠咁睇清楚啲...喺人群之中再睇清楚啲...著住洗到褪色嘅黑色Tee...加條直腳牛仔褲波鞋...

果然同Steve Jobs一樣～都係漆黑中嘅螢火蟲！

不過人哋Steve Jobs就係型！IT哥哥就係柒～

IT哥哥呢啲毒撚點著都係柒㗎啦...冇得搞嘅...

嗱不過我就唔係想笑佢！仲戥佢有啲可憐添...

做人都做咗廿幾年啦...見得多...遇得多...或多或少都有返少少同理心嘅...

之但係原來肥毒都會出街㗎咩？

以為除咗返工，就宅喺屋企煲動漫J自己啲婆㗎添～

咁出街有咩做？

飛揚 2025-06-02 19:07:38

我就離遠咁跟住IT哥哥...

喺人群之中做掩護...離遠咁跟住IT哥哥...發現佢手揸電話...

咁手揸電話都好正常姐～人人都係邊行邊揸住部電話嚟睇㗎啦～

不過IT哥哥奇就奇在唔係好似身邊啲人咁，揸住部電話嚟睇...而係揸住部電話四圍望...

望咩呢？好似搵緊嘢咁嘅？

我就再留意住IT哥哥...細心觀察...

只見IT哥哥好似有發現！突然轉左行快幾步！

我都行快幾步跟上去！就見到...IT哥哥前面...有三個女仔...

飛揚 2025-06-02 19:09:19

IT哥哥就跟喺嗰三個女仔後面...同時對手都放咗喺下面...隱約之間...仲見到部電話對住嗰三個女仔！

係...偷拍？

我就繼續離遠咁跟住IT哥哥...佢又喺人群之中行近少少...貼過去嗰三個女仔身後...

嗰三個女仔又好似唔多覺有人跟喺佢哋身後...或者係因為人有啲多啦...

原來係搵獵物...

只見IT哥哥左望右望扮晒唔在意前面三個女仔咁...不過越係扮就越覺得佢有古怪！

之但係身邊嘅人又好似留意唔到佢有乜咁古怪...前面三個女仔又繼續行...

或者呢個年頭仲未好多人意識到有偷拍呢種癖好啦～

飛揚 2025-06-02 19:10:40

IT哥哥跟咗嗰三個女仔一段距離...就轉去另一邊！

原來又發現有新獵物！

今次係兩個女仔...同頭先嗰三個都係一樣...都係著短裙...

呢個方向人唔算多...可以好清楚咁望到IT哥哥部電話係對住嗰兩個女仔對腳嘅！

仲有一點係同頭先嗰三個女仔相同嘅...就係都幾細個...

就咁睇大約都係初中？中二三？甚至中一二？

都係啲俾人跟住偷拍都唔知嘅小妹妹啦～

不過就咁睇...IT哥哥都偷拍唔到啲乜㗎啦～雖然都係著短裙...但都唔會咁夠膽伸部電話落去裙底影掛～

飛揚 2025-06-02 19:12:17

然後IT哥哥又好似發現新獵物！一個轉身就上咗扶手電梯！

我就慢慢咁跟過去...就發現IT哥哥已經企到去個小妹妹後一級！

今次呢個小妹妹睇起上嚟仲要細個啲！話唔定最多都係小六...

只見IT哥哥趁住個小妹妹唔為意...伸部電話落去佢短裙底！

影咗一陣...就縮返開！

等到上到去上一層，IT哥哥就同個小妹妹各散東西。

原來IT哥哥係對啲小妹妹有性趣？

唔出奇吖～肥毒嘅性癖都係變態啲㗎喇～

不過講真偷拍又冇乜嘢嘅～起碼又冇話對個女仔做成巨大傷害...應該係掛...希望係啦...

飛揚 2025-06-02 19:13:44

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～