【科幻故 唔係科幻幻故/幻幻故】《今次一定救到你》(1)

上回講到時世真係返翻嚟中學時代！
一打開門仲見到差唔多要返工嘅老媽子！
老媽子後生咗十年吖！
賣口乖都要返學㗎！中四第一日開學唔好遲到～
時世就換返校服先！
好奇怪囉個感覺！但都唔夠個柒頭奇怪囉！
梳極都梳唔好！不過冇咁多時間搞個柒頭喇！
時世趕住返學！返到學校遇到安哥仔！話時世唔係冇咁早起身唔食早餐咩？又咁早返到嚟嘅？
因為時世有好重要嘅嘢做！
原來係上天台搵柔柔！
柔柔一心跳樓自殺！呢層時世係知嘅！只係想知因咩事姐～
原來柔柔俾同學欺凌…仲要已經三年…連升中四都同佢哋一班！頂唔順咪有自殺嘅念頭囉…
『冇錯吖～人生就係有咁多痛苦要承受～你而家忍受唔到...第時大個仲有更多忍受唔到嘅嘢等你接受～』時世冇嚇柔柔㗎～
柔柔皺皺眉咁諗諗...
『所以早啲死都係一種解脫～俾我都想解脫好耐...』呢樣時世唔係呃柔柔...
講真...有邊個唔想死？活喺一個是非黑白都被顛倒嘅世界...
柔柔皺皺眉咁打量住時世...
『不過...』時世好認真望實柔柔，『咁樣跳落去會死得好慘...』
柔柔眼都大埋！
『成地都係血...手手腳腳又扭到奇怪嘅位置...』呢樣時世都係冇嚇柔柔...
時世確實見過...柔柔趴喺血泊上...手手腳腳又扭到奇怪嘅位置...帶住驚慌又絕望嘅眼神...口吐鮮血...唸唸有詞：「痛...好痛...救...救我...」
『要自殺有好多種方法～』時世帶住微笑擰擰頭，『何必揀種最痛苦㗎呢～』
柔柔望一望樓下...吞咗啖大口水...
『更何況...還能活才是諷刺，故此不用做傻事。』
「嗯！」柔柔用力咁點點頭！
『咁落返嚟先啦～』
時世好小心咁扶返柔柔落嚟。
『而家你有我呢個朋友～』時世捉實柔柔對手，『任何時候都可以嚟我㗎～』
「嗯！」柔柔帶住充滿希望嘅笑容點點頭！
可以救到本應跳樓自殺身亡嘅柔柔...咁就足以證明過去係可以改變...
咁講法...即係同樣可以救返家嘉！
跟住既劇情發展又會係點呢？



準備出文