【科幻故 唔係科幻幻故/幻幻故】《今次一定救到你》(1)

縱使俾你改變到過去，又可以拯救到未來嘛？

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/181998/今次一定救到你

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我光合作用嘅陽光～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream

[Day 01－平凡時光] PART 01

喺班房裡面，坐喺自己個位...

突然！有個身影行到嚟我身邊：「喂！時世傑！」

我抬頭望清楚：『點吖？蔡家嘉？』

其實都唔使望得咁清楚，淨係聽把巴渣聲都知係佢～

「冇～」家嘉帶住古惑嘅微笑，居高臨下咁打量住我，「今個禮拜日得唔得閒吖？想同你出街～」

『今個禮拜日？』我諗一諗，『我得吖～係唔知安哥仔、威姐同魚魚得唔得姐～』

「唔係吖！」家嘉谷起塊面豬登！「我係想單獨約你出街吖！」

『吓？』單獨約我出街？

LM

「係吖吓！吓咩姐！得唔得吖？」家嘉谷到塊面豬登都紅晒！

『得...得...』使唔使咁嬲咁吖...

「係㗎喇！唔...」家嘉打量住我個頭，「我想嗰日見到你嘅時候...係Undercut囉～」

『吓？點解吖？』我而家個頭好地地，做乜要人剪Undercut吖？

不過都唔係第一日㗎喇...呢排家嘉都成日望住我個頭話想睇吓我剪Undercut會係點嘅樣喎...

「總之我叫你剪你就剪啦！」家嘉雙手叉住條小蠻腰！

咁霸道㗎咩...

「我想...」家嘉諗一諗，又谷到塊面紅紅咁，「喺嗰日同你講啲嘢...會係難忘嘅一日...」

有嘢想喺嗰日同我講？難忘嘅一日？

「就咁決定喇！」家嘉一邊講，一邊轉身揮揮手，「約定你今個禮拜日七點吖！」

『朝早吖？』

「夜晚吖！」

望住家嘉嘅背影越行越遠...

究竟有咩想同我講？

而家講唔得？

一定要等到禮拜日？

既然家嘉講到咁...我都只好照做啦～

照做啲乜？剪返個Undercut吖嘛～

不過我平時都係去開啲三十蚊快剪...唔係話剪唔到嘅...係剪衰咗實俾家嘉笑足一世！

所以都係搵返間Barber好啲！

之但係...喺邊度有呢？屋企附近...又好似唔多覺有...

我都係上網搵搵...上Facebook搵搵...好似又俾我搵到間新開嘅...

我就跟住個地址搵...搵...搵搵...

『係呢度喇！』終於俾我搵到喇！

喺啲後巷又唔起眼嘅舖頭仔...

得唔得㗎呢？

就咁睇個門口...裝修都好似唔錯...

都係入咗去先啦！

“叮叮噹”我一拉門入去...

『唔該...』我都只係講咗兩隻字出口...

「係唔撚係玩鳩我吖？！」有兩個金毛大漢就將啲嘢掃落地！

嘩！咩事？裝修呀？！

「喂你哋唔好咁過份...」個髮型師（應該係）就瑟縮一角...

「我哋過份？！」

「話你知呀！再唔交保護費再過撚份啲都有呀！」

「醒撚定呀！」

兩個金毛大漢再掃啲嘢落地！就行到嚟我面前：「幫襯佢吖？冇俾保護費，你安唔安全我唔撚保㗎！」

兩個金毛大漢拍拍我膊頭就行咗出門！

嘩...乜搞到咁大鑊吖？好似...走先走先好啲喎...

當我想轉身...

「坐吖坐吖...」髮型師掃掃張凳，「俾少少時間我執執啲嘢就OK㗎喇...」

吓？仲坐？唔係吖化...

之但係睇到髮型師又好似好慘咁...一個人自己執返好啲嘢...

唉...我諗啱啱先俾人搞完...唔會咁快又搞多次嘅...坐喇坐喇...

坐定定咁等個髮型師執返好晒啲嘢，幫我鋪返塊布上身：「我叫Kit～想點剪？」

『哦哦哦...我想...』我望住面前塊鏡，『剪Undercut...』

「好嘅...」阿Kit梳梳我把頭髮，「想鏟幾高？留幾長？」

『呃...你話事得喇...』其實我都唔知...話晒都係第一次剪...

「OK～」阿Kit再幫我睇睇，「咁我幫你決定～」

『哦好好...』

望住阿Kit好用心咁幫我剪...

又望吓間舖...舖仔細細...淨係得阿Kit一個髮型師？一人經營？

係就係裝修得好有品味嘅...縱使啱啱先俾人搞完破壞...

不過都唔見有其他客...都唔知仲有冇下次添吖...

我就唔理得人咁多喇...反正我都幫唔到啲乜㗎啦～

我就乖乖坐定定咁俾阿Kit幫我剪返個Undercut。

阿Kit又真係好有心機！一個鐘時間，就幫我剪好個Undercut！仲幫我Set好埋個頭！

「O唔OK？」阿Kit拎住塊鏡幫我照照後面。

『OK吖！好OK吖！』又真係幾好睇喎！

估唔到我都Carry到Undercut吖～

好滿意咁俾埋錢...

「多謝晒～」阿Kit雙手接過我手上啲錢，鞠個躬，「歡迎下次再幫襯～」

『哦哦...好好～』我向阿Kit點點頭，揮揮手，行出Barber。

我都希望有下次～剪得咁有心機又咁靚，就咁收皮係可惜嘅...

不過都係嗰句啦～好多嘢都唔輪到我控制～

我係咩人姐？我只係一個普通嘅平凡人...

個頭剪好咗～要著返套靚衫～然後就係...

我行到去花店...搵搵...搵搵有冇...

『好彩真係有姐！』係黃玫瑰！

我就喺一堆黃玫瑰...揀返...揀返...

『唔......』望住啲黃玫瑰諗諗，『揀幾多支好呢？』

「有咩幫到你？」或者我諗得太懊惱，女店員都行咗埋嚟。

『呃...我想買黃玫瑰...但又唔知買幾多支...』

「哦～咁你係諗住送俾咩人？」

『呃...女仔...』即係我答完先覺得自己答得戇鳩...

邊個唔知買嚟送俾女仔吖？

「哦～咁吖...」女店員忍住恥笑，「十一支啦～十一支穩陣～」

『哦哦好好...』我就揀揀黃玫瑰，『咁就要呢支...呢支...呢幾支...』

好用心咁揀返十一支靚嘅黃玫瑰，女店員都幫我包返靚束花～

「多謝晒～」女店員帶住祝福嘅微笑向我揮揮手，「你一定成功㗎～」

『哦哦...多謝多謝...』成功？成功啲咩呢？

其實...我都唔知...

我都唔知家嘉約我單獨見面係為咗乜嘢...想同我講啲乜嘢...

不過好快就會知～至少當刻我係咁諗...

好小心咁護住束黃玫瑰，喺街上行。

有唔少路人都會望過嚟...

男嘅有...女嘅更多...

有啲偷偷笑...有啲就拉住佢男朋友叫佢睇吓...

算唔上好尷尬...因為我又唔可以話好在乎身邊嘅路人...

我比較在乎...將會見到嘅家嘉...

距離約定嘅時間越嚟越近...點地同樣越嚟越近...

不知不覺...天色開始昏暗...已經變暗...

不知不覺...原來已經行到嚟路邊...

望住企喺馬路對面...帶住微笑望過嚟嘅家嘉...

今晚嘅家嘉都著得好靚...特別靚...

我企定定...呆晒咁望住美麗動人嘅家嘉...

家嘉帶住微笑...望住我...踏出一步...向住我行過嚟...

就喺呢個時候...有道光由左邊照射到家嘉身上...

呢道光越嚟越強...越嚟越光...

就喺呢一道強光變得刺眼之時...

美麗動人嘅家嘉慢慢變成灰色...

整個空間開始碎裂...

掉落...粉碎...飛散...

當我再次有返意識之時...再次睜開雙眼之時...

『F...K...23...』6...係發...發夢？

我半睡半醒咁瞓喺床上唞唞...唞唞...再望望床頭個鐘...

『八...八點喇？』我就拎起部電話睇睇...有唔少Message...

再睇清楚電話個鐘...明明就八點半...床頭鐘又慢咗...

唉唔緊要啦...睇返啲Message先...

打返開“中同友誼小船”Group...

“威姐：咁就照舊我哋就由安哥仔負責買花㗎喇”

“安哥仔：冇問題啦 交俾我啦 年年都係我買㗎啦 仲唔放心咩”

“魚魚：梗係唔放心啦 安哥仔咁多年都係毒撚 一條毒撚樣咁 又溝唔到女 又冇拖拍 都冇機會送花㗎啦 啲買花品味係差啲㗎喇”

“安哥仔：喂吖我都會努力又好用心咁揀㗎囉好唔好”

哈...佢哋真係吖...

“威姐：係喇係喇 交晒俾你 咁時世係唔係真係唔同我哋一齊去吖？”

我就Send返句“唔喇 今年我想自己去”

隔咗一陣...

“威姐：咁好啦 咁我哋照舊時間老地方等啦”

“安哥仔：OK”

“魚魚：咁晏㗎喇 死喇死喇可能我會遲吖 等等我吖”

時間都差唔多...要起身梳洗先～

梳洗完，著返套靚衫...望出窗外...都幾好天吖～

雖然係好天，但都要帶返把遮出門呢～

我就帶返把黑色遮，出門口。

首先都係去剪返個髮先。

慢慢咁行，都好快就嚟到Barber。

“叮叮噹”拉門入到去，就見到阿Kit幫人剪緊頭髮...

「喂嚟咗喇？」阿Kit同我揮揮手，「坐陣先～好快吖～」

『哦好～』我就坐定定咁望吓間舖...

都係同第一次嚟一樣呢～都係咁有品味～咁多年都冇裝修過嘅～

舖仔細細冇幾多嘢睇...又唔想睇住阿Kit幫個客剪...好似俾壓力佢咁...

人情世故呢啲嘢...出嚟社會磨得多...點都識啲嘅～

我就拎部電話出嚟碌碌...

其實有咩好碌？冇咩好碌㗎咋～都係嗰啲平時成日睇開～演算法就不停咁演算俾你睇～但其實我就冇乜興趣...

永遠都喺啲錯嘅時候俾啲錯嘅嘢呢...除咗...“No life No Game即將開播新季”...

竟然...真係估唔到...一直都冇聽過製作新一季嘅消息...又會咁突然...

就喺我呆呆咁望住部電話...

「OK喇～」阿Kit掃好啲頭髮又抹抹張凳。

原來阿Kit已經幫個客剪好收埋錢添。

『哦好～』時間總係會喺不知不覺之間流逝...

我就坐好咁等阿Kit幫我鋪返塊布上身。

「照舊？」阿Kit梳梳我把頭髮。

『嗯嗯～』我點點頭，『照舊得喇～』

「咁多年都係一樣呢～」阿Kit就落手幫我剪。

『你呢度都係啦～咁多年都冇變～唔轉租間大啲？裝修吓都好吖～』

「唔啦～而家咁咪幾好～」

『唔止幾好啦～我見你個Booking網Full Book㗎喎～好好生意啦～我幾驚Book唔到吖～』

「我專登留返呢個時間俾你㗎！知你年年呢個時間一定會嚟搵我幫你剪剪個髮！」

『哈哈～咁有我心吖？』

「點可以冇你心吖？唔係你咁多年都一直幫襯我，我早就執咗啦！」

『邊有咁誇吖？』

「講少咗添喇！當年吖！我啱啱開呢間舖，就俾黑社會搞喇！」

『嗯嗯...』

「本身個舖位就冇人經過㗎啦...唔俾錢嘅宣傳就點做都冇宣傳效果...仲要俾黑社會搞...邊有人敢嚟幫襯吖...」

『嗯嗯...』

「好彩有你咋！做我第一個客！仲要唔怕班黑社會！繼續搵我！每隔兩三個月就搵我幫你修修！唔係我都捱唔到今日啦！」

『嗯......』

「所以你係我大恩人嚟㗎！再生父母嚟㗎！」

『哈～誇張咗喇～』

即係有種講法話啲髮型師唔係靠把剪搵食，係靠把口搵食，我信㗎！

你睇阿Kit～幾咁吹得～

不過冇所謂啦～佢咁吹我咪咁聽囉～

都係嗰句啦～人情世故嘅嘢，出嚟社會磨得多點都識啲～

「不過講返吖...」阿Kit諗諗，「原來班黑社會係響流朵...」

『係？』響流朵？

「係吖...」阿Kit繼續幫我鑊，「我一直都冇俾保護費佢哋～諗住都唔知佢哋會搞乜花臣出嚟㗎喇...要有定心理準備...點知有一排好耐都冇嚟搞喎...咁我好奇就問吓隔籬啲舖啦～佢哋話原來班人係響流朵！衰咗唔敢再出嚟搞事，就冇再嚟收保護費喇～」

『哦～～～』其實我就真係唔知呢件事...亦都冇話好大興趣知...

始終嗰一年...發生咗好多事...

好多更令我在意...一直刻喺我內心深處嘅事...

不過阿Kit咁講我就咁聽啦。

已經將[Day 01－平凡時光] PART 01 Upload上Penana

Lm