【祼辭獨遊東日本(上)】信越新潟、奧羽東北、福島第一核電廠 13日遊 (極多圖)

步出瑞嚴寺，円通院其實就喺隔離(話咗松島啲景點行路實到到㗎啦)



円通院以結緣嘅寺廟而聞名，1647年因為要建造伊達政宗個孫 伊達光宗 嘅陵廟而建。伊達光宗 年紀輕輕就已經有 伊達政宗 不相上下嘅成就，但遺憾 伊達光宗 喺19歲嘅時候就英年早逝。佢老豆 伊達忠宗 為此建造 円通院紀念個仔

一入門口嘅左手邊，就會見到一排又一排嘅 縁結び観音，除咗戀愛，仲可以幫大家促成考試、就業等各種緣分



向前行會係円通院嘅石庭「雲外天地之庭」


円通院 三慧殿，供奉光宗嘅靈廟，係整個円通院最重要嘅地方，亦係現存唯一保存完整嘅伊達家族家祠


三慧殿入面有十一座千手觀音，以及八幡神裝扮嘅伊達伊達光宗騎馬像，兩旁有唔同嘅歐洲花卉圖案


仲有紅葉 依邊係伊達光宗並殉死者供養塔，當年伊達光宗嘅家臣一同為光宗殉死，而依啲家臣嘅後代就為佢地喺三慧殿隔離設立墓碑



円通院本堂 大悲亭，供奉 聖觀世音菩薩，大悲亭隔離嘅庫裏更加提供「数珠づくり体験」，每粒珠都得到聖觀世音菩薩嘅保佑

睇死啲人覺得就天黑唔行福浦島 不過入面又堅係無街燈

行入少少啲分叉路已經冇指示牌
我都快啲睇完走返出嚟條橋先
天黑咗又搵唔到路就仆街

今日落住雨15度去睇311間小學
就嚟6月都咁撚凍
嗰陣3月仲有落雪，窗又爛晒真係凍到仆街
音樂室段訪問片真係好撚感動





一定上埋天台睇下啦



回程返到荒井站未有車就睇下紀念館

啲水印

樓豬依兩日好忙神隱咗 會慢慢繼續寫埋之後嘅行程

出返嚟松島岸邊，回望不遠處嘅 福浦橋 同埋 福浦島，本身諗住行埋，但樓豬實在太肚餓，醫肚要緊



途經一間串燒舖，比佢嘅海鮮吸引到 眼前嘅就係價值 ¥1,100 嘅 イカ LL Size，只要同店員講要啲咩，然後安坐店內就有專人幫你燒好送上




行返去 松島海岸站 坐車返仙台市中心



Pokemon Centre Tohoku 位於仙台站隔離嘅 PARCO本館，售賣 Pokemon 官方嘅週邊、卡牌等等。自1998年喺東京日本橋開咗第一個門市後，現時全日本已經累積有22間 Pokemon Centre



每一個 Pokemon Centre都有自己專屬嘅寵物小精靈代表，而東北仙台依間就係 比克提尼


好多特別造型嘅寵物小精靈


偶遇樓豬

最後依一晚係食 そば 位於 仙台站 地底嘅 SOBA DINING 結月庵

Day 10 // 白石、仙台

藏王狐狸村 -> 大崎八幡宮 -> 仙台光之樂章聖誕燈飾

藏王狐狸村 位於 宮城縣白石市，村入面飼養咗赤狐、銀狐、北極狐 等6種一共過百隻嘅狐狸，依到最大嘅特色就係園內無圍欄，大家係會同狐狸零距離見面

要去藏王狐狸村都唔係話方便，要喺 JR白石藏王站 轉乘 白石藏王山麓循環線 巴士，但好死唔死 JR白石藏王站 係一個新幹線站 如果為咗新幹線 13分鐘嘅路程而要比 ¥3,170 好似唔多值。。

所以取而代之，就係要搭 70分鐘嘅 JR東北本線 去附近嘅 JR 白石站，白石藏王山麓循環線 係會途經 JR白石站嘅 不過依條循環線一日得兩班，位好搶手，所以樓豬直接由 白石站 行去 白石藏王站 上車，確保上到

JR 東北本線


JR 白石站


唔好以為兩個站好近啊，都要行20分鐘㗎


每日就只有依兩班車，仲要每逢星期三都唔會有車



你地睇下 JR白石站 唔少人等車㗎


終於到達樓豬嘅目的地

狐狸臭唔臭？

少臭 依到咁多隻再有combo加乘

見到依隻大猩猩就代表你到門口了，不過記得先留意注意事項


留意班次，如果你miss咗12:10班回程車，一係等3個鐘，一係就坐的士


藏王狐狸村有一項特別嘅活動，就係每日11點以及2點舉行嘅「抱狐狸體驗」，只要額外付費 (唔記得咗幾多) 大家就可以喺穿著防抓外套後，零距離擁抱狐狸，職員仲會幫你影相，遇唔遇到隻乖巧嘅就睇大家造化 建議大家一到就排隊體驗咗先，之後再慢慢行入面


穿過多一度閘門，就正式進入狐狸嘅居住環境請唔好摸佢地同騷擾佢地



一班懶過鬼嘅狐狸



雪地中嘅狐狸



園內嘅中心點有一座御金稻荷神社，狐狸作為使者，喺狐狸村有座稻荷神社亦係合情合理嘅事




狐狸可愛嘅一面



亦有暴躁開拖嘅一面




大家可以喺指定餵食區買飼料投餵狐狸



更加多嘅狐狸





捉緊時間坐返12:10嘅巴士離開返去 JR白石站，當日依程回程車係上滿人，係連走廊嘅臨時位都坐爆哂

見啲台灣人報告話冬天去好啲
原來都仲有味

又un返個零鐘 JR東北本線 返仙台 仙台其中一個出名嘅神社叫做 大崎八幡宮，係喺 1607年由 伊達政宗 所建 (無錯又係伊達政宗)，利用咗日本最古老嘅建築法「權現構造法」建造而成，社殿以黑色做底色，再配以金箔、雕刻物等等襯托。而進入社殿之前，有一條好長嘅表參道要行，途中亦會穿過好幾個鳥居

大崎八幡宮 一の鳥居



二の鳥居



納入咗成為仙台市登錄文化財嘅 大石段



辛苦上完條長命樓梯，就會見到三の鳥居、表參道，以及盡頭嘅 「長床」



長床 作為表參道同社殿之間嘅分隔，而長床依到擺放咗好多依種五角型嘅牌 (或者係日本將棋造型嘅牌)，我諗因為大崎八幡宮祈求嘅，就係勝利




眼前嘅就係大崎八幡宮嘅拜殿，可以先敲響個鐺鐺，然後誠心參拜


同樣位於大崎八幡宮境內嘅 太元社



鹿島社


境內嘅 夫婦杉

咁多隻點都避唔到幾多

不過冬天應該真係好啲，一嚟無咁熱狐狸陣味細啲，二嚟凍得制我地會包埋面，又隔多啲味

12月中尾，越嚟越近聖誕，就當然追一追睇聖誕燈飾 仙台嘅 光之樂章聖誕燈飾 係全國知名嘅冬季活動，喺定禪寺大街同埋青葉大街兩邊嘅樹上掛上60萬個燈泡，每到夜晚6點鐘就準時著燈，形成一片燈海

準時6點全部著哂


打卡留個念啦


錯過咗6點著燈一刻？唔洗驚，每半個鐘都會重新著一次，唔洗下年請早嘅 Btw見唔見到前面有個高啲嘅台，佢就係合法打劫人 ¥300 嘅「展望台」，仲要不設找續，我無散銀聽到佢話no change 即刻退後唔入去 建議大家慳返


行後啲會有更多不同嘅擺設，好似依個心咁，仲會有顏色轉，有好多人排隊影 不過提提大家，佢背面係無人排隊嘅，自己執生



見肚餓就求其行入附近啲拉麵舖醫肚，又遇到一間唔撚好食嘅拉麵舖 麵係太麵，類似炒そば果種，樓豬本人唔like，最重要係，啲叉燒凍㗎，屌

Day 11 // 山形藏王

藏王山頂 (樹冰 / 地藏尊)

上年曾經喺到問過巴絲打12月尾去藏王會唔會有樹冰，有巴打答我無 樓豬唔信邪點都要親身去睇一睇，叫做博個機會

由仙台去山形有兩種方法，第一種係 JR仙山線，由仙台站直達山形站，需時接近兩個鐘。第二種就係高速巴士，一樣係直達車，但需時只需要一個鐘 唔洗講都知我會揀邊種



到山形站之後，請先入去 バス案內所 買 樹冰觀景套票，包哂 山形站 <-> 藏王溫泉站 來回巴士，同埋 藏王山麓站 <-> 樹冰高原站 <-> 地藏山頂站 四程藏王纜車，盛惠 ¥6,600，依張套票可以令你慳返即場排隊買纜車飛嘅時間，因為雪季好多人買纜車飛上山滑雪



藏王溫泉站到著，又回到白雪嘅世界




藏王山麓站



大家見到 藏王山頂站 同 藏王山麓站 嘅海拔差距，係一個double啊


去到唔洗排買飛隊，有職員企喺纜車隊果邊為大家換飛，你張套票要換成依張乘車券先上到纜車


前往 樹冰高原站 嘅纜車係只有左右各一架，雙線雙程，一架上一架下，大概7分鐘先有一班車，依架纜車係最消耗大家時間嘅


海拔1,331m嘅 樹冰高原站，建議大家喺 藏王山頂站 有開嘅時間，就好上咗山頂先，返落嚟先行依到，因為第二段纜車有可能因為天氣而停運



山頂段能見度唔多掂，勉強睇到唔太巨嘅樹冰



上到山頂，全部嘢都結哂冰，有種 The Day After Tomorrow嘅感覺

終於站在藏王之巔！！ 等樓豬比大家睇下樹冰盛況！！！！！

5！！！！！

4！！！！

3！！！

2！！

1！

登鄧！Um….. 就係咁，白雪雪一片


暴風雪到淨係見到方圓10米嘅嘢。。。



當時嘅體感溫度跌到落 -20°C，暴雪好似針咁打落隻眼到，眼都擘唔開 電話喺室外仲會凍到自動熄機


積雪厚到已經有半個人咁高，地藏山頂站個字已經由深藍色變到白色睇唔到咁濟


寸步難行到，每踩一下，有半隻腳都插咗入啲雪入面


藏王地藏尊 明明只係幾十米距離，但行過去隨時要十分鐘 地藏尊睇嚟同樓豬一樣都好凍下，全身白雪雪



樓豬頂唔緊了 返入站内有間餐廳賣下熱食熱飲，-20°C情況下依個餐廳絕對係救命稻草



比大家睇睇樓豬部電話，連叉電頭同喇叭位都係雪


圍爐取暖完，挑戰多次暴風雪，一場嚟到無謂咁快走啦 不過完全get唔到點解啲人仲滑到落山。。。。

咁樓主係咪同屋企人住

屋企嗰兩隻貓你去咗旅行點算

同埋落暴雪喎

係我就即走

本身計劃12月中行程上唔上藏王好
咁樣睇可以skip

好講運氣，睇天氣做人

見有人遲我幾日上，天朗氣清又有樹冰，我當日嘅暴風雪成就咗人地嘅美景

GOOD POST LAU MING

係驚12月中唔夠雪
官網都係話1月中先夠壯觀

天氣就無得預，山下好天上到山頂一樣可以大風大雪加濃霧

其實係，我依個moment上藏王，連佢點燈都未開始，雪一定唔多夠

同暴風雪打完場交，都係落返山腰 樹冰高原站 吧啦，放心依段纜車唔洗點排隊


比大家望下可遠觀而不可褻玩焉嘅樹冰真身



山腰嘅樹冰高原站，能見度明顯係比山頂好




不過樹冰嘅Size無咁巨又真係事實


更多嘅係依一種樹冰，真係樹枝結冰果種




積雪深度計，現時12月中尾有大概有1m厚


不過老實講，其實依種樹冰都唔輸蝕好多嘅