【祼辭獨遊東日本(上)】信越新潟、奧羽東北、福島第一核電廠 13日遊 (極多圖)

喺工場依到嘅貯藏罐，每一個都有成 19m長



大家仲可以透過牆上啲窗口仔，感受下貯藏室係有幾凍


其中一個重要環節，就係試飲「一番搾」同「二番搾」嘅麥汁 「二番搾」入口嘅感覺就好似一杯稀身、無糖嘅涼茶，而「一番搾」就完全相反，似一杯落咗糖、穊身嘅涼茶


室外一大堆水缸，同埋應該係危險品罐？(Sorly當年樓豬讀 chemistry 考試先得 9/100)



去到最後兩個工序：過濾雜質 同埋 封罐




現場仲有部機即場示範如何封罐



嚟到最重要嘅 moment：Beer Tasting 首先會送上一杯 Kirin 一番搾 比大家大啖享受先


之後就會有三款啤酒送上比大家細味品嘗，分別係左邊嘅 一番搾、中間嘅 一番搾 Premium，以及右邊嘅 一番搾 黑啤 (樓豬好喜歡中間嘅 Premium，有一種好獨特嘅花香味，不過問過個靚女導賞，Premium 只限日本銷售，係唔會出口嘅)

工場見學Kirin人性化過suntory好多

試過用AI叫佢幫我plan但炒哂車

未去過suntory果個，想知有咩唔同

個flow差唔多 係多左part坐巴士睇啤酒倉 中間完全冇互動

tasting room劃好晒位 唔理你飲晒未 夠鐘就趕你出去買野等車
血汗工廠feel

唯一好處就係免費

係呀我記得你之前出過櫻花遊記
繼續支持巴打嘅高質遊記

我嗰陣喺雙葉間小學 諗咗好多嘢
原來咁就十幾年 原來呢班小學生倖存者唔係做緊嘢都起碼係大學生
到底十幾年前上網咁唔發達 避災又各散東西
佢地仲有冇聯絡呢？佢地仲記唔記得311呢一日呢？
但呢一切大概都唔會有答案

無互動真係變到聽講座咁

Kirin 依邊 beer tasting 果時，個靚女導賞仲會同每個人都greet下傾下計

係
開頭仲要睇公司洗腦片
Tasting就睇power point

Kirin由reception 到導賞都係後生靚女
Suntory就男人同熟女

Lm 先
2月去左北海道+青森秋田山形宮城
嚟緊會去新瀉福島岩手

恭喜巴打解鎖成就

坐接駁巴返去多賀城站，就事不宜遲出發去下一個地方：松島，因為冬天所有神社、寺廟等等實在太早關門，衝去食個 Lunch 好快啲起行，不過今日嘅 Lunch 係有啲特別嘅

多賀城站


特別啲咩？就係蒸蠔放題 45分鐘任食蒸蠔



依間 松島かき小屋 serve 嘅係來自日本三陸地區嘅蠔，三陸係指日本東北地區靠近太平洋一帶嘅海岸，被譽為世界三大漁場之一，每年9月至3月都盛產蠔 比¥3,300 就可以放題任食


每一次職員都會由蒸爐入面熱辣辣拎蠔，一盤盤咁送上，每盤大約十零隻，食完一盤嗌佢又會再添新一盤比你，樓豬獨力清左五盤


食完行返出去，就會見到 日本三景之一：松島


日本三景碑

秋冬天去仲有氣氛

去宮城峽的確係麻煩
仙台駅坐巴士要成個幾鐘
回程又要夾返班次

夏天享受純純綠葉
秋冬好正但應該好多人

最正我都覺係係秋冬 色彩層次都豐富唔少

我果轉，現場大約10個人自己嚟，外加一團大巴旅行團

我得6-7個自己嚟
有3個日本姨姨
有個識少少英文
係車站附近三兄弟嗰度影相撞到吹水
我影完行先
上到去上面等車行橋又吹水
我基本係0日文，只係識少少單字
佢哋都好開心
又介紹我去睇下311地震嗰啲地方

去宮城峽最少都要預大半日比佢

松島其實範圍唔大，基本上行路都已經到到大部份景點

瑞嚴寺五大堂 位於 松島海岸邊 嘅一舊島礁上面，相傳係由坂上田村麻呂喺 大同2年 (807年)建造嘅「毘沙門堂」，其後828年慈覺大師圓仁開山延福寺，將五大明王像安置咗喺「毘沙門堂」入面，因而得名五大堂。但依家大家現時所見嘅五大堂，其實由伊達政宗喺1604年修建瑞嚴寺時同時建造，充滿桃山文化風格，而五大堂係東北地區最古老嘅桃山建築物，獲指定為日本國家重要文化財產。

進入瑞嚴寺五大堂前，先要經過三條橋，分別係紅橋，以及分開兩截嘅松島三大緣結橋：すかし橋

紅橋


過咗第一段すかし橋之後會見到嘅 八幡宮


第二段すかし橋，連接五大堂，由於すかし橋被譽為可以預見未來嘅緣結之橋，所以情侶可以漫步上橋，望向橋下嘅海面，喻意可望見未來，平安順利



五大堂同其他寺唔同，佢度門係緊閉嘅，內部恭奉緊828年安置嘅五大明王像。而五大堂每33年先會開一次門比民眾參拜 (對上一次係 2006年8月18至20日)，下一次開門要等到2039年


五大堂嘅牌匾，但細心睇其實佢係寫「五太堂」嘅


大家可以喺到敲敲鐘，參個拜

參觀得瑞嚴寺五大堂，點少得參觀埋瑞嚴寺本體？行返過馬路對面，穿過瑞嚴寺山門，就會見到瑞嚴寺嘅參道



參道兩旁有好多紀念碑，其中一個好大嘅就係 鐵道殉職者弔魂碑，係仙台鐵道局喺1920年悼念750位殉職者而建造


瑞嚴寺中門，中門上面嘅牌匾寫住「瑞嵓圓福禪寺」，先係瑞嚴寺嘅正名


穿過中門就會到達瑞嚴寺嘅本堂，係 伊達政宗 喺 1609年 所建造，現時係日本國寶嚟



瑞嚴寺寶物館 「青龍殿」 (瑞嚴寺大部份室內地方都禁影相，所以內部就留待大家嚟一探究竟)


對面係瑞嚴寺嘅庫裏，裡面有十間部屋，分別係「孔雀之間」、「文王之間」、「上上段之間」、「上段之間」、「佛間」 、「羅漢之間」、「墨繪之間」、「菊之間」、「松之間」、「鷹之間」


瑞嚴寺法身窟，紀念13世紀中興圓福寺嘅法身性西禪師


瑞嚴寺嘅 洞窟遺跡群，以前一啲有錢人、藩屬等等死後會將遺體葬喺松島入面嘅寺院


青龍山燈籠


寧靜舒適嘅環境

留個名 再慢慢追

始終福島好多人都仲覺得係生人勿近

見有外國人專程嚟感受福島美景，我諗佢地真係開心到爆