【祼辭獨遊東日本(上)】信越新潟、奧羽東北、福島第一核電廠 13日遊 (極多圖)

大內宿有一間餐廳好出名，佢就係 三澤屋，專食 大蔥蕎麥麵



三澤屋 嘅 大蔥蕎麥麵，特色就係用一碌大蔥做筷子，兼碌蔥仲可以食埋 不過食完就知道完全唔岩我口味，樓豬絕對覺得成碗麵係難食，硬係覺得個麵有陣怪味，勉強食咗一半就投降，成間舖最正常就係。。杯茶咯。。。

印象都食過有啲蕎麥麵有浸(好難形容既)好似生啃谷殼植物既草腥味
不過當年在大内宿食又無呢個問題
當年去到落住雪好凍有碗熱食感覺好溫暖
不過碌葱浸耐左就成碌淋哂

直線距離好短，但行嘅距離其實差不多，都係半粒鐘

但要坐接駁巴士就只有會津宮下有

都係三澤屋定其他舖？大內宿應該有好幾間都有蕎麥麵

Day 6 // 福島

福島海藍寶石水族館 -> 富岡町

雖然 會津若松 同埋 磐城市 同樣位於福島入面，但係其實兩地相隔超遠嘅，一個位於福島中央位置，另一個喺東邊面向海，依個時候高速巴士又大派用場啦

會津若松 -> 磐城 嘅直達高速巴士，三個鐘頭車程，中途會途經郡山站。樓豬搭果架，係每日只有一兩班可以直達磐城嘅直通車，其餘嘅都係分段車，要喺郡山落一次車，但依家 check 返時刻表好似取消咗直達車了


到埗磐城，由於我唔會喺磐城過夜，所以直上磐城站搵 locker 鎖好個行李先，之後就過去水族館附近食啲嘢



水族館隔離Aeon Mall Foodcourt 揀咗 魁力屋 做午餐，但想講，又係 好 難 食！！！！！啲麵有鹼水味，紫菜浸兩浸變咗糊狀。。我屌


難得一見嘅靚 foodcourt

check返應該係食呢間

Asanuma Shokudo
浅沼食堂
https://maps.app.goo.gl/g7RmoSD8SZRFGXBdA

福島海藍寶石水族館就喺 Aeon Mall 隔離，水族館喺2000年開幕，係東北地區入面最大嘅水族館。水族館約有800種、約12萬隻生物，並以福島近海暖流「黑潮」同寒流「親潮」交會做主題，重現太平洋沿岸同福島當地嘅生態環境

水族館外層以全玻璃覆蓋，成個外型極似一部潛艇


水族館正門


水族館戶外位置亦有唔少紅葉可以觀賞


戶外有一個柴犬區，不過唔知係咪依一日太大風，佢不斷吠


一入場就會見到不同種類嘅魚類同標本




館內亦有大型啲嘅動物，好似企鵝、海獅咁



水族館玻璃外層結構


熱帶沿岸區域，覺得啲魚即刻鮮豔咗唔少

啊 咁我知邊間了 當日我以為得三澤屋有開

海藍寶石水族館嘅重頭戲「潮目之海」大水槽，係世界第一個以三角隧道呈現暖流「黑潮」同寒流「親潮」交界嘅水族館



比大家望下三角結構嘅玻璃嘅厚度


大水槽同其他水族館有啲唔同，主要以小型魚類為主



依到好神奇居然會有狐狸



館內其中一個戶外區域，除咗係紅葉區外，仲有機會見到松鼠





室外仲有一個佔地4,500平方米嘅「潮境海灘」，5月至11月嘅時間可以比人赤腳行落水

樓主影啲相好靚
雖然好多地方都唔識，但好多都好吸引

依一日行程唔多，仲要搭去 JR富岡站 準備下一日嘅 福島第一核電廠 見學，返返去磐城站拎行李就搭 JR常磐線 出發今晚嘅住宿地

JR 常磐線


到達JR富岡站，第一樣嘢會見到就係輻射計，始終富岡地區距離 福島第一核電廠只有大約 11km



不過順帶一提，住富岡地區搵嘢食係有困難，甚至便利店都無，所以記得book酒店晚餐 / 自己喺其他地方買定

多謝支持
我記得絲打你由我第一個大阪櫻花遊記已經有睇

Day 7 // 福島

福島第一核電廠見學團 (東京電力廢爐資料館 / 福島第一核電廠 / 震災遺構 請戶小學 / 原子力災害伝承館)

福島第一核電廠見學團之前已經獨立出咗 post，歡迎大家稍移玉步過去睇完再返嚟

【前進福島核電廠】我與311核災現場嘅距離
https://lih.kg/3892126

Day 8 // 仙台

震災遺構 荒浜小學 -> 311交流紀念館 -> 仙台城跡

2011年 311大地震，除咗位於 浪江町 嘅 請戶小學 成為震災遺構之外，位於 仙台嘅 荒浜小學 亦都係其中一間震災遺構。荒浜小學穩固嘅建築喺311海嘯中成功拯救320條人命

富岡站去仙台全靠一條 JR常磐線，中途亦需要係 原ノ町站 轉一轉車




仙台站 到著


去 荒浜小學 各位記得捉緊巴士時間，最方便就係去荒井站轉R20巴士，走咗車我建議你直接等下一架，唔好學樓豬咁，喺 仙台站 搭其他去到附近嘅巴士再行過去 荒浜小學

當時嘅我，搭緊第一程巴士，見趕唔上第二程巴士，覺得一條直路好鬼快行到啫，直接喺箭咀位落車，點知我行到連第二程巴士嘅下一班車都爬咗我頭我就知仆街 最終我落車行咗40分鐘


目送本應要坐嘅 R20 離開🌝 唯有望下沿路風景安慰下自己



見到依座嘢，代表恭喜樓豬我終於行到嚟了



當年311大地震嘅時候，有一共91名學生上緊堂。當海嘯警報響起，校長即刻帶同所有學生，仲有附近嘅居民，一共320人，上去學校天台避難。而海嘯打到過嚟嘅時候，荒浜小學一樓已經全部浸喺水入面，但幸好荒浜小學嘅結構好堅固，成為附近唯一無被海嘯衝冧嘅建築物。320名學生同埋居民全數生還，由直升機分批救走

當年海嘯水位高度紀錄，全層一樓都浸哂


荒浜小學內部面貌

有冇去埋隔離水果園

海嘯一度浸到上二樓位置，啲櫃身都充滿被水浸泡過生鏽嘅痕跡


昔日大家就係喺依到上堂嬉戲




學校四樓仲有一個展覽室，喺到會展出當時事發嘅時間線，以及播放事發27個鐘後直升機救援嘅情況嘅紀錄片



成功拯救320條人命嘅天台


牆上掛有「ありがとう 荒浜小学校」感謝學校嘅標語

人在東北睇緊呢個post
巴打繼續po
我日日都睇

人在東北 身歷其境嘅感覺？

回程樓豬唔會再咁 on9 行路走，都係等R20巴士返荒井站啦，同埋依個站有一間 3.11 交流紀念館，順路可以參觀埋

仙台 3.11 交流紀念館 位於 荒井站裡面，等大家方便認識同學習震災知識


一樓係個交流空間，有一張仙台市東部沿岸嘅立體地圖，地圖上面白色嘅部份代表被海嘯淹沒嘅區域。而喺到仲有好多其他311震災遺構、傳承館等等嘅資訊比大家參考了解




行到依一刻都已經晏晝兩點幾，咋咋淋食個快飯仲有其他行程要趕 當你諗唔到食咩好嘅時候，嚟仙台站牛舌通點都唔會有錯㗎啦

仙台最出名嘅美食必定就係牛舌，喺仙台站3樓有一條牛舌通，集合咗好幾間好出名食牛舌嘅餐廳，樓豬今次選擇咗善治郎


坐吧台可以睇住師傅煎牛舌，不過啲位窄過鬼 坐得好辛苦


碗湯好大碗，入面仲有一舊舊肉，完全係真材實料，飯同沙律記得係可以無限添嘅，個人感覺比利久更好食

樓主識唔識日文？

識少少但無考試

食完飯就要即刻趕車，趕住搭 るーぷる仙台 去 仙台城跡 (所以點解我頭先去荒浜小學，走車都要行路)

樓豬搭嘅依架 るーぷる仙台 係仙台市內嘅觀光循環線巴士，會去仙台市不同嘅觀光景點，仙台城跡就係其中一站


當時樓豬係搭 16:00 最後一班嘅 るーぷる仙台，站頭人員同司機都好緊張大家想搭去邊，因為一旦樓豬喺 仙台城跡 落車後，當日唔會再有車接人走，要自己行落山搵車離開



臨入仙台城跡之前，會先見到 宮城縣護國神社，佢依個位置就係以前仙台城本丸嘅舊址，不過啱啱好撞正佢拉閘關門 唯有喺閘外影張相當參觀咗


戰國武將伊達政宗喺 1601 年嘅時候築建咗仙台城 (亦叫青葉城) ，當年為了表示服從德川幕府嘅忠誠，特別唔建造天守閣。其後喺 1871 年廢藩置縣嘅時候拆除整個仙台城，但保留咗仙台城嘅遺址


上到嚟依到就係本丸嘅大廣間遺跡 (你無睇錯，堅係一大片空地)


上到嚟嘅另一個重點：伊達政宗騎馬像。伊達政宗作為建立宮城縣仙台市基礎嘅戰國武將，好自然已經成為仙台嘅象徵



昭忠碑


由仙台城跡回望仙台市區，覺得喺到望住市區夜景都幾chill



仲記唔記得頭先已經係 るーぷる仙台 嘅尾班車？所以依家就要徒步行落山了 經過本丸詰門跡就可以沿山路落山

本丸詰門跡


夜晚嘅仙台城跡會有啲燈光打上外牆，等幅牆無咁單調


沿路有街燈，放心，唔洗摸黑落山嘅


如果你係搭鐵嘅話，你行到嚟 国際センター駅 就代表你贏咗了

係，好似多個人探路咁

成功回到仙台站，鳩行下食個晚飯



仙台站外都仲有紅葉盛開緊

Day 9 // 仙台

Kirin 仙台工場見學 -> 松島 (瑞嚴寺 / 五大堂 / 円通院) -> 仙台Pokemon Centre

今次旅程除咗有 福島第一核電廠見學 外，其實仲有多一個見學會去，就係 Kirin 位於仙台嘅工場 (本身想去埋 Nikka 威士忌宮城峽蒸餾所，不過實在太遠同交通唔方便，要飲酒又無辦法租車自駕，實在夾唔到行程唯有放棄)

Kirin 作為日本好出名嘅啤酒品牌，大家只需要課 ¥500，就可以喺見學入面可以認識一整個Kirin「一番搾」嘅製造過程，由原材料麥芽同啤酒花、麥汁過濾、發酵、貯藏、入罐都一目了然，仲可以試飲「一番搾」同「二番搾」嘅麥汁，最後仲可以 Beer Tasting 試佢三款啤酒


JR 仙石線 多賀城站 有一架免費接駁巴士，接載大家前往 Kirin 仙台工場



Kirin 仙台工場


一開始大家會先睇一係簡介片先，全日文，不過有英文字幕嘅放心🫠


正式開始參觀釀造工場，依到開始就只有日文講解 (不過個靚女導賞其實係識英文嘅)。第一步就係睇原料，大家可以喺到拎啤酒花同麥芽上手，感受一下作為原材料嘅氣味



室內嘅過濾槽，以及室外嘅發酵罐



每一個發酵罐嘅直徑都大約有 6m 闊


有一個生動互動嘅環節，話比大家知酵母喺發酵過程扮演緊個咩角色🫠

巴打去嘅地方都幾多唔同網上就咁搵嘅地點
我就好懶交晒比個AI幫我諗