[ 白蓮羣英惡鬥蛇貓門] 港漫綜合討論區 33

正當蛇貓門等緊谷次郎安排之際，基龍屎忽痕走去睇吓鬼將軍死得未，點知失去功力嘅鬼將軍，居然變番靚女，仲表示後悔以前所作所為，以後只想做個平凡女人，基龍見狀居然起痰，心感今次仆街了
刀痴以刀氣力拒銀鷹影分身，心感空間狹窄，不利佢大開大合嘅刀法，於是破牆而出，兩人於室外繼續打，此時觀戰嘅Victor 心感加籐鷹實力已經超乎佢想像，打到咁上下，銀鷹用鷹喙彈開龍吟大刀，另一手就一嘢鑽中刀痴乳頭，刀痴運金甲神功硬擋，另一方面使出反手刀一嘢劈中加籐，點知銀鷹護身氣勁已練至流動如水，毫髮無傷，仲俾機會加籐使出鷹王破日，好彩刀痴及時擧左臂護頭，先死唔去，不過亦要受傷
旁觀嘅Victor 睇到戰況，驚到打哂尿震，心感不知何年何日，方可報仇，刀痴亦於此時企番起身，準備出絕招，屍鷲則於此時幫小蛇啪針要渡佢升仙
兩大高手聽到小蛇慘叫。不過一於少理，此時刀痴使出萬變魔旋，銀鷹金睛火眼笈住，卒之右手抓住大刀，左手用一隻破兵介，擊中大刀受力點，此介指乃一年前，拍賣會買番嚟嘅天外晶石打造而成，受力點一旦被擊中，加上銀鷹內力，就可破盡天下兵器，龍吟大刀就此崩碎，由愛人骨灰打造嘅大刀化作碎片，刀痴標哂眼淚，暴怒如狂